بوح....ي ؟!

[عبدالله صلال العساف]

فاجأتني بالسواد اللي تكلّلت فيه
الناس تصعد وش الطيّحْك من عيني
يااسود القلب ماشرّهك في قول ليه
يفضح فراغك ..فراغك ..مايعنّيني

 

[عبدالله صلال العساف]

هل السحاب وماطرك ما وحيته
وراك غيّبتي الملامح ابهالليل
السر صدقيني كماني وكميته
حتى ولو ضجت عليك الهلاهيل
احيان اهذري ابشي لوماعنيته
اهوى المزاح وبعض ناسك مغاليل
وايؤلون الهرج عكس اللنويته
وايصير شعري لعبة القال والقيل

 

[عبدالله صلال العساف]

يا....غضي سمْعك اشوي وأوحي
نايٍ لك اضلوع الغريب اعزفتْبه
على السجيّه ما ارتّب وضوحي
ابوح باللي اهواه وال ما احبّه
تميل لأسماعك عناقيد بوحي
وتعجبني احروفك كثير واحبّه
ماني مراهق لاتخافي جموحي
وصداقة المثلك كثير افتخربه
قامت تهادلّك عصافير دوحي
وكل رمش عينن طيّر اليوم سربه

 

[عبدالله صلال العساف]

جفنٍ خذا ليل الخلايق سماره
صار ال شعاع الشمس غيم وستاير ؟
الجفن ليل ودمع عينك نهاره
في طلّته عكّر مزاج الظفاير

 

[عبدالله صلال العساف]

فكرت شرسلّك مسج للتهاني
وقررت ادزلك صورتك لاجل اهنّيك..!!
ياجمل من احروف الشعر والاغاني
اهلال عيدي طلّته من حجاجيك...؟
تشوف نفسك بالهلال وتراني
في كوكب الارض اتحرّى لياليك
شاور شبيهك قول ذاااك الشراني
من شان لاوشوشتله شفت اشافيك

 

[عبدالله صلال العساف]

انا قلت اباركلك قبل ليلة العيد...!
وآآقولّك كل عام وانتي اهلاله..؟

 

[عبدالله صلال العساف]

سولفي صدر هالليله فسيح...!
اوّل ايار والمطرب شجي..؟.

 

[عبدالله صلال العساف]

آسف اذا تعّبتك ابقسوة ال ليه
لولا غلاتك صدّقي ما ابوحه..؟
مايشره الانسان الاّ ع غاليه..!
آعاتْبك واطلب خطاك السموحه ؟
يغيضني الفنجال لامن شربتيه..!!
كل ماجمع هالشّفّتين ابسفوحه ؟
ياما خذا من شفّتك ما يكفّيه ..!
بشويش عاللي زف يمّك اشبوحه ؟
ويغريني السلسال لاداعب التّيه
كن الذهب عالجيد ياكل ابروحه