سيمفونِيّة مَطَرْ

[سعيد الموسى]

تعبت آلحفك صدري
وأنا صدري عثاه البرد !
..... تعبت أسقيك من دمعي
وأنا محتاج للرشفه !
قسم بالله أنا مُتعب !
من همومي !
وكثر الحِمل !
تَعب كتفي من الدنيا !
وأنا لاحول
... لاقوّه !
انا واقف على حيلي !
وحيلي
مستند ...بـــ الــ آه !
كفاك إني حبست الدمع !
إلينه طاح
فــ السجده !
تعبت الناس
ياحلمي !
وأنا اشوفك
ترّف الريح !
تعبت الكذب ياوقتي
وانا
متشبّت بجرحي !
تعبت
أكمامي
وثوبي !
تعبت أستلطف الضيقه !
تعبت آفكفك أزراري !
كأني ثار هالدنيــــــــا !
مدام إن الحكي يتعب !
أبستغفر
... كذا يكفي !

 

[سعيد الموسى]

من بين كل الورق !
غصنك !
من بين كل الغرق !
عطرك !
ياليت عينك : ترّف الما !
عطشان
وأرض الفرح ... جدبا !
*
ميلي برمشك / على أنهارك !
هزّي براكين
ودياني !
*
أستجمعي ورد بسماتك !
ثم أنثري
فــ المسا .. صبحك !
مايعترف صدري
بعذري !
ألا بعد صوت خلخالك !
*
مرّي
على صوت نسياني !
.
أبغى أذكر الوقت
في شالك !
بستنشقه ... وأرمي أوقاتي !

 

[سعيد الموسى]

*
ناي الحزن
يعزف أوجاعي !
في كل نفثه !
يرتبني !
يربكني العزف ...
يوجعني !
يزفر !
أحاسيس مكتوبه !
ياليت هذا الزمن
يفهم !
دمعة شهم
ليش يسقطها .؟
يارب
هذا الزمن قاسي !
يارب
مايرحم أوجاعي !

 

[سعيد الموسى]

سعادة حزني : الفاضل !
صباح الجرح
... والدمعه !
صباح الآه !
يافاضل !
....
سعادة حزني : الأكرم !
كريم بغطرسة كمّي !
أقهوي حضرتك : غيمه !
أمد لك سلّة أوجاعي ؟
تفضل وأقلط بجفني !
يسعد صباحك ... وخدينّي !
صباح الحزن ... ياأهلا ً !
*
*
تعال أقرب ...
كثير .. أقرب !
أبي تتواضع وشكراً
على كل الكرم .. شكراً !
*
بوشوش لك ... تحملنّي !
وأنا أكرم منك ... سامحني
أبسأل حضرتك ... عفواً
تركت صدور خلق الله
ولا به غيري فــ بالك ؟
*
*
على فكره
أو الفكره !
أنا مااتقصّد إزعاجك !
ولا فكرت
في طردك !
ولكن
بس أبي أفهم ؟
إذا مثلي رفع قدرك !
وصانك
وأنتحل لأجلك !
أبفهم
وأعذر إلحاحي !
كذا
بالله مايكفي !؟
كذا
ماتكفي إجراحي !؟
*
أنا آسف على إزعاجك !
أبد
ماأقصد إحراجك !

 

[سعيد الموسى]

طفله صغيره...
تبي تكبر !
ترسم على رمشها أثمد !
تنقش على أيدينها
حِنّا !
*
*
تحضن مراية ملامحها !
ترمي على ثغرها
توته !
تلبس على وجهها طرحه !
تخفي ملامح
برائتها !
تسرق عباة أختها
الكبرى !
قالت لـــــ أبوها .... أبـــــــــ أتزوج !
*
*
أستغرق الأب في دهشه !
أستغرب
الفعل من طفله !
يقرب من أيدينها
بشويش !
ويضمّ بنته وهو حاير !
من وين هذا الفكر
قولي !
قالت وهي خدّها أحمر !
وائل صديقي بيخطبني !
دايم يقول أف
لو نكبر !
وأتزوجك ... تقعدي جنبي !
نلعب أنا وأنتي
ونمرح !
ماهو مثل يومنا هذا ...
توي أشوفك ...
ويغفى اليوم !
وأصحى وأنا ملتحف شوقي !
والبس من الشوق
كرّاسي !
وبابا يسافر !
ولاأشوفك !
*
وأجلس وأنا منتظر بكره !
ويمر بكره
بلا بابا !
مدري علامه كذا بابا !
مع إنه سنين
ماشفته !
بس أذكر إني كثير أنشد
والمشكلة
صرت ماأنشد ...
من أطري أسمه
بكت ماما !
يارب يرجع لنا بابا !
عشان ماغيب عن
طيفك !
ساره ... نسيت أسألك حاجه !
تتوقعي وين هو بابا ؟
ماما تقول أنه مسافر
وأذكر طرت طاري الجنّه !
تقول بابا رحل جيزان !
وأغتاله الوحش ... ياساره !
والوحش
ظالم ويعصى الله !
لجل إن بابا يخاف الله
ويحب دينه ... وهمّ أرضه
أغتاله الوحش ياساره ؟
*
هنا بكى والد الطفله !
ثم ضمّها حيل في صدره !
وأتنهد الدمع
حاجبها !
رد بدموعه ... يتيم الطفل ! ؟

 

[سعيد الموسى]

يدق الباب وجروحه تنادي !
ـــــ عسى تفتح ويلمحها دقيقه !
يدق الباب .... ويتّمتم هنادي !
ـــــ يدق ويلهث اللهفه بريقه !
*
*
بعد ساعات !
فــــ الباب المجاور !
ينادي له : رجل
في بيت آخر !
كفى ياوليدي
أرهقت الأيادي !
أبو صالح
رحل !
والبيت فاضي !
تنهّد ضيقته
... طاحت
سنينه !
وتمتم بالحيا
... وبصوت شاحب !
هنادي ... سافرت ! ؟
ياعمّ
... لا ... لا !
بكى
والباب يبكي ... من يدينه !

*
رجع بيته !
وهو شايل دموعه !
توسّد جرحه !
وصورة هنادي !

 

[سعيد الموسى]

يرتسم وجهك
أمامي !
وأحضنه !
وأمسك يديني !
*
أمرر جفني لـ كمّي !
وتنبت
شيمتي !
دمعه !
*
كثر
ماخانني طيفك !
كثر
ماخانني وقتي !
كثر
ماكنتي الأكثر !
كثر
ماطيفك الدفتر !
.
كثر
ماكنتي الأصدق !
كثر
ماطيفك الأكذب !

 

[سعيد الموسى]

تقول : مالت
وقلت ... الأرض ؟
من حقّها
تميل لو بنتي !
قالت : أقول إنت
ماتعقل ؟ ؟
قلت العقل : مانفع حسني !
ضمّت يديها على
راسي !
قالت : وكاد أنت بك حاجه !
يمكن حرارتك مرتفعه !
قلت : اصلاً البرد في كفّك !
قالت وهي تسدل الحاجب !
شاعر
ومجنون ! ؟
ياسااااااتر !