أهداء ...... و ............. عزاء

[نواف التركي]

.

.


.


أغلب ما أطرحه هي نصوص قديمه فمنذ زمن لم أكتب قصيده

هذا النص أعادني للكتابه

أو

بصيغه أخرى

هذا الشخص كتبني

الأهداء والعزاء معاً

لــــ ذياب العسكر

[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
خذ عن كثير اللغو ما مختصره = يكفيك عن كثر الحديث وطوله

أم الغنج لو ميّلت لي خصره = ماني بـ / يم هروجها المعسوله

تقدر تقول أنسان سابق عصره = ولا (بدون) مضيّعته الدوله

يصبح يسولف للشفق وتحصره = الشمس تعلن غيبته وأفوله

حتى تطيح الدمعه المنتصره = اللي عثى فــ /الكبرياء نزوله

لو في يديني عن زماني نصره = ما كان بعضي بالقصيد أقوله

السالفه ملتويةٍ منهصره = وحروفنا بيد الزمن مغيوله

نصبح نمجّد في فلان وقصره = ونمسي عليه كبودنا مغلوله

يا (ذياب )ما يعرف حديث البصره = ألا الذي بـ (الشط) هزّ رجوله

الهم يعجز هالقلم عن حصره = في هالزمان اللي ثقال حموله

عيّا يتأقلم شاعرك مع عصره = وقرادته حطته في هالدوله [/POEM]