غازي صفوق الظفيري

[نواف التركي]

- لا أعتقد أن روّاد الساحة لا يذكرون هذا الأسم جيداً , نسأل الله له الرحمة والمغفرة ..



سفح الجبل وقفت به وأنت مرتاح
أطالع صورك القديمه وأخيله
تنام بعيوني وأنا أنام بجراح
لاسامحك ربي على كل ميله
كن العذارا من بعد شوفك أشباح
بعيون من أجلك وطى مستحيله
يامنتهى غايات نفسي والأفراح
حرام دمعي تنثره كل ليله
شف لي من الضيقه بالأفراج مفتاح
ماعاد بيديني على الصبر حيله
محتار عمري يامنا غايتي راح
ليت الليالي عن عذابي تسيله
قمت جبل صمتي على واقعك طاح
بجراح لو هي بك خضعتي ذليله
حبك على روحي من الوجد سفاح
والحال لو ماأنتِ بشر تآسفيله
لولاك ماأحسب الخساير والأرباح
ودنيا بلا شوفك عسى الله يزيله
عمر الضياع أعيشه اليوم سواح
شفره وجود وعل ماهي طويله
أنوح مع ورق اشتياقي لياناح
محتار ماعندي على الصبر حيله


ولم تكن طويلة ياغازي
رحمك الله

 

[نواف التركي]

عذب على ما تشتهي قلب مغليـك
دامك تشوف بلوعتي منـك راحـه
حتى ولـو استلـزم الامـر ليديـك
جسمي يكون إله الشرف من جراحه
بس التفت لي بالنظر يوم اراعيـك
نظرتك لـو إنهـا عـداوه مباحـه
مهما فعلت اسبـاب لتولعـي فيـك
عندي لغيرك مـا بقلبـي مساحـه
غيري بـلا قلـبه حبيبـي يناديـك
وانا بقلبي لك من الشـوق واحـه
في كل ما عندي من احساس يرجيك
رغم النصيب اللي بغى الانسداحـه
وان كان عني غيري اليوم ملهيـك
وفر على قلـب المولـع صياحـه
لا تذبحه بالصمت من جور واليـك
عنـدك كسيـر بالمـوده جناحـه
قله على اللي فيـه ربـك يمشيـك
وآحب ما عنـدي تـراه الصراحـه
ما بالخـداع الله يجازيـك تكتيـك
دم ولحـم ومجـرديـن سـلاحـه
والله لا هـذي حبيبـي ولا ذيــك
مادامت حتـى مـا تقبـل صباحـه

 

[نواف التركي]

بالحال ضميني على الصـدر لا طيـح
ما اقوى الوقوف أقصى الضماير جريحه
خلي عيوني في بحـر عينـك تسيـح
لـو ساعـةٍ عقـب البطـا مستريحـه
مابيـن تفكيـر بسـرحـه وتسبـيـح
ورود خـدك عقبهـا اشــم ريـحـه
واشرب من الحمر الشفايـا الذوابيـح
مـن مبسمـك شربـة هنـا يامليحـه
عمري غلـط مالـه بليـاك تصحيـح
واليـا متـى بالله وانتـي شحيـحـه
صحي شكوكي عقب هالصـد لاصيـح
معي اقطعـي شـك الغـرام بصحيحـه
سدي حلـوق أهـل الحكايـا النوابيـح
ومن حاسـدي لا تسمعيـن النصيحـه
مـن لـه تخلينـي طريـح التجاريـح
ولهان مشلـوع الحشـا شلـع شيحـه
وحيد أقـاوم بالهـوى عاتـي الريـح
وأنتي علـى زيـن الوسايـد مريحـه
حبـك بقلبـي لا تزحـزح ولا زيــح
والله دام إن آخـر العـمـر صيـحـه

 

[نواف التركي]

فتح عيونك لا تخشه بالاهداب
مر الحقايق لاتغمض عليها
مانت الوحيد اللي من الناس منصاب
حتى السعادة بالالم تشتريها
مش الدموع ولاتفكر بما غاب
صيور ماعقب العذاب تحكيها
عش بالسعادة لحظة العمر ما طاب
نم ليلتك واسهر مع اللي تليها
حلوة هي الدنيا بس الناس الانشاب
لولا البشر محدن بكى يشتكيها
كان السلام ارسى للايام الاطناب
والموت خلق الله بعد ما يجيها
ما كان انا قلبي على شوفتك ذاب
عامين وا.. قوك على من حييها
مهما جرى لازلت يا اعز الاحباب
عليك عيني نومها ماهنيها
لو قلت ابقواه العزا عنك كذاب
روحي عليك لياعصت ما اعصيها
باسمك يذكرني نسيم الهوى الهاب
ولا دق قلبي دقة منت فيها
كل الحلا كل الاثارة والاعجاب
عليك ملح الله ترشه يديها
والمبسم اللي به من الدر ما طاب
هني من عنده تبسمت فيها