هـــــــذا الغياب يكفّــــــــــــــي .... !

[خالد عبيان]

يالرياح المثقله بالبرد وينك هفّي
عن سموم القيض بردك يالرياح أشوالي

ولجل خاطر يا رموش العين بالله رفّي
قالوا انه مع رفيف العين يرجع غالي

لا وصلتي في خيالك عند بابه صفّي
جنب عقلي والفؤاد وحلمي وآمالي

يدري أنه مبطي وهذا الغياب يكفّي
وادري أنه في غيابه ما درى عن حالي

حد علمي شمعة العشرين يوم تطفّي
بعدها كل التواريخ انمحت من بالي

لو رجع عمري سنينه ما يبرد شفّي
بمشي بنفس الطريق ودربي ومنوالي

عظم الله أجر قلب بحبه المتوفّي
انتهى حتى رفاته ما لقا له والي

في حياتي ما أذكر أني قد لحقت مقفّي
ولا رميت من أجل حاجة غترتي وعقالي

حتى كفي لين راحوا ما صفق في كفّي
والا حسبت اللي خسرت وقلت وش يبقالي

وافياً للطيب اللي لا حضرت يوفّي
ولا بغيت اسج اخاوي شعري وموالي