ذااائقة ... عبدالله

[عبدالله الجودي]

بخيل ... وأناني ... ومتنكّر
تاخذ ، ووقت المدّ .. تتقلّص

حتّى وأنا أسولف لك ( تفكّر )
ش تقول لي بعد ما أخلّص

 

[عبدالله الجودي]

لا تمرين الممرات وتذوب القلوب
ماخذيتي غير سرق الوجيه الفاهيه

مشيتك ام شنطة الكارتير وامّ كوب
احتمال تودّي االمسلمين بداهيه

 

[عبدالله الجودي]

حسبي على الحظ ليه الحظ جافيني
ليته جمع بين .. جداني وجدانك

اخاف عقب المحبه بينك وبيني
يقفي بك الحظ عند عيال عمانك

 

[عبدالله الجودي]

طريت في بالي .. وفجأه تبسمت
وغمضت من لذة خيالك عيوني

العيد والذكرى وطاريك والصمت
هـ الاربعه في غيبتك اتعبوني

 

[عبدالله الجودي]

دمعة شقا طاحت على خد الأيّام
ياخاطري المكسور شد ( أمتعتنا )

لاعاد ترجي شيء من طرد الأحلام
أحلامنا : لو تستحي ( ما جفتنا )

 

[عبدالله الجودي]

لك في سما روحي موانـي وهتـان
ولك في مدى صدري عواصم وديره

أشرق صباحك وأندثـر ليل الأحزان
ياضحكة الصبح وصـباه وعبـيـره

 

[عبدالله الجودي]

هذا جديدي لو يهمّـك جديدي
محصور دايم فـ الألم والمعاناه

آحيان أحس براحتي في قصيدي
وآحيان أحس بلوعتي كل مـ اقراه

 

[عبدالله الجودي]

ما دام ما ودك تجي .. ليش توعد
وأنت الثواني بـ انتظارك احتضار

تعال صدفه .. ما أبي منك موعد
على الأقل ألقاك من غير انتظار