اوراق مبعثرة!!!

[محمد علي الثوعي]

ينساب صوتك وسط قلبي مع الهمس
.............ياللي كلامك يطرب النفس مملوح


هيا تعال وصافح الخمس بالخمس
.............ودي حديث الروح ينبع من الروح


القلب من كثر المواجع غدا عمس
.............لكن حضورك بدد احزان وجروح


محمد الثوعي

 

[محمد علي الثوعي]

مجاراة بين شعراء الدمه!!!


*حمود العاصمي*

يا ابو احمد عاد في الديره نماره
تحتمي الطور المونب والصداره
مثل ماقد كنت اشوف
لم ياخاشرها اكلها حتى الذيابه


هات علمك وانت شيخٍ له وقاره
هو بقى للنمر شانه واعتباره
حيث ما اقدامه تطوف
ولا ثلم حدٍ بمخلابه ونابه


*ابراهيم ابوخيره*

ياحمود الطور باقي في الصداره
والنمر ينبيك زفره وانتباره
ان مافي القلب خوف
والملامح تعطي الناظر مهابه


لمخ كفه ..مايجي بعده ..جباره
يلتفت بالهون واهل المال غاره
بين سهلٍ والشعوف
ضيعوا من قو بطشه وانتهابه


*معدي عيسى الثوعي*

لاح ... برّاقٍ ...ولمنو.... اكتباره
والمساقي قطّب عقومه وجاره
يحسب حساب العصوف
بات طول الليل متحاذر ونابه

كل ذيبٍ له مكانه واعتباره
فاق صبر النمر قد عنده جباره
ماتحيّره الظروف
قال مايحكم نمر طورٍ وانا به


*عبدالله الثوعي*

من شفى لشقر و خول كل غاره
وانت يا طيار في وسط الغماره
وش عمى عينك تشوف..
كل ريع ما يوازيكم جنابه

والله ان العوس ما يومن مساره
كم جري متزمجر يمسي وجاره
ما سلم من وقع دوف..
زاد علم ..المعتلم عن ما جنى به


*احمد المشايخ*

وصل منطوق النشاما وانتشاره
واحمد الله لا قصودٍ في انتشاره
شاقني بدع الطيوف
قلت باجاري واحكّم كل جابه

النمر يقلون ماعرف الخساره
يحمي القله ويتحاما مساره
وان وصل ساع الوقوف
المجابه لو يكن موته يجابه


*محمد الثوعي*

من بنى الدمات يبني باقتداره
واعرف ان النار تبدأ من شراره
من يصفق بالكفوف
بعد فوت الذاهبه محد ٍ درابه

كم نمر معروف دايم بانتصاره
ماتهيّب من سباع ٍ في مغاره
مقدمه سد الحتوف
مثل ضامي في خلا يتبع سرابه

 

[محمد علي الثوعي]

*مرت قبايل*



ياصاحبي من انا مدري
.............ضيعت وجهي من اوجاعي

نسيت بوحي مع شعري
.............ونسيت انا سيرة اطباعي

حزين ليل الشتا يسري
.............طويل به ساءت اوضاعي

ياصاحبي والزمن يجري
..............كذاب لوقلت لك واعي

مرت قبايل على نهري
..............تشرب ابلها وترتاعي

وانا بجوعي وسط اسري
.............الوذ بالصمت ملتاعي

اوجاع واحزان في صدري
.............بالقلب ما تاصل اسماعي

صبري على الجرح مايغري
.............والصمت ماعاد له داعي

اليوم جيتك نفذ صبري
..............ماشفت كلي وانا الساعي

ذبحت خوفي قبل عذري
..............نزعت قلبي من اضلاعي

رميت قلبي ورى ظهري
..............غنيت انا الناي والراعي


محمد الثوعي

 

[محمد علي الثوعي]

ادري . .عيونك..ماتبيني. .ثواني
.......انته ظروف الوقت جابتك. يمي


وانا وسيع الصدر. ماني ..أناني
.......اضحك واجامل معك ياكبر همي


حاول تناسى ماحصل يافلاني
.......والود يبقى مابقى نبض ..دمي


محمد_الثوعي

 

[محمد علي الثوعي]

محطات الامس
سفر ممل!
اوجاع متكدسة
في حقائب الانتظار!
ليل سرمدي حجب بدر.
توارى وسط الحكايات والروايات المملة.
عندما لاح بالافق نورا مشعا اضاء ماحوله!!
سارت اﻷفئدة
على ارصفة الشوق
تمدد باتجاه الضوء القادم!!


محمد الثوعي

 

[محمد علي الثوعي]

‏ياللي تمرجل بالشعر في المجالس
..........المرجله بالفعل ماهي بالاقوال

لا صار. علمك بين. بالس وهالس
...........ماجبت علم ٍ يرفع الرأس دجال

حنا شبعنا من كلام الابالس
..........اللي لهم بالقول مخرج ومدخال


محمد الثوعي

 

[محمد علي الثوعي]

‏🇸🇦🇸🇦🇸🇦🇸🇦🇸🇦🇸🇦🇸🇦🇸🇦

هذا. وطنا .بيرق .العز ..منشور
في سلم والا حرب هذا. وطنا

اللي يهاجم.دارنا ..كلب..مسعور
ماهمنا... كلب ٍ.. نبح .. ما فطنا

أرض الكرامه.والعطاءمهبط النور
دار. السعود .. اللي عطنا..وعطنا

حنا. هل. الافعال والشك .مثبور
ياما .على. أرض.. المعارك رطنا


محمد الثوعي

 

[محمد علي الثوعي]

الله اكبر الله اكبر الله اكبر ياكبير
ياعظيم الشان مالك لانديد ولاشبيه

الله اكبر الله اكبر ياودود وياقدير
مالنا غيرك اله ٍ فالشدايد نرتجيه

م.ث