" ابريل والدموع.... "

[أحمد التيمان]

	السلام عليكم ورحمة الله وبركاته صباحكم / مساؤكم ورد.. اليكم " ابريل والدموع " حتى ولو أننا في نوفمبر.. علها تنال استحسانكم... ــــــــــــــــــــــــــــــــــــــــــــــــــ ــــــــــ دريت ان الصبر ما يوجد المعدوم ودريت ان الحزن ما يرجّع الأيام ودريت ان الفرج يشره علي ويلوم ودريت ان الفرح صبّح علي ونام ينام من الفرح مبسوط دون هموم وأنا صاحي وتزعجني كثير أحلام تعلمنا من علوم السنين علوم وتعلمنا متى بنصدّق الأوهام غيابك ما يخلي للوصال هدوم وحضورك يكسو الدنيا بقطن الشام أشوفك وانت يبغى لك مسيرة يوم وأحس انك معي لو ان غيابك دام تذكرت الوصل وابريلنا المشؤوم وطاح الدمع -وأنا أشره عليه- وقام غيابك يزرع بصدري نخيل هموم نضج تمر الهموم ولا لقى لمّـــام يهيضني الهديل.. ولا يجي لي نوم يطوّل بي السهر ؛ والذكريات أعوام يطاردني الغراب.. ولا يغيب البوم تعبت من الحنين وفرحي اللي نام أمانة.. ما أبي هذا الغياب يدوم!! لأن الوصل هو يرجّع الأيــــــــام وسلامتكم "كونوا بخير"