تعال واكتب حالتك/لحظتك شعراً ..!

[شمس]

تعال نغيب عـن عالـم ألمنـا والسهـر والنـاس
تعال اكون لك ناسك وانت تكـون لـي ناسـي



تعال اروي ضمى وجد المشاعر من بحور احساس
وذوق من العذوبه سيل وجد اشواق واحساسـي



تعال نغيب عن عد الثوانـي ودقـت الاجـراس
تعال نوقـف ازمـان الحيـاة وطولهـا القاسـي

تعال ارسم على صدرك حروفي عقد مـن المـاس
الا يامعجـم حروفـي الا يالمـعـدن المـاسـي

تعال ارقد على صدر الغلا وابعد عـن الجـلاس
حلف صدر الغلا انـك تكونـي كـل جلاسـي


تعال اشمك اضمـك احبـك انتشيـك انفـاس
احسك عطر ما ودي بزفره يا اعـذب انفاسـي


تعال اسمع حنان الهمس واطرد ثرثـرة وسـواس
خذ اطهر لمس واصدق همس من راسك الى راسي


تعال اقرب بعد قـرب وعانقنـي غـلا لابـاس
ترى في لمسـة كفوفـك تلاشـا يالغـلا باسـي


انا اسكر بك غلا عاشق ثمل من دون شرب الكاس
امانه كل ما يفـرغ خيالـي عيـد لـي كاسـي


مما راق لي

 

[منتهى القريش]

المشاركة الأصلية كتبت بواسطة سعيد موسى

يالله يامنتهى القريش !

فليقف الشعر لك إحتراماً على هكذا سطور


إحترامي واكثر

شكرا لبياض روحك يا سعيد ..
الله يجعل قلبك كما حروف إسمك ..

 

[منتهى القريش]

إيييييييييييييييه يا بلد
من ننولد
لنا مع الغربه وعد

وسط الزحام
نمشي .. نتوه
ندور علينا للأسف
جوانا ما نلقى أحد ..

 

[فاطمة ناصر]

حزين .. في موتي .. على كثر ... مافات
...................كيـف الخـوي ماعـاد يبغـي خـويّـه

حسن النوايـا عمرهـا فـي النهايـات
,,,,,,,,,,,,,,,,,,,,, يافـاطـنٍ جـهـر الـكـلام وخفـيّـه

أكبر مصيبه كـان قلبـك معـي مـات
............... ياهـادمٍ صــرح الـغـلا بعنجهـيّـه

واكبر مصيبه ياعـرب حبنـا .. الـذات
........... وجهـة نظـر ساقـت لروحـي المنيّـه

 

[نايف السميري]

.
.
الحزن ماهو بشي يمرني واكتبه ...!
..................... والونه من فراغاتـي واسميه حـزن !
الحزن شي يبعثرني لو ارتبـه ...!
..................... والقاه بين انكسارتي وصبري وطـن !!
.
.

 

[باتل عبدالعزيز]

ماقوى اخونك
ماقوى اخونك .. ماش
انا قلبي عصفورك وباقي الصدر ..اعشاش

 

[حصه العامري]

.
.

وغيبي ياشَمس , إللي ضَيها لغيري . .
: )

 

[منتهى القريش]

قلت اهرب من عيونك
وانسى اني
(منتهى) كل المواجع
واهوجس بإسمي لأني
م البدايه انتهيت
كنت ادورني ولقيت
حظي العاثر
في حروف اسمي امتحني


وآه يا حزن الذبحني
ودي أنسى كل شي
حتى اسمي
ودي اهرب من وجودي
وامسح حدود الأماكن
وابتدي بي م النهايه
وانسى إني
كنت اموت
وكنت اموت
وكنت اموت
يمكن ابرى من جراحي
يمكن ابصر حي صاحي
يمكن اعرف منهو آنا
وانسى كم ميت جرحني...