.. { يــهـون الـج ـــرح } ..

[بدر الوسمي]

بسم الله الـرحمن الرحيــم

أصدقاء الأدب / وأصدقاء الـروح ..

مــسـاء / صبــاح ... الخـير

متــواضعه أتمنى أن تـرقى لـ ذائقتكم .. وتلامس إعجابكم

فـ لكم :



[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]انا ما جيت ابنبش لك شعور بـخافقـي مقبـور=انا جيتك وابنشد ليـه هالغيبـه عـن احلامـي

ثلاث ايام ما شفتك .. عسى مآ بالحنين قصور ؟!=عسى وصلك على ماهو.؟! بلاش أعيش باوهامي

سرى حبك بشرياني سكن فـي قلبـي المهجـور=سكن فينـي ونطٌقتـه حنيـن ٍ فوحـه اقلامـي


احبك كثر مـا حبـري تمايـل فوقهـا مغـرور=احبك كثر ما اقلامي تغيـظ احسـاس مرسامـي

انا وشلون اوصٌِل لك شعور ٍ بالحشـى محشـور=تزاحم بي غلاك الٌي بدا يظغـط علـى عظامـي

إذا ترضين اعيش وفي حشايه كم عظم مكسور!=إذا يرضيك.! ابنحر لك عـروق وخافـق ٍدامـي

لو اٌن الغَصٌه ابتسبق صراخي قبل يصْلَ الـزور=نويـت أبـادر بضحكـه ولا ابيٌـن لـك الآمـي

يهون الجرح لا شفتك سبقتي هالحـزن بعصـور=مادامك بس مبسوطه .. أبضحك لحظة اعدامـي

أنا لا شفت تكشٌيرك تهيٌـض هاجسـي ويثـور=تخيٌلني مع احزانك مقابـل اشـرس اخصامـي

ماراح تليق هالضيقٌه على وجـهٍ سكنـه النـور=ماراح تليق كود انٌه يليـق الضحـك بالضامـي


انا لو جت على كيفي طلبت الضيق ليـن يغـور=وَبنفي كلٌ دمعاتك مَع ادموعـي علـى اكمامـي

ياحلوِك يا بعد روحي شهـادَة حَـقٌ ماهـي زور=ياحلوِك لـن نشدتينـي وشنهـو سبٌـة الهامـي

انا لآ شفتك احيانا ً أقـولَ الأرضِ فيهـا حـور=واعيش بدهشتي لحظه وسنٌـي يجـرح ابهامـي

سحرتيني وانا راضي أعيش العمر بِك مسحـور=سحرتيني وانا الٌي في دروبك سِجْـتِ باقدامـي

انا شفتك ركضتي في بساتيـن وهوَتـكِ زهـور=انابعيني عِقِـب رحتـي بِكـاكَ الـورد قدٌامـي


وباذني سامع الأُركيد يزهم باعلى صوت السـور=بسِرعه ردٌهآ عنٌك ..بِتطْلَـع عِشـتِ ياحزامـي


عسى من لامني يبلى بـما بي من غلا وشعـور=عسى من لامني يوسَم بخـدٌه هجـرك ِ الحامـي

تعالي واسكني عينـي بـلاد وموطـن ودستـور=تعالي فدوتك شوفـي أبفـرش رمشـي ونامـي

أبي العاذل ليٌـا منٌـه لمحنـا يندِحـر مقهـور=أبي العشٌاق تتمنـى توصٌـل عِشقنـا السامـي

ما دامي ميٌت بحبك حنان وشِعـر فيـه شعـور=ويعني ميٌـت وعايـش ولكـن قلتلـك ..دامـي


أبي دفني هنا بقلبك مادام انٌـه ماهـو معمـور=مادامي ميٌت ٍميٌت ..! فديتـك واجـب اكرامـي

على فكره قبل مَادفن.. واعيش بخافقك مسـرور=ماعاد ابغى اجي اسال : .( فقدتك داخل احلامي ) [/poem]