خـ ـد يــ ـجــ ــة .....

[جمال الشقصي]

:

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]خانك اللي في مساري الدم تاب=خانتك عين الحقيقه في غيابك
لا تبيعي الصدق لاهلك والصحاب=ما يخون إلا ذوي القربى ترابك!![/poem]

:

 

[جمال الشقصي]

:

وين أشوف؟!
وآنا حطيت أوفياي بخاصرة قلبك سيوف!
طاحوا أدري
ولا تبقى لواحدٍ منهم طيوف..
بس أبا انشد عن طريقك
وين ألاقي ريحتك؟
وين أشم آثار ليلك واشربه؟
وين أقوّمني فـ لحظة طيحتك؟!

:

يا خديجه:
ما بقى وافي معاي
كل خنجر في ظهر قلبك يجول:
جاك من صدق أقرباي!!
اللي خانوني معك
واللي باعوا مضجعك
يا خديجه كلهم ما يعرفونك
يا خديجه:
كلهم قالوا عشاني
بــ
يــ
سـ
جــ
نـ
ـو

نك!!

:

 

[جمال الشقصي]

:

رسالة إلى من خانك:


[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]ألا يا يا صاحبي.. يا دمّتي.. يا محزمي.. كلمه: =دخيلك لا تقول لآدمي عني.. ولا حاجه!
توكّل يا ابن عمي/ اجترّ بالكذبه سنا النجمه=بتبقى لي خديجه/ وهاك نجم الكذب معراجه
قدرت تخون باللي بآخر التكوين له إسمه=أجل وش فعلتك بافقر فقير تعرْف مخراجه؟!
أبا حكي لك: خديجه ما تقول ان خنتها كلمه:=خديجه لخاطري: تشعر جحيم الثار: ثلاجه!! [/poem]

:

 

[جمال الشقصي]

:


غني أكثر يا خديجه
واآنا اغني..
من قصب روحي إلى ناي التمنّي
وآتشكّل لك مداين..
خيمة الوافي بها مليون خاين!
وآتدوزن لك مآذن..
ليلها فجار يتلوُن القداس
في لحاهم ألف فاس..
يحطب الورده فدا خيانة خديجه!

:

يا خديجه..
كلهم لو يضحكون:
تطلع أكواز الذره برمح وخناجر
وخبز بيت أمك له أنياب وطعون!
يا خديجه..
كلهم لو يركعون:
تبتدي موت المحاريب الأثيره
وآنا من عينك باقوم:
لاجل ما يستمنئ الوهم بجفونك
ولا يْتكوّن واقع الكذبه بجفونك
ولا بكا يكثر بمدمعْك العطيب
شبي جفنك بالخيانات الكثيره
اللي أولها أنا
واللي آخرها مطاليق العشيره!!

:

يا خديجه:

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]صحّي أبواب السجون بصوت موتك=والهمي السجان يركع في صلاحك
لو قيود العدل تدري بطهر صوتك=تستحي للدم/ تطلق لك سراحك!![/poem]

:

 

[جمال الشقصي]

:


يا خديجه:

تعالي نعاشر الجدران
نبرّ بطين..
ونتشيم بإسمنت الثرى العريان
تعالي ننتمي لسْلالة الميته
نقول الجيفه عمتنا
نقول المزبله تهويمة الحيّان..!

:


[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]إذا انتي الوافيه وخانوك=صديقاتك.. ورفقاني
كثر ما اعطيتي وهانوك=أبا اهدي الموت جنحاني[/poem]

"

 

[جمال الشقصي]

"
رسالة أخرى إلى نفس الخنجر:

"



[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]إيه.. من عظمي تفاصيله تنامت=ومن عروقي صار في هيئة مُوالي
لكن الأرض الكريمه لو تسامت..=يبقى في تاريخها نقطة تِعالي!
يا خديجه.. طاحت الليله وقامت..=شيمة الباقين بالضلع الشمالي
لو سمعتيني مع الأيام شامِت=ما شمَتّ إلا على رخص المعالي
اللحى مو كلها في وجه سامِت=الوجوه أغلبها باللحيه تغالي
وآنا شفت اللي طعنْك اليوم.. صامت=يا خديجه.. ولا تجرّا في سؤالي
لكن بفمي إجابه.. وان تعامَت=شايف بْها كل من خانك..تعالي:
دوك.. هاللي خيانته بجنبك ترامت=أقرب واقرب من أعمامي وخالي!
بس لاجلك سدرة أنسابي.. وشامت=ولا تبقّى من أثرها غصن عالي
يا خديجه.. كل أبوها ولو تسامت..=سدرة الوافين.. ما تسوى نعالي!![/poem]


"

 

[جمال الشقصي]

"

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=right use=ex num="0,black""]عشانك: ما يدق الباب هذا واحد مْن أهلي!=وعد مني لاشب بمدخل الشقه تراحيبي
عرفت إن الثرى مزبلْة الاقراب.. وغبا نخلي=لذا: في كاسة الظلمى دفنتك يا محاريبي!
خديجه.. لاجلها تفنى حياة أنسابي.. ونجلي=أنا النسل الأخير اللي تجذر في دما عيبي!![/poem]

"

 

[جمال الشقصي]

"


خذيني بعيد..
أبا اتعلّق خطية في سما ذنبك
واغامر بالتصوف في رضى نخبك!
خذيني بجمرة السيجار
بباب البار
بحانة صحوك الملغوم
خذيني من دعاء القوم..
أحس إن المبادي يا خديجه يوم..
وإذا روّح عجزنا نصوم
أحس إن الأوادم لو تغني لي:
غدا وجهي سمار البيد
وعيدي يحرق بصدري ثياب العيد!

:

خذيني يا خديجه من خيام البيد..
من الشارع..
عن ارْصفة النهار بعيد
أنا ما ابي حنين البيت والحيّان
رفضت آجاور الجيران..
إذا انتي مو معي بشقه..
إذا انتي بصحبة السجّان..!


"