( فاهم غلط )

[علي المحمد]

والله بعض الأمهات و بعض المتزوجات برمضان يكسرون الخاطر ( الود ودي أعطي كل أم وكل زوجه كرتون رد بول )

ياهم يكرفون كرف ... اتحدى جنود المارينز بالقوات الأمريكيه يكون عندهم تحمل مثل ذا المسكينات

للأسف بعض الوحوش لما يكون الملح ناقص بالاكل يسمعون صراخه اللي في نيودلهي

ويبدا يستثور وشوي وتجيه جلطه أو ينهبل

لعنبو ابليسهم مايحسون وما يستحون وما بقلوبهم رحمه على هالمسكينات

آآآه يالقهر ... قسم بالله ودك تجيه المدام وتصفقه بالملاس على جبهته بأقوى مابحيلها

الحين ابي اعرف حاجه :

وحده تقوم قبل العصر وتبدا تجهز الفطور لين المغرب و بعد المغرب تقدم العشاء لزوجها وعيالها و بعدين تروح المسجد تصلي التراويح وبالعشر الاخيره تصلي القيام

وترجع عشان تسوي السحور يكون جزاها صراخ ونكد . !!!

على الاقل اشترو لهن ( رد بول ) بدال ( اللبن ) على السحور

على طاري الرد بول

بشتري للوالده أربع عبوات رد بول لأن يوم الاثنين الجاي عندنا عزيمه كبيره

 

[علي المحمد]

عزيزتي الوالده

بخصوص الفطور كل يوم ينقص

باكر تبيني أنا و أبوي نفطر بالمسجد مثلاً

هكذا بدأت حديثي مع والدتي على مائدة الإفطار لهذا اليوم وسط ضحكات صويحبات البلاك بيري ودهشة والدي و والدتي

وبعد ان التهمت تمرتي نهضت ومعي كوبي المخصص لعصير التانج

وقفزت متوجها الى علبة السجائر لاشعل سيجارتي

و ألقن صدري درساً لن أنساه بالمستقبل ( يارب تعصمني انا وكل مدخن من هالعفن )

زقارة الفطور ملعونة خيًر تدوووووخ

وفجأه واذا بي أرى 500 ريال تتدحرج بالهواء الطلق داخل فناء منزلنا المبارك

فقلت في نفسي سألتقطها واتبرع بها الى أحد المحتاجين أمثالي

وعلى الفور تبرعت بها الى نفسي لأني لا أمتلك ريالا واحداً لأشتري به اربع حلاوات بقر والا اربع علوك باطوق

فقد تم القضاء على كل ما أملك من البنك ومن شقيقاتي وكل هذا من أجل العيد السعيد

وفجأه وانا اشمشم رائحة هذه الجميله الزرقاء واقبلها على وجنتيها واذا بجرس الباب يضرب

فتحت الباب واذا به جارنا العزيز يبارك لي قرب العيد ويقول :

ولدي سطًح الكوره عندكم ... عفوا اقصد سطح عندكم 500 ريال

ممكن تدورها يا أخ علي وتجيبها لي !!

وعلى الفور اخرجتها من جيبي وقلت له تفضل هذي الـ 500 حقتكم وترى ان سطحتوها مره ثانيه شقيناها


وهكذا يا أحبتي لم يتبقى على العيد الا ايام قلائل وانا لم اشتري شماغ البسام البصمه 16 ولم افصل ثوبا جديدا

ولكن اشتريت قلوبا احبها جدا هي العيد وهي الفرحه قلوبٌ هنا في أبعاد أحببتها و أحبتني

فكل عام وانتم بألف خير و أعيادكم سعيده


برايفت : اللي يبي سلف يعلمني

 

[علي المحمد]

برد ... مطر ... ضباب ... سناجب ... بنت شقراء ... بنات شقراوات

الأكل دجاج ... وبيتزا خضراوات

No ( هااااااااام ) ...

مالت عليك يــ المملكه المتحده !!!!

يازين بردك يـــ السعوديه ... صحيح انه يلعب في وجيه الحلوين ويسبب لهم ( مشق )

وحشتني ( الفروه ) وحشتني المربعانيه وشرابات العائله مع الفازلين

وحشتني ريحة الحطب ... وبيتنا واللمه حول المشب

يقولون ولد أختي بدا يحبي

قليل أدب يوم سافرت بدى يحبي ... قلبي ياكلني عليه

عيدكم مبارك قبل الزحمه ... ولا تنسوني من اللحمه ... و أفضل ترسلونها مطبوخه

إلا على الطاري

مشتهي مفطح

برايفت للي ماتحب البرد : ليتني دفايه

 

[علي المحمد]

وها هو الكتكوت

يخرج من ساعتي الحائطيه وهو يرتدي الآيس كاب والفروه وشرابات العائله

ويصرخ بأعلى صوته تكفى يا علي خلنا نرجع للسعوديه

ذبحنا البرد

ما ألومه بصراحه ( أنا أول مره بحياتي أرحمني ) كيف ماتبوني أرحمه

سألت صديقي البريطاني اللي لابس جنز وتيشيرت نصف كم وكأنه يتمشى في لواهيب الربع الخالي ... وأنا وقتها لابس اربع بجايم وست شرابات وجنز وجاكيت وبالطو ...سألته هذا أبرد شي عندكم !!!

فأجابني : الجو في هذه الأيام جداً رائع البرد لم يأتي بعد

فأسقط في يدي وقلت في نفسي والله مع ذا البرد يبي لي بشت حساوي و فروه طفيليه وشماغ عراقي

ياربااااااااااااااااااااااااااااااااه والله من كثر الملابس اللي علي أحس إني دولاب

كل عام وانتم بخير

الله يعوضني خير بعيد الإضحى السنه هذي ( لأني ماراح أحس بطعمه )

اللي يبي يتصل يواسيني قصدي يعايدني تراني بطير من الفرح

لأني زهقان وبردان ومشتهي حميسه وكبده

عيدكم مبارك

أحبكم

 

[علي المحمد]

فآجأتني معلمتي الحبوبه ( Jane )

بتصرف جداً لطيف منها عندما قدمت لي الدعوه بأن أكون ضيفها وضيف عائلتها المكونه من زوجها وطفلتان صغيرتان يوم السبت القادم

شكرتها كثيراً على الدعوه و أخبرتها بأنه شرف لي تلبية دعوتها وأني سعيد لذلك

هي تشعر بأني صادق ولطيف وعفوي ... وتستغرب من أخطائي الفادحه في حصص المحادثه

والتي تكاد أن تسبب الجلطه للطلبه من شدة الضحك

ولعل آخرها عندما كنت أتحدث عن الأشياء التي قمت بعملها في عطلة نهاية الأسبوع

تحدثت بطلاقه عن جميع الاحداث وعندما أردت أن أخبرهم بأني ذهبت إلى مطعم بيتزا هت

قلت بأني ذهبت إلى مطعم ببسي هت

كان موقف بايخ ضحكو وانا ضحكت معهم وقلت هذا مطعم جديد اسمه ببسي هت غير بيتزا هت

الله ياخذكم ( الفصل مافيه عرب ) واستأذنت من مدرستي الجميله وقلت لها بعد اذنك ابي أقول لهم كلمه بالعربي وابيهم يرددونها وراي

قالت تفضل ... قلت لــ ( Jane ) انتي لا ترددينها معهم ههههههههههههههههههههههههههههه

قلت يالله قولو معاي :

الله ياخذنا

وهم بصوت واحد : الله ياخذنا

قلت يالله قولوها مره ثانيه : الله ياخذنا

الفصل : الله ياخذنا

يارب لا تعاقبني

فيه اهبل صيني إسمه ( Mat ) معاي بالكلاس هو أكثر طالب بالفصل أحبه و أحب أمزح معاه ودايم أطقطق عليه وأوسع صدري عليه إذا إندبلت كبدي

يسألني يقول وش معنى الله ياخذنا

قلت له معناتها The god make our eyes like the cow's eyes يا بو عيون مغمضه

مات من الضحك وقال الله ياخذنا .... حسيته يقولها من قلب يبي عيونه تصير وساع مثل عيون البقر

ههههههههههههههههههههههههههه استغفر الله من اللي سويته فيه

والله محد موسع صدري بالفصل الا ذا الحبوب الصيني

( Jane ) تقول طلابي اللي أحبهم لازم أعزمهم بالذات الطالب اللي مره راح يتغدى في ببسي هت



هههههههههههههههههههههههههههههههه ياحبني لها

 

[علي المحمد]

-ْ7

أحس اني ساكن بثلاجه

-ْ7

 

[علي المحمد]

دق علي اليوم أعز أخوياي وانا أمشي طالع من الكليه

قال لي : هلا علي

ما شاء الله ألف ألف مبروك جالك اليوم مهره مثل القمر ( قالها وهو طاير من الفرحه )

على طول أنا جتني قشعريره وقلت بيني وبين نفسي خويي انهبل انا ما تزوجت !!

قلت له : بسم الله عليك وينك فيه ؟؟ أنت بالبحرين ؟؟؟ ( بصراحه شكيت ان الرجال شارب شي ... مع اني أعرف الولد حده شامبين سعودي ويفقد من رد بول )

قال : هذا بدال ما تقول الله يبشرك بالخير

قلت له : يا صالح أنا علي المحمد شكلك داق علي بالغلط وانت تبي تكلم واحد غيري ؟؟؟ وبعدين يا متنح انا ما تزوجت للحين وش لون تجيني مهره زي القمر

قال : والله العظيم انها مثل القمر يا علي وانو كل من شافها قال تشبه أمها

( بجد ماني مستوعب وقعدت أضحك وقلت له لا أنت بجد انهبلت ... بصراحه شككني بعقلي وجلست أقول بيني وبين نفسي لا يكون أنا معرس قبل فتره وساحب على المدام )

بصراحه طقني الهم وقلت له ماني ناقص استهبال يا صالح وش سالفتك معاي ؟؟

قال : الفرس اللي اهديتك اياها جابت مهره اليوم الصبح

( بصراحه من الفرحه خميت عامود الكهرب اللي قدامي .... الحمد لله ما كان فيه احد يمشي قدامي والا كان ضميته واللي يصير يصير )

قال ما ودك تجي تشوفها !!!

قلت له تبي الصدق ؟؟؟ قال اكيد

قلت له ما ودي ما احب البزارين بهالعمر

هههههههههههههههههههههههههههههههه

خلها لين تكبر يا صالح ... أقصد لين أنتهي من دراستي و أرجع بالسلامه

الله الله لا أوصيك فيها وترى اسمها عليك يا صالح واذا سميتها علمني

صالح : إسمها عليك أنت و معاك ثلاث أيام وترد لي خبر و إلا بخلي الهندي منير يسميها

ابشر يا صالح ارد لك هاليومين وبشارتك محفوظه

في أمان الله

 

[علي المحمد]

قبل فتره كنت طالع امشي وانا بطريقي لقيت قطو مربرب ( يعني دب و ولد نعمه ) لونه رمادي

واقف قدام باب بيت عائله إنجليزيه وجالس يون ( يون يعني يصدر صوت حزين يكسر الخاطر ) دلوووووووووع ماجرب زبيريات عيال حارتنا

شلته من الأرض ودقيت باب البيت و فتحت الباب وحده شقراء عيونها أحلى من عيون قطوتها

أخذت البنت قطوتها من يديني وتشكرت مني و هي تقول : أووووووووووووووووه ماي كات وتحضن فيها وتبوسها

و أنا بيني وبين نفسي قاعد أقول ليتني عندك عمري كله لو ما تأكليني إلا تونه

أكملت طريقي على الرصيف و أنا أردد :

قلبي مل الإنتظار ... و مليت من لون السهر ... وعيني تبي نور النهار

http://www.6rbtop.com/library/resources/6alal_Madda7/Collection/listen/16069_hi.ram