ورقة على رصيف !

[سرحان الزهراني]

وقَف :
في الأغبر الأغدر من احلام الطريق
كان يترجّى سباته : " غيم " والدنيا ظما
ما حرّك ايده , ما تأفّف ..
من جمود الأخضر اليابس!
نشَف .. ريقه نشف!
ما بلّ ريق
والسالفة / لا ينجرف!
لو وقتها : يحمل معه هذا الكلام المبهم , المعتم / يطير....
يصبح يمامه أو حصير!
كان اختلف
واصبح : يرف!

لو ينقطع هذا الكلام / العادي .. العادي
وما يبقى كلام
بنصير لوحة من غمام ؟!
أو رفرفة عصفور .. ما يعرف ملام!

 

[سرحان الزهراني]

,

خايف عليك ..
الليلة قلبي ودّعك من قبل اجيك!
مدري إذا آخر قرار .. افارقك ؟!
ما تكسرين الخاطر بدمعك ولو هو حارقك !

ياللي سكنتيني بلاد ...
أتعب وانا في همّي اليومي .. سعه
وازداد وحشة .. من عناد!
الله .. وش هي حاجتي غير اقْفِل اهدابي بعد ما اطالعك ؟!
غير ابتدي يومي معك ؟
يا غصن من قلبي , تمرّد .. وامنعه

ينتابني أوقات هذا الحزن , واتحدّاه بك !
واكتب .. واحس الليل يتكلّم معي ..
وآنا بدوري أسمعه ..
مجنون هالاحساس , جنّني معه!

يا صوتي اللي خانني .. حتى معك!
في موعد الليل الأخير
يرمي بنزوات المكان اللي جمعنا , في المكان
يعبر مدى الأشياء , واتأخر كثير
وانتي بدورك ما سألتي فجر شبّاكك وش اللي أخّره ؟!
ولا سألتي حزن هالعصفور , واشجار الصنوبر
والنهار .. اللي بدا من آخره ؟!
لا تسألين ..
الليلة قلبي ودّعك , من قبل اجيك!

يا عابرين عيوننا .. لا تاخذون اصواتنا
اصواتنا اللي باقية من كل شي
لا تتعبون احزاننا .. احزاننا اللي شاقية في كل حيّ!
ما عاد فينا جرح ينزف .. أو ألم
ما عاد فينا صبر , يغفر .. أو حلم

 

[سرحان الزهراني]

,

هذا وجهي .. قبل لا يشبه أحد!
قبل لا تحكي الوجيه ..
وقبل لا يسكب إناء العاطفة فيني سؤال
قبل حتى ينكسر في عزلتي
وابكي عليه ..
وهذا جرحي .. قبل لا ينزف ..
واجيه ..
ممتلي كلّي / وجيه!

وهذا انا ..
مافوق جرحي غير شاش
لفّيته البارح وعاش !
والله شاهد ..
كنت خايف وقتها لا يلمس جروحي العتب
لا يلتهب كلّي .. واشاطرني / الغضب !
والقلب ابد .. مابه جديد ..
يائس , وبـ اطرافه نعاس!
ولو ما يبي , ما رحت للشارع .. يباس


وقت الغروب : الحزن .. يملا التعابير
................... من شرفة الساحل لمحته .. يعاني !

والطائف اقفى , خلف ماضيه / تزوير
................... وش لون أعيش وظل قلبي نساني؟!

الصمت : قنديل المسا , دون تخيير
................... والبحر : فضّة , والسفر : للمواني!

يغيب صوتي! , والحكي .. راح للغير
................... محتاج بعض الصوت يشعل كياني

الليل نام! وصدر الأوهام : تفسير
................... يا جرح سافر! وابتعد لو ثواني!

ماعاد به غصنٍ يلمّ العصافير
................... ولا عاد به حلمٍ يضمّ الأماني

الجرح طيّب , خوّته دون تقصير
................... بـ اصبر عليه ولو قصيدي نعاني!



.. لمن قرأ.

 

[سرحان الزهراني]

,

أتوق ..
للوادي البعيد .. في زحمة الأشجار
والوان العذوق
أتوق .. ( نجل الما ) يرد الروح ..
في همس النسيم .. العطر، واللحظة / وطن!

منديل من ذكرى زمن ..
يجتاز خوفي للعروق!
يكتب على صدري / أحبّك ..
ما تركتي لي سوى بيتين شعر
أثقلت عيني بالسهر .. والشوق!

سولفت للبارح .. وانا بين السما .. والأرض
حائط زجاجي .. من أمل ، يجتاحني
واتعب!
ما غرّد القمري عبث
شفتك .. على تمثال : وردة .. فوق!
على زجاج النافذة .. بين السما والأرض
شفتك
بـ احدى خطوط العرض ..

تلبسني ثيابي .. تجارب
والقلم خوفي يرف .. ويطييييييييير

من قد رقى غصن الهبوب ، وشاف عصفورة لاجِل نكهة هوا :
تجلس تحارب ؟!
واااااااو .. حريّة !
وانا .. حبّيت ( أتــــوق )

 

[سرحان الزهراني]

,

أمس ..
والحارة تعاني من صباحات المدن
يحمرّ لون الشمس في مشهد ضبابي .. مثل وردة!
أغسل عيوني من الحزن القديم
انفض الغربة من لحافي ... ومن لون المخدّه
البس الأغرب من الأشيا واطير!
فوق متن الامنيات اللي صَحَت قبلي .. تغنّي
واستحي من حلم شفته , في الحقيقة مدري كيف اصلاً يصير!
المهم انّي ضحكت , وقمت مستعجل وتهت!

ما علينا ..
دقّت الساعة ثمان , ومـ انتبهت!
في الحقيقة إلا .. ولكن حيل خفت
منظر الشارع مُخيف ...
مافي غيري .. أمشي في هذا الرصيف
ما فَطَرْت!
لكن الدخّان حاجة مستحبّة للي عاطل ..
أو نقول انّه ضرورة للي عايش في زمن والكل : باطل!
يعلم الله .. ما معي غيري , وهذا الصبح , وانفاس المدينة
وآتذكّر ..
آتذكّر فرحة أمّي , في الجنوب
لحظة الصبح الحنون.. تقوم بدري , تصحى تتعبّد وتصبح ياسمينه
كنت واخواني نرتّب من صباح العالمين ..
اللي يشعل نار تنّور الأماني ..
وامّي تخبز فرحة الأيام والساعة : ثواني.
اييييه يا عُمر القُرى .. وش لون يدفى والليالي كافرة
والناس طين!
دايم الذكرى تجي في وقت سيء من رفاة الطيبين!
المهم انّي سكتّ ..!
وآنا أصلاً ما حكيت!

شفت بوفيّه , وقلت آمرّ واشرب لي تأمّل!
رغم حالي والظروف , لكن الله دوم يفرجها علي .. وياتجمّل!

- لو سمحت : ابغى جُبن سادة .. وشاهي
- قال طيّب.
- قلت ابـ اكتب : بيت .. بيتين .. التهي مـ الجوع لحظة!

هذا الصبـاح : ابكم / بــلا فم ولسـان
... ... ... ... ... ... ... في عين عاطل يغرس الفجر دعوة

يقرا ظنون النــاس من شـك الأحيان
... ... ... ... ... ... ... ويبعثر احلامـه / على: كــل خـطوة

الحلـم يتهيء عـــلى صـــورة انســـان
... ... ... ... ... ... ... ويموت شاعـــر فـي أمانيه نــزوه

كان الوطن طيّب , واثاريه عنوان
... ... ... ... ... ... ... ضايع , وبه تاريخ مليان قسوة !

مؤلم الإحساس بالوحدة , وسَط كومة شعوب
والله مؤلم...
والمصيبة : لا وظيفة , لا أمل , لا صوت يحنو في زمن قاسي
وفي لحظة شحوب!

مثل غابة!
تنتشر فيها الكآبة!
ما هقيت القى مصير الشارع اللي ما أًزيل!
ينتظر أمر الإزالة , بس لكن ما أُزيل!
القى حالي في الفراغ المُعتم القاسي وحيد ..
لا حبايب , لا قرايب , لا صداقة .. لا جديد!
بس لي ربٍ كريم ..
يغسل اللي من همومي ظامني , ويصير عيد!
آخر الشهر العظيم : أبتهل لله , واطلب منه حاجه
بيني وبينه دعاء , وإستجابه
... واستجابه ..

 

[سرحان الزهراني]

،

أعود ..
شارد من ضجر ليل المدن والناس
لعيونك ..
لباقي ريحتك في غرفتي ..
أعود .. معتم من زحام الياس
لجفونك ..
لأحلى ما سمعنا من أغاني الحب
لكل هالإحساس ..

 

[سرحان الزهراني]

،

أنا ما قلت خبيني من الأيام،
أنا الأيام.. وأنا بيتك..
أنا قلت افتحي صدري وشوفي.. فين خبّيتك!
تشوفي كيف حاصرت الغياب.. أحميك!
تشوفي كيف حبّيتك!

2

في المكتبة بائع ورق.. دايم حزين،
والناس دايم تسأله: نبغى ورق.. أبيض، ملوّن، ما يهم..
ماقد أحد مره ابتسم!
شفته وانا ادوّر ورق.. قلت اسأله!

3

أنا آسف يا حبيبي.. للجراح،
لو تجاوزها الفرح ليلة.. وراح.
أنا آسف يا حبيبي، لو كتبتك حزن شارع،
لو ترك صوتي صدى في الناس..
لكن مـ استراح..

 

[سرحان الزهراني]

.

لو أخذت الليل من يدّه
وتهنا، في مرارة قهوة سودا
ما يلاحظنا سوى الحِدّة
إذا طال الطريق.