نتوء بـ هدوء..!

[طارق سليمان]

يادافيه
كان الشتاء بارد كثير اشتقت لك
وانتى عيونك غافيه
وأنا عثا فينى السهر
وإشتقت لك
دوسى عليّه.. حافيه
هنا على وجهى/ على صدرى /على يدى
كثير إشتقت لك
انتى قدمك من طهرها
هاتى أشمشم زهرها
وإشتقت لك
ليل الشتا بارد كثير
وعيّت تمطر غيمتى
وإشتقت لك
ياإميمتى!!

 

[طارق سليمان]

البارحه كنت ......أتذكر سوالفنا
..... صحيت هذا الصباح وجوّه مغيّم
ياطفلة الجمر لا تبرد.. عواطفنا
...........أنا بدونك حزين ونظرة إيتيّم

 

[طارق سليمان]

ربيت فيها كثير...... بداخل أعماقى
...............طفله صغيره بوسط القلب تتربّا

أحاول ارسم صورها داخل أوراقى
...........تهرب ورى الضلع عنى هناك تتخبّا

 

[طارق سليمان]

غرقت بك لين .....فاض الملح بـ يدينى
...... وشرقت بك لين فاض البحر بأمواجك


توهتنى منك ..شفنى.. ماأعرف وينى؟
........ والله ذبحنى الغياب وحيل محتاجك

 

[طارق سليمان]

يجى عطرك
وأحس القلب يترمم..!!
وأنا من مرّ عطرك فوق هذا الكف
كرهت الما
وإلى الحين أتيمم!!

 

[طارق سليمان]

هزّينى
أبرجع طفل ياإنتى
قبل ماالشيب يغزينى
أبرجع طفل
يتوسد حنان يديك
وأبى منك..
تحازينى!!
تقول لى قصص غير الكلام اللى عرفت وسولفوا لى ناس
تقول لى حديث الليل لـ الفانوس
بـ دفا انفاس
ابى قصه عشان آنام
كأنى من زمن مانمت
كإن إغماضة عيونى بجفون أوهام
قولى لى
قصص فيها دفا يهرب وراه البرد
وحكاية نرد
وبكاء الشمع ف غيابى
وذبول الورد
قولى شى أية شى مايبقى وراه الدمع يسوّر هـ المدى بـ الما
قولى شى
يعنى ضى يعرّى كل هـ الظلما
ودفّينى
أنا محتاج بس النور عشان أدفا وسواليفك فوانيس الحديث العذب وحزن أوركيد
وكأن الكون من قبلك حكايه كذب
وفقيرة أيد
قولى شى يطير كل عصافير الحزن عنى
إلى الآفاق
ويقلع هـ الشجر منى
ويتركنى غصن مكسور بلا أوراق
قولى شى اية شى.. يدفينى
وغفينى
سواليفك تدهدهنى
وأيدك بس
تشبهنى
دفا وأشواق
هزّينى
ذبحنى هـ النعس مانمت شهر مدرى!! سنه مدرى!! أو إنه يوم
تبين الصدق ماأدرى
ولكنى أعرف انى تعلقت بـ جناح النوم
تلحفت الحزن والصمت
وقسم مانمت..!!
دفّينى
قولى شى مدرى ايش لكن شى إذا قلتيه يصب الجمر فى سمعى
عشان أدفا
بحاول كثر ماأقدر أغمض ع الحزن وأغفى
قولى شى
أية شى
أية شى يخلى كل هـ الظلما تشيل الريح
وحطى أيدك على راسى
وإقرى لى
دعا وتسبيح
قولى شى
أحس ف داخلى دمعه وأخاف إتطيح
دفّينى
أغصّ ف برد ياإنتى ولاتدرين
أغص ف برد ياإنتى ولاتدرين
أغصّ ف برد ياإنتى ولاتدرين
أغص ف برد ياإنتى ولاتدرين
قولى شى اية شى فى بالك أية شى يعيد النوم لـ عيونى
يرد الاخضر الزاهى
الى غصونى
يوشوشنى ويصب الدفء بـ متونى
يصب الشعر ف أوراقى
وياخذ حزنى الباقى
قولى شى مدرى ايش والا ليش والا طيش
قولى شى
حكى دافى
حكى فاضى
قولى ايش مدرى ايش
أية شى
يخلى هـ الحجر هذا وسادة ريش
دفّينى
تعبت كثير ياإنتى
تعبت كثير
تعبت:
ومابقى فينى مكان لـ جرح
تبين الصدق
أحسى حيل اتبعثر..
قبل ليله أفتّش جرح ولقيته جرح ويخبى جرح
وجرح أكثر
قولى شى
اية شى
يعيد الروح
مابى هـ العمر يتاثر
ويمضى جروح
قولى شى
أية شى
وهزينى
بشوف الغيم يتراقص ويغازل شمس
هزينى
بشوف القمرا نعسانه وتهذى بـ همس
هزينى
بشوف النجمه طيارة ورق بيدى واسيّرها لـ حكاية امس
هزينى
وأتساقط بكاء وصمت..!!
أحسه هـ الجسد متعب وأحس إنى سهرت اكثر من اللازم شربت الأدويه مانمت شربت هموم بعد هموم بعد هموم وعجزت آنوم.. وسولفت لـ دفا القهوه وكوب الشاى ..وإذا أغفى.. يثرثر ناى..كتبت اوراق فوق اوراق فوق اوراق..وقعدت أقرا شخابيطى على الكراس حكى فاضى وسذاجة فكر وهمومٍ بكر وسهر مُضنى وحكاية هم بدت تغتال ضحكة طفل.. ووجوه وحفل..أحسه هـ الجسد شايل كثير أكثر من الطاقه..وشاعر كان ليلة حزن يكتب لك شعر مجدب فى وقت يثرثر بإسمك وينادى لك "هلا ياغيوم" ويمضى الليل ويطرحه السهر جثه
كيف ينوم..!!

 

[طارق سليمان]

سويت لك بجفون عينى مظله
.........حتى إذا طق المطر مايبلّك!!

 

[طارق سليمان]

أنا وانتى
وكرسيين ف الشرفه
وضوء خافت ف غرفه
وأترك قهوتى تبرد
وأسولف لك:
ويقاطعنى الحكى منك:
حبيبى برد
أمانه تقصّر التكييف
وتخلى النور كثير أهدا
وتجى جنبى..!!
تسولف لى عشان أهدا..
وأسولف لك:
تشوفى البحر ف العتمه؟
أشوف البحر
تشوفين البحر أزرق؟
كيف ازرق؟
وهذا الليل؟
حبيبى بطّل جنانك؟؟
أنا آسف!!
قصدت البحر: فستانك!!
وترمى ضحكتك زرقا
هاهاهاهاها