تعال واكتب حالتك/لحظتك شعراً ..!

[عبدالله الجودي]

‏.
.



قدرك بقلبي ما معك فيه مخلوق
متربــع ن به يا حبـيبي لــ حـالك



يسارك الإحساس ويمينك الشوق
كلـه حـلالك .. وأنـت دبـر حـلالك




.
.

 

[رشا عرابي]

؛؛

أوتارنا مبتورة التلحين
والروح، ذنب الروح من تهوى !

نحلم، ويرفض حلمنا التلوين
وقلوبنا باوجاعها .. تقوى

♡ رشا ♡

 

[نورة القحطاني]

"
صباحي
بسمتك
وأفراح قلبي
في ملاقاتك
"

 

[نايف السميري]

،
ياصاحبي والليل والحزن والناس !
..................... والفقد والغربة وصدر الرحابه !
هي اكثر اشيا تهدي الهم الاحساس !
..................... وهي اكثر اشيا تستفز الكتابه !

 

[عبدالله الجودي]

‏.
.


ليه ساكت ما تسولف عن غلاي
خلني أشوف نفسي .. وش عليك



ما أبيك تقول أحبك من وراي
كان ماهي سمع أذني .. ما أبيك




.
.

 

[رشا عرابي]

تبي تشوف الحنين و"حرقة" أنفاسي
طالع حروفي ..ترى في سرها غافي


صمتي وصوتي .. وعطر الروح واحساسي
وإنت ودروبي ولثغة صوتك الدافي ...

♡ رشا ♡

 

[نيرفانا]

‏-
‏
‏اشتقت وانت وذمتك
‏ولا طلبت الا قليل ،
‏
‏من صوتك اليا ضمتك ،
‏واشياء من هذا القبيل
‏
‏

 

[عبدالله الجودي]

‏.
.



احب صوتك كثر ما اغار من صوتك
اللي يقبل شفاهك قبل ما تحكي





.
.