مُتنفس .. شِعري !

[زايد الشليمي]

:

:
من عيونٍ بخيلة .. ومن ضميرٍ جفول
مابقى في ضلوعي شيء .. مني سِلِمْ
:
جيت يمّك (قصيدة ) غارقة بالفصول
من أول السطر نقطة ..نار فوق العَلَمْ
:
جيت فيني حكي .. ..بس ..ماقدر أقول
انظلمْنا كثير .....وخايفٍ أنْــظِلِم
:
كم حلمنا نطير .. واسجنتنا العقول..
صار تحقيق حلمك ..بس يوم تحَلَم
:




:
زايد..
:

 

[سعيد الموسى]

المشاركة الأصلية كتبت بواسطة زايد الشليمي

:

:
من عيونٍ بخيلة .. ومن ضميرٍ جفول
مابقى في ضلوعي شيء .. مني سِلِمْ
:
جيت يمّك (قصيدة ) غارقة بالفصول
من أول السطر نقطة ..نار فوق العَلَمْ
:
جيت فيني حكي .. ..بس ..ماقدر أقول
انظلمْنا كثير .....وخايفٍ أنْــظِلِم
:
كم حلمنا نطير .. واسجنتنا العقول..
صار تحقيق حلمك ..بس يوم تحَلَم
:




:
زايد..
:

يااللله
ياساتر يازايد ياساتر

 

[زايد الشليمي]

المشاركة الأصلية كتبت بواسطة سعيد الموسى

يااللله
ياساتر يازايد ياساتر

:

:
سعــيد موسـى
صديقي الراقص .. بين الوضوح
والغموض
سعيـد الذي
أثبت أنّ حروف الكيبورد كائن حي
وتتكلّم..
تغني يوماً وتبكي
:
أسكرك .. عمراً


:
زايد..
:

 

[زايد الشليمي]

؛

..كئيب هذا المسا والدمع في خده
جيتك بصمت الغلا ماطر.... ولا ماطر
:
جيتك بغصن الامل ينبت ولا ودّه
ياحلم باكر ..هلا ........اليوم ذا باكر
:
كتبت في غيبتك الفين مسودّة
ان مات شاعر ولد من موتته شاعر
:
نفسي اعرف الهوى له حد او مدّه
ان كان للعد آخر ....انت لك آخر
:
تعال ... اضمك لونّك موت مارده
تعال......لابْــكَمْ تعلم بس لك آمر
:
تعال لانْـسان.. وقّـفْ داخله ..ضدّه
طال انتظارك وأنا لولاك ماكابٌـر
:
صدري هزمني ... ولامدْ المسا يدّه
علّقتني صرت لا غايب ولا حاضر
:
ازرع غيومك بوقت الويل والشدّة
اشوفك ايمان وكل الناس لي كافر
:
..




:
زايد..
:

 

[نويّر الحربي]

.
.

ما عاد أهتم بالأشيا المهمة
وانا اللي كنت اراقبها واتابع

يمر الوقت .. ما فكرت ألــمّه
مرور الماي من بين الاصابع


- احمد مطلق

 

[زايد الشليمي]

:ياهلا

ياهلا فيك جرحْ .. ضيقته انشراح
كل شيء أتَقَبّل ..لك خفوقٍ وسيع
:
جيت تجرح جريح وش بقى من الجراح
صَدّقْ القلب ضايع .. ولايهمّه يضيع
:
بس تبغى الجراح .. خذ عليها السماح
هاك صدري بكيفك سوْ ماتستطيع

ماتَرَجّيت ليلٍ .. منْه يطلع صباح
والشتا ماطلبته.. ينتهي بالربيع
:
وش يفيد النخيل لولا حب اللقاح
وش يفرّج لصدرك شاف منظر بديع
:
:
داخلي ألف عنتر ..في وجيه الرماح
وعارف انْ المصايب.. يوم تِقْبل جميع
:
صار همي أعيش ..هذا أكبر كفاح
( عايش بثلج طافي بايْ لحظة يميع)

انا حالم أعيش ...كل حلمي مُباح
منهجي في حياتي غير نهج القطيع
:
لو تقيّد يديني فكرتي لي جناح
ولو تطيعك ضلوعي مخّي عيّا يطيع
:
من خذلني يطيح ياما قبله وطاح
مايجيبه أسَفْ... ولايــردّه شفيع
:
كلهم ذكريات في مهب الرياح
مابقى غير (أخْ ..)والأخو مايبيع
:



:
زايد..
:

 

[نويّر الحربي]

.
.
.
للشمس نظرة كل ما تفهق الغيم
نظرة كريمٍ خاذلينه ( بـني عم ) !
- فارس بدر

 

[زايد الشليمي]

ماخسرت من ( الأنا ) الا الكرامة
ولابقى من هامتي.... الا يديني
:
لو يشح حالطِّيب مايقنع كلامه
يوم قال المعذرة دوّرت ويني
:
شفت وجهي كل صدمه به علامه
حتى نفسي طاحت من كفوف عيني
:
ماخذلت اللي كرهته شيء ضامه
كيف أبخذل من سكن بيني وبيني
:
ياه لو شفت الصدر ينور ظلامه
صرت أحس بدنيتي ....محدٍ يبيني
؛
من ضلوعي طارت بروحي يمامه
مسألة حلمي وطيشي شيء جيني

خل همي داخلي طوّل منامه
خبّته يسراي ... لاتعرف يميني

هارب بحلمي الى يوم القيامة
الهروب من البشر نهجي وديني
:
ما أبي من دنيتي غير السلامة
ولا أبي من( حالتي) الا جبيني
؛




:
زايد..
: