مُتنفس .. شِعري !

[زايد الشليمي]

؛

:
وأنا بَعَد .. مع الفقارى المساكين
القصّة اللي تنتهي ..مستحيلة

كنّا بشر ماخانت كفوفنا الطين
نضحك لو ان الحال ..ستين نيلة
:
الجوع يجرح.. حلْقَنا بس راضين
نفرح بقسمة ربّنا ..لو ..قليلة

والسيكل اللي كان في نفسي سنين
تكسّرت نفسي .. .. ولافيه حيلة

نحب صوت الليل .. ونحب دارين
ونحب .. (شاني )..والمسا والعديلة
:
ونحب خبز الصاج ..والسمِن تأمين
يجمد على كبدك.. ثلاثين ليلة

ونحب (لينا ..) غربلتْنا ..لهالحين
بس البطل (عدنان ) محَّد مثيله

معاك نبّاطة ....وبالجيب فخّين
أقصى طموحات الشجاع النبيلة
:
في حب (ماجد ).. كيف كنا مجانين
والنصر فطرة .. كيف كانت أصيلة

التربة اللي طّهْرَتْنَا لها دين
أطْهَر من نفوسٍ بَلَتْنا ثقيلة ..
:

زايد

 

[سعيد الموسى]

كم أنا محتاج لـ يديني قَدم !
‏_ تركض بكل السكوت وتكتبه
‏كم بصدري سور ميل وانهدم
‏من أنا ؟ مابيني وبيـني شبه !

 

[سليمان عباس]

المقصّر ….هل بتلقى له عذر
رغم انه معترف كله قصور
كيف تسعفه الحروف ويعتذر
دام بانيلك وسط صدره قصور

 

[زايد الشليمي]

؛
؛
؛

(( يمّــه ...))

:

كان هـذا الكون كلّه في غَمامك
أمْســك ثريّا .. وأنَا واقِف مَحَلِّي
:
جيــتِك تصلِّي ..وأنَا أسْمَع كَلَامك
لوْ بَــعَد تخْطِين غايَة بالتَّـــجَلّي
:
لو بـَغَيـنَا نِهْتِـدِيبِك..من ظَلَامك
سُمـْرتِكْ مِصْـباح ..وانْزُولِـك تَعَلّي
:
لو تضيق الأَرْض يِكْــفِينِي سَلَامك
انتي أجمل شيء بالدنيا حصلي
:
والله ان الشمس تسجد في مقامك
تسجد بكفّك ....اذا جيتي تصلي

؛

؛

:
زايد..
:

 

[سعيد الموسى]

المشاركة الأصلية كتبت بواسطة سليمان عباس

المقصّر ….هل بتلقى له عذر
رغم انه معترف كله قصور
كيف تسعفه الحروف ويعتذر
دام بانيلك وسط صدره قصور

ياواد منور والله .. طبعا له مليون عذر ومسموح

 

[سليمان عباس]

يا كيف انساه او اقصي
ذكراه ما ملّت التكرار
وان رحت … لملف الشخصي ..!
القاه في آخر الزوار

 

[سليمان عباس]

المشاركة الأصلية كتبت بواسطة سعيد الموسى

ياواد منور والله .. طبعا له مليون عذر ومسموح

النور طيبك يا سعيد
رفع الله قدرك

 

[زايد الشليمي]

:

:
من عيونٍ بخيلة .. ومن ضميرٍ جفول
مابقى في ضلوعي شيء .. مني سِلِمْ
:
جيت يمّك (قصيدة ) غارقة بالفصول
من أول السطر نقطة ..نار فوق العَلَمْ
:
جيت فيني حكي .. ..بس ..ماقدر أقول
انظلمْنا كثير .....وخايفٍ أنْــظِلِم
:
كم حلمنا نطير .. واسجنتنا العقول..
صار تحقيق حلمك ..بس يوم تحَلَم
:




:
زايد..
: