هات لي قصيدة وعلاقتك الـ شعريّة معها

[عبدالعزيز رشيد]

لـ [مساعد الرشيدي]

قرأتها فدهشت كثيرا وتساءلت عن سبب عدم وجودها بديوانه وقد أسفت كثيرا على ذلك

مدري بكى حلـم ولا ليلتـن غبـره
ـــــ نسيوني أحباب مدري ضاعت أخباري
مدري من اللي من الثاني نفذ صبره
ــــــ لايازمن منهو البايع مـن الشـاري
لاالوجه وجهك ولاالنبره هي النبـره
ــــــ مدري ولكن طرالك يازمـن طـاري
مانيب جاهل على العثـرات تختبـره
ـــــ تشتد ياوقت وإصراري هو إصراري
تركت الاحزان بأقصى القلب منثبـره
ــــــ ياكثر كذبي على نفسـي وأنـا داري
وإن بار فيه خويـن كنـت معتبـره
ــــــ أغلى من الروح مانزلـت مقـداري
ماكل شقـن مـداه السلـك والأبـره
ـــــ ولاكل عين(ن) تجامل جرحي العاري
إما يقولون طاح الضلع مـن كبـره
ــــــ والا يقولون ماهو للوطـى ضـاري
كلـن تكلـم وكلـن خابـرن خبـره
ـــــ وباكر يبين الصحيح إن سهل الباري

 

[عبدالعزيز رشيد]

لـ [عبدالمجيد الزهراني]
قرأتها فتعجّبت من شخصٍ استطاع أن يقحم مفردات عاديّة وقريبة لاتكاد تستخدم بالشعر إطلاقا في هذا النصّ ربّما لـ هذا السبب كنت احتفظ بنسخة ورقيّة أطويها لأقرأها مرارا وتكرارا وانا أقول :من سيكتب عن العزوبيّة كـ هذا الشخص؟

((مقاطع \يتم \عزوبيّة))


قل وحدتي ثوب مومكوي....وسخ كمي
ـــــ قل : منشفه بالية ...قل : فرشة اسناني
أسوّي الأكل وحدي........وحدي آسمّي
ـــــ ملعون ابو السفره اللّي مابها ثاني
ويني أنا ...آآآه .....قل وينه طبيخ أمي
ــــــ ياغلطة اليتم .......ليت اليتم عدّاني
أمشي ..ولاوين....مدري....بس نشف دمي
ـــــ قل طز ...في عمر خذ مني ولا اعطاني
الهم ....ماهو في اللّي قلت.........ياهمي
ـــــ الهم .........فيما بغيت آقول .....ممداني
ياعم طنّــش.....وكم طنّشت....ياعمي
ــــــ ياكبرها دمعةٍ.........من عين زهراني


( 2 )

لا ورب البيت......والهم.......وسريري
ـــــــ لاورب الحزن............وامواس الحلاقة
جيت أجمّــــــــل وجهي البارح...لغيري
ـــــ شفت وجهي ..........ماله بوجهي علاقة !


( 3 )
ليه الوجع.......أو مزاجي...ليه متقلب
ـــــ عزّابي إن ضقت........وان ما ضقت...عزّابي
أكنس...وارتب...وانا ماني بمترتب
ــــــ أغسل ......وانا ناسي الأوراق بثيابي !!
هنا جرايد......هنا علبه.....هنا شبشب
ــــــ هناك باقي الغدا...........وهناك شرّابي !
مافيه أحد دق بابي...إيه.....ليش اكذب
ـــــ بسّ الفواتير ....هي بس......عارفه بابي !!

( 4 )

للناس مستقبلٍ........تمشي....وتسعى له
ـــــ الاّ انا .........عايشٍ مستقبلي : ماضي
يلعن ابو الهم......والدخان.......وسعاله
ـــــ واقداري الغصب......واللّي عشتها راضي
ياوحدتي......ما سألتك ليه هالحاله :
ـــــ طفايتي ليه مليانه............وانا فاضي ؟ !

 

[عبدالعزيز رشيد]

لـ [سعد بن جدلان]
من النصوص العديدة التي أعتبرها معبّرة عن الجمال الفطريّ للشاعر الحقّ بكلّ بساطة بالنسبة للشاعر لاإختلاف حول شاعريّته وليست أجمل نصوصه لكنّه أتى كـ كبسولة تعيدنا الى الشعر الجميل بـ بساطته

ياللي على شان معكازي تبيـن لـي
ـــــ رجلي على حالها وانا علـى حالـي
والكسرماهوب في رجلي علي كلـي
ـــــ وانت السبب في الغرابيل اول وتالي
تكفي مراسيلنـا العجـلات ياخلـي
ـــــ عن وخذالاخبار ولا شوف الازوالي
قلبـي وقلبـك توصّلك وتوصلـي
ـــــ والله انها اشد من موجات الارسالي
ردن سلامي عليك وجن وقالن لـي
ـــــ انك ترحب وانا في خاطـرك غالـي
ليت الغرابيل جتني من عـدون لـي
ــــــ ان ماتقاضيـت ولا بيتقاضـا لــي
لاكن من واحدن ذكـره غنـاة لـي
ـــــ بالعون احبه وابـا احبـه ولا ابالـي
لامر طرق بخدراتـه سلامـن لـي
ـــــ كنه يسلـم علـي بصوتـه العالـي
خلوني اسج عن موضوعه احسن لي
ـــــولا الغلا والله ان يبطي وهو غالـي

 

[ميــرال]

العاطفه كانت هنا مابين السطور طاغيه
شعرتها بشده واحببتها بجنون






فَوقَ الْغَيْمَات
كَانَتْ : طِفْلَة ،
تَرْسُمُ ابْرِيقاً مَكْسُوراً ..
تُحْيِي حَفْلَة !

***
فَوْقَ الْغَيْمَاتْ
كَانَت طِفْلَة ،
تَجْمَعُ أشْلاَء الرَّاءاتْ
وَ تُجَدّل رِيشَ الْكَلِمَاتْ
لَحْناً يُغْرِي بالمَطَرِ
المُنْهَمِرِ منَ النّايَاتْ
كَانَتْ : طِفلَة !

***
فَوْقَ الْغَيْمَاتْ
كَانَت طِفْلَة ،
تَرْسُمُ قِنْدِيلاً مِنْ وَرَقٍ
تَرْسُمُ جِفْناً مِن أرَقٍ ،
تَتْلُو آيَاتَ النَّوْمِ
عَلَى الأطْفَالِ
نِصْفَ حَدِيثٍ قُدْسيٍّ للرّيحِ
وَ أنفَاس النّايَاتْ !

***
فَوْقَ الْغَيْمَاتْ
كَانَت طِفْلَة ،
تَصْنَعُ مِن عَرَقِي قَهْوَتَهَا ،
وَ تُبَعْثِرُ أحلاَمِي يَأساً
بَل بَأساً
قُلْ : فَأساً
يَعْقِدُ صُلْحاً بَيْن القُوتِ
وَ بَيْن القَاتْ !!

***
فَوْقَ الْغَيْمَاتْ
كَانَت طِفْلَة ،
تَلْعَبُ شَرْقِيّاً
بـِ..المَاغْنُوْمِ بِأعْصَابِي
وَ تُمَارِسُ كُلَّ الجَبْهَاتْ
فَوْقَ النَّبْضِ
وَ تَحْتَ النَّبْضِ
وَ خَلْفَ النَّبْضِ
وَ نَبْضَ النَّبْضِ
فِيمَا قَبْلَ الألْفِ وَمَا بَعْدَ الْيَاءَاتْ !

***
فَوْقَ الْغَيْمَاتْ
كَانَت طِفْلَة ،
تُحْيِيّ مِيلاَدِي بالحَلْوَى
وَ تُحَلّي مَوْتِي بِالقَادِمِ
مِنْ ،
حَتّى مِقْبَرَة الآهَاتْ


خالد الحربي

 

[عبدالعزيز رشيد]

الكريمة \ ميرال
كلّ الشكر لـ ذائقتك واختيارك
جميلة بالفعل من خالد والأجمل أنّ موسيقاها وروحها كـ خالد بشعره الشعبي

 

[عبدالعزيز رشيد]

لـ [عاقل الزيد] _الله يرحمه_
سمعت المطلع ولم ارتح إلا بعد البحث والعثور على بقيّة النصّ وباقي قصائد شاعرها فكانت هي كاملة

ياليتني لاطحت..لاطحت.. لاطحـت
ـــــ مااطيح عنـد اللـي تمنـى مطيحـي
اللي بوجهة عـن فـؤاده تصفحـت
ــــــ لو كان لـي فـي غايتـه مايبيحـي
جاملت واغضيت وتسامحت واصلحت
ـــــ وقلت الحقيقة والعزاء اني صريحـي
مايـوم والله خنـت والا تمصلحـت
ـــــ حتى عـن اعدايـة بذمـي شحيحـي
وان مر طاري طيحتي بالنظر شحت
ـــــ موتـي ولاشوفـي لقلبـي جريحـي
بيدين من حلمة وأمل عمـره البحـت
ـــــ يصير حلمة علـم واصبـح ذبيحـي
وانا الله اعلم كم دمحـت وتسامحـت
ـــــ وصديـت كنـي دالـة ٍ مستريحـي
يايعربي خذها صريحة ليـا رحـت
ـــــ اقولهـا ولسـان شعـري فصيحـي
ليتك عن مطاول سهر ليلك امرحـت
ـــــ وكسرت عن جفن السهـر لايطيحـي
عاد.. أنت توحيني ياليتـك تريحـت
ـــــ يوم أنت لانـدي ولانـت بنطيحـي؟

 

[نور]

يكفيني شرف حضور لحظة ولادتها ..


انا لك

أنــا لـك .. والــدمــوع اللــي ذرفــها الـــشـوق .. بـاسـبابك

أنـا لك .. لاتـسـل قـلـبـي عــن اول .. وآخــر احـبـابـي


أنـا لـك .. كــل مــافـيـنـي يـحـبـك .. يـعـشــق اتــرابـك

واغـنـي لك مـشـاويـري .. قـصـيـدٍ .. يـرهـق اعـصـابـي


عـلـيـك الله تـسـاعـدنـي .. قـديـم الـحـب .. مــاتـابــــك

أخـيـلك بـالـجـفـا .. مــزنٍ دعــاه الـشـوق لـتـرابـي


وانا مـهـمـا يـجـي مــنـك .. ولـو جـرحٍ مــن اسـبـــابــك

أقــول امـن الـغـلا .. جـرح ٍ لـفـانـي مـنـك .. باسـبـابي


حـبـيـي كــيـف مــاتـدري عــن اللـي عــذب احـبـابــك

عـجـب .. كـل الـعـجـب لاصـرت مـاتـدري عن اعـتابـي


أجــي لك .. وانـثـر اشـواقـي مـن اللـهـفـه .. عــلـى بـابـك

واسـافـر .. وابـتـعـد .. والـقـا غـرامـك يـحـتظن بـابـي


انا لك .. ريـح اظـنـونـك .. ولـو قـد طـــول اغــيــابــك

عــذابـك من حـسـن حـظـي .. غـدى لي أخـلص اصـحابـي





الشاعر العذب .. جاسم بن همام ..





نور..

 

[عبدالعزيز رشيد]

لـ [عاقل الزيد] _الله يرحمه_
كانت هذه أحد اجمل القصائد التي علقت في بالي بعد البحث عن قصائد الشاعر أحسستها بالفعل ذات موقف نحتاجها في وقتها .

وين انت ياللي قلت لاصرت محتـاج
ـــــــ ازبـن عليـك وكـل كـربٍ تحلـه
لو ان كربي ثقـل ابانـات وسـواج
ـــــ واثقل مـن جبـال السـراه المطلـه
له ترتكي ماتحسب احساب الامـواج
ـــــ لـه ترتكـي وتقـول لطويـق خلـه
وتصير لي في عتمة ايامـي سـراج
ـــــ السـود والاّ البيـض ماهـن اشكلـه
القى لهن في حزة الضيـق مخـراج
ــــــ وادل دربـي قبـل اجيـك وتـدلـه
هذا كلامك بالرخـا قبـل الاحـراج
ـــــ حبيـت اعيـده واسمـع العلـم كلـه
الياّ اسفهل حجاج واستقطـب حجاج
ـــــ حبـل الشدايـد ماانـت كفـو تفلـه
وهداج يكرم عنـك مشحـوم هـداج
ـــــ هداج من جالـه ضمـا الكبـد بلـه
ياللاسف كيف اعتبرتك لـي سيـاج
ــــــ ياقلـب قلـه لـو تكـرمـت قـلـه
مافيـه علـة مالهـا طـب وعـلاج
ـــــ الاّ ثــلاث مالـهـن طـــب لله
ولااعرف لهن مبدأ .. وسيرة..ومنهاج
ـــــ المسكنة..والمهـزلـة.. والـمـذلـه