ربعي ..وربعك

[صالح الحمود]

[POEM="font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

(( ربعي .. وربعك))
اللي يدوّر بالبشر عيب يلقاه=محد ٍ خلي والنقص محد ٍ يغطّيه
واللي يدوّر فيهم الطيب تالله=يلقاه ويلقى ما يسـرّه ويرضيـه
لازم تجد بالشخص ما يوجب إطراه=لا يعدم الإنسان وصف ٍ يحلّيه
لتقول هذا شـرّ لا خـير جــوّاه=فالذْباب يجمع بينهن في جناحيه
لكن تغافل واعتبر هرجـي وْصاه=منتب وكيل الله على الخلق ياهـيـه
بعض العرب شرّه يغطي مزاياه =ودّك تَهَجْره لكن النفس تبغيه
بالظبط مثل التبغ لابو سواياه=اتشوف به تحذير صحي وتشريه
ربعي وربعك مالنا فيهم اسواه=ندمح خطاهم والردي ما نجاريه
جربتهم تجريب شايب مع ابناه=وازريت اعدّل وضعهم واشتغل فيه
اربوعنا مثل الفحم وسْط مشواه=ما يحرق إلاّ جاره اللي يواليه
لكن تخيّـر بينهم شخص ترضاه =واترك غثيث النفس لا تلتفت ليه
اللي تعلّك عشرته لابو مجناه=اقطع وصاله واقطعُه لا تصاليه
فالمرء يقطع ما يعلّه من اعضاه=لا صار ينشد ما يريحه ويشفيه
أمّا رفيق ٍ يثري القلب مثـواه=وإلاّ عـدوٍّ لا شـبع مــوت تـرثـيـه
خلّك مع اللي ما يخالفك ممشاه=اللي تحـبـه اتبـعــه لا تخــلـيـه
وانا احب المصطفى واتبع اخطاه=واكتبّه اشعاري..وازوره..واحييه
امحمد اللي لا مدحته من اقصاه=تلقاني استغفر من الله واناجيه
ماهوب خشية ذنب .. وإلاّ مغالاه=لا والله إلاّ خشية النقص ياتيه
مسلم واعرف ان اتباعه موالاه=ولا اعرف الحقد واجهل دواعـيـه
امشي واسلم..وابتسم..واذكر الله=اخشى عقابه وابتعد عن نواهيه
ما ني مثل من يسري الكره بحشاه=يسعابي وسْط الناس والحقد يبديه
شعري يحطّه تحت رجله وياطاه= واسمي يغيضه غيض لا جيب طاريه
قلّه يابونواف ما قلت لعداه=قلّه لعل القول يشفي ويكفيه
اللي يدوس اشعاري عن حقد بحذاه=قلّه صداهن ما تضرّه مواطيه
شعري معه مثل النفل تحت ما طاه=يزداد ريحه كل ما حط رجليه[/POEM]

 

[هنادي المطيري]

تسجيل إعجاب بــ البنان الموثق
نص غزير .. زاخر بــ المعاني الحرّه
لله درّك



كل الاحترام ،

 

[محمد الضاوي]

:




داائماً جميل يابو محمد



لله درك من شااعر


/
\
/




م / ضـ

 

[نواف التركي]

صالح الحمود

أن يكون الغضب بهذا السمو , فسنعمم الغضب لـ يسمو بنا الشعر , هذا النص يا صالح عظيم , لن تحيط به مجرد كلمات أو قراءه واحده , بصدق أحتاج للعوده أكثر من مره هنا ,رائع إلى مالا نهايه .

صح قلبك

 

[محمد السالم]

شاعر حكيم


كوني موجود في هذا المتصفح فهذا من دواعي السرور

 

[قايـد الحربي]

صالح الحمود
ـــــــــــــــ
* * *


رأس الحكمة في الشعر ..
يمنحنا صالح الحمود : التجربة
ولأنّه كريمٌ حدّ الغمام ، فهاهو يُقدّمها لنا بالشعر .

درسٌ يُحفظ عن ظهر قلبٍ و قلب الظاهر : طُهراً
تماماً كما هو الشاعر المبدع الصالح : صالح .


كل الشكر لك أيّها الأجمل .

 

[فهد مفلح]

مبدع مبدع
مبدع

صح لسااااااااااااانك على القصيده كامله

لاكن البيت هذا عن قصيده

شعري معه مثل النفل تحت ما طاه=يزداد ريحه كل ما حط رجليه

 

[ناصر بن حسين]

ما ني مثل من يسري الكره بحشـاه
يسعابي وسْط الناس والحقد يبديـه
شعري يحطّه تحت رجلـه وياطـاه
واسمي يغيضه غيض لا جيب طاريه


الـ حمود صالح ،


المليئ بالدهشه
والى الحد الذي لانتصورة / جميعناً

كنت طاغياً
فأشبعت الجميع بما نثرته


اخشى عليك من الانقراض ياصاح
كن بخير إينما / كنت ،




نَ