فيصل ابن تركي
رمز النصر وصانع تاريخه القادم
اجبرني على كتابة قصيدة هي الأولى لي وربما الأخيرة في فلك الرياضة
قصيدة انبثقت من محبة وتقدير واجلال عظيم لهذا الأمير الشهم
==============(( مطــلع الجـــــود ))=================
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]ما بال قوم ٍ يجزلون المدح للغث الجحود=اللي إلى مـنـّه عطاك اعطاك نقثه بـ اصبعه
خلّوهم الله لا يكثـّر من فئتهم بالوجود=ما عندهم غير المجاعه والجشع والجعجعه
اللي يبي يمدح رجل قد المدايح أو يزود=يمدح إمام الجود وهّـاب العطايا والسّـعه
النادر اللي كل ما جادوا بْشـكره زاد جود=الشامخ اللي ما ترك فوقه مقام ٍ يرفعه
فيصل ابن تركي ابن عبدالعزيز ابن السّـعُـود=اللي إلى منـّك ذكرت اسمه يصيبك تعتعه
هذا الذي يستاهل التقدير واوصاف الأسود=هذا الذي ايطيب لي مدحه واشنف مسمعه
وجه السعد .. برق الرعد .. شهد الشهد .. فهْد الفهود=الفارس .. الشهم .. الأبي .. الوصف كله باجمعه
مني إليك الشكر والعرفان وانواع الورود=ثمٍّ عليك ازكى التحايا .. والمحبه تتبعه
عزالله إنك تستحق الأوسمه واغلى العقود=احييت مجد العالمي واحييت جمهوره معه
لله درّك يالأمير الفذ يالرّحب الودود =جبت البطوله واستقيت افضل أجانب أربعه
قد الوعد والتضحيه .. قد التحدي والصمود=أفنيت وقتك بالعمل واعطيت مالا نجمعه
تعمل ولا ترجي عطا .. تعطي ولا ترجي ردود=كن الذي اعطاك رزقه قد أمرك اتوزعه
فان كان للنجم اليماني مطلع ٍ عنده يسود=فالجود يا فيصل ابن تركي يمينك مطلعه
تدري وش اللي ما أحد يستوعبه حتى الحُمُود=إنك على كثر السخا عندك بخل بالمزبعه
تبسط يدك والناس تجري يمّها ثمٍّ تعود=كن البحر راحة يدك وايدين غيرك أشرعه
فيك البساطه والسمو متـْنـاهيه إبلا حدود=متـْواضع ٍ كنك طرف غصن ٍ ثماره تهزعه
مـتـْواضع ٍ ما هو لأنك ذو مكانه ومْحمود=بل ما أمامك عقـْب هذا المرتفع حيّز سعه
مثلك مثل مد البحر ما عقـْب مدّه أي زود=لكن أمامه ألف حيّز ينحسر عن موضعه
نعم الرجل .. نعم الولا .. نعم القياده .. والجهود=ما قول هذا القول من باب الريا والمنفعه
اللي مقامه بالسما فوق الكواكب والرعود=ما ترفعه هرْجه ولا بالهرج تخفض موقعه[/poem]
أخيرا
أتمنى أن يلتمس لي أحبتي الهلاليين عذرا في الكتابة عن هذا الرمز
وللجميع كامل التقدير والحب