تعيشي بخير !!

[خالد خزيم السهلي]

..


..



..

فـ قط !! اشعروا بها !!

.

أجامل نفسي بنفسي !! إذا حانـت فرح واعياد
.. واخبي شي(ن) بصدري عسى ما يظهر فـ عيني


ياعيدي يا فرح حزني !! على هذا الألم معتاد !!
.. أنا أوّل بشــر مخلص مع جروح(ن) تعنـيني !!


تعبت اداري طعوني و أدور للأمل ميلاد !!
.. تعب حتى التعب مني مع انه " بس " يشقيني !!


تشمّت يا زمن واجرح !! تراني مهتني برقاد !!
.. على ايش الكدر والضيق " اصلا " هو مربيني !!


هـ ذاك الليل والطاري ذكرتك والقلوب بعاد
.. ذكرتك وانتي لـ غـيري بـعـيده مـا تـواسـيـنـي !!


هنا " كنتي " بهالذكرى صغيره واحملك بمهاد
.. هنا " والحين " محتاجك دفا حضن(ن) يراعيني


تعالي جمهري نفسك على فـكـري بلا ميعاد !!
.. تعـالي واحـشـدي فيني شـعور(ن) في دواويني


تعالي يا بعد "ضيم الضروف" بنظرة الاجواد !!
.. تـرى لـمـا تخليني .. !! اخليهم !! .. واخليني !!


أبي اوّل غرام انتي .. غرام(ن) ما يجي بعناد !!
.. واذا انتي ما بديتيني !! . " انا " اللي بنتهي فيني !!


تناهـيدي - بتهديدي !! عـلـى فرقا الـغـلا تـزداد
.. " وجع غيره " يفاجئـنـي عـلى غـره ويكــويني !!


طـلبتك يالفرج !! .. " مره " ابيك تزورني (بالكاد
.. ( ادورني !! .. اراجعني .. اسايرني .. انادينــي ) !!


تعزويت الطموح اصرخ .. احاول .. انوي ولافاد !
.. نصيبي هو " ردى حــظ(ن) " حقير ومايدانيني !!


" ألـم واقـع " يـطـاردنـا .. يكبّل حبّه الأســياد !!
.. ياليـته بس " جيناتك " تطابق بالحـشا " جيـنـي " !!


على الله يا شقـى وقـت(ن) يسـوده زمرة الحـساد
.. ابـرجـع لـلـطريـق الـلـي يكمّـل " بـاقـي سـنينـي "


تعيشي بخير !! يا أعظـم روايـه عـاشـها " خلاّد "
.. وإذا عـني .. بعيـش بخـير !! .. دامك ما " نسيتيني "


مـثـل مـا ودي أشـارك " فرحك " بريحـة الاوراد !!
.. تـعـالي واحـظـري " حفلة زفـافـي " يـوم تأبيني " !!

 

[خالد صالح الحربي]

:
نَصٌّ جميل ياخالد وَ مُؤثّر في أغلَبِه ،
هُنَاكَ مَسحَةٌ يأسٍ وَ خُذلان لا يُمكِن مُوَارَاتهَا .
بعيداً عن ذلك أعجبني ماكتبت ، واستشفيت من خلاله ..
أنّك لا زلت تُخبّئ الكثير .
_ شُكراً لك _

 

[عبدالعزيز رشيد]

هذا النصّ يعد بالجمال
لي عودة باذن الله

 

[خالد خزيم السهلي]

..

..


الاستاذ الشاعر القدير

خالد صالح الحربي

كلامك وسام شرف اضعه " متافخرا "


لإنك شاعر
انا " شخصيا " اتابعكــ " بعمــــــــــق " لا يضاهي اي متلقي ..


شكرا لضخامه وجودك هنا ..

 

[ميــرال]

على كثر جمال النص على كثر حزنه


موسيقى بــ لون العيد كانت ومؤلمه جداً


خالد كنت مذهل

 

[أحمد الكميان]

السهلي

صح قلبك

الى القمم دوماا

 

[عبدالعزيز رشيد]

أجامل نفسي بنفسي !! إذا حانـت فرح واعياد
ــــــــ واخبي شي(ن) بصدري عسى ما يظهر فـ عيني
تكتيك وتحايل جميلٌ على المشاعر ينتج لنا بيتا مدهشا في كلّ حركاته واحتيالاته على العين
ومثل هذا البيت وجدته كثيرا في هذا النصّ بالفعل أخي خالد تمكّنك واضح بالتصوير والتركيب
وتقليبك للشعر جميلٌ للغاية هكذا نحن نقف لـ نشاهد والدهشة تثير اعجابنا بإسمك

 

[خالد خزيم السهلي]

..

عبدالعزيز الرشيد

سأعود الى جمال ودقه ردك ايضا

اتنظرني ..