سنوات عمري

[محمد مهاوش الظفيري]

سـيّـد الـزيـن

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

سيّد الزين سافر للــنـهـــار = ارفع الصوت واطربني وغني

ودي أنفض عن كتوفي غبار = يوم ضاع العمر منك ومني

السوالف تمر وتـسـتــثــار . = مثل زينك إلى منه احتـضـنـي

يزرع العطر في قلبي ثمار . = والحكي لو أبي بعضه غـبـنـي

هاجر العمر عن عمري وطار = واستطار الشعر فيك وفتني

فيك صغت القصايد للصغار = قبل من أقولها لأمثال ســنــي

أنت جنة خــيــالــيــة ونـار = من صباح العمر وين أنت عني

الوعد لا تـحـريـتـك يـغـار = والسوالف تروح ولاتــثــنـــي

سيد الزين سافر للـنــهــار = ارفع الصوت واطربني وغني[/poem]

شتاء 2002 مـ

 

[محمد مهاوش الظفيري]

انشطار الذكريات والغربة

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

مدري يمرّ الحكي...وإلا السوالف تضيع = تعبت أدوّر ورا التاريخ عن مشكله

يا هيه...لا تبتسم...ليل المواجع فضيع = من كثر ما متراكم ما قدرت أحمله

تمر في خاطري كل السنين وتميع = وتجف في دفتري أعذب وجيه الوله

تمرّد الشعر في قلبي...ولا أستطيع = أهرب من الوقت واللا وقت...والأسئله

أسرجت خيلي ورا همّ السنين الشنيع = من أجل أوصل إلى أقصاه.. واستأصله

عثرت ف الدرب والدنيا تموج وتبيع = كل القيم والمبادئ...لأجل حفنة بله

ياحاديّ الأسئلة...كل النواحي تذيع = إن الفرج بالصبر...وان الصبر مهزله

أبا أتسامى مثل كل الخلايق وأشيع = همٍّ بقلبي عجزت أرضاه...واتحمله

وجّهّت كل المحاني للبصير السميع = يلملم الجرح...دام الجرح في أوله[/poem]

الجمعة
9 / 5 / 1423 هـ
19 / 7 / 2002 مـ

 

[محمد مهاوش الظفيري]

صلوات في الشارع

رحت ماشي
والطريق المنعوج فيني مثل وهج السراب
يلمس جفون القمر
يمسح كفوف السحاب
كنت ماشي
كانت أنوار المدينة , في زوايا أضلعي تنزف عذاب
كنت أسولف للظلام
عن صهيل الأسئلة , في صدري المجروح شعر
وسقسقة أطفال حولي يلعبون
وابتديت أجمع بداياتي معاي
كان وجه الليل يدّلّى على جنب الرصيف
كنت ماشي
ومرّت بجنبي بنية
فاتنة ... حلوة ... صبية
دارت الأرض بكياني
مسمرتني في مكاني
ثم دارت
اختفت
مثل الحقيقة في زمانات العذاب
ياااااه يا حلو البنات
ليه يا ربي كذا
بس حنا في السعودية نحب
بس حنا
من تمر وحده نطب
ليه يا ربي كذا
ورحت ماشي
واشتعل في خافقي إعصار من " ليت " ... و " إذا "
المساء المنكسر في داخلي مثل الزجاج
هز " فيزوف " ... وتمرد
واختفى كنّه سراج
كان ساجد في الكهوف العسجدية
في عيون السندباد
يستلذ الإنطواء
من تراتيل الرماد
كنت ماشي
وارتكى فيني صدى من ألف ليلة وليلة
فجّر حروفي شعر
واشعل أطرافي أهازيج , وبلابل
وكنت ماشي
كبلتني في يديها شهرزاد
واحملتني من طريقي
لِإرمْ ذات العماد
ودق جوالي , وشلته
انتظرتك
وانتظاري طال
إنتي يا إنتي , ويا أعذب سؤال
فاكرة لما تلاقينا على رموش السحاب
كان شارعنا القديم
صغيّر ... وجدًّا وسيم
ما يمرّه
آخر الليل ...
غيرنا إحنا الثلاثة
أنا وانتي
وطفل يصرخ في شراييني , وفي عينك أشوفه
كنت أغني لك , وكنتي تضحكين
كان ضحكك يزرع الشارع كرز
\كنت قدامك , أسافر
أشرب عيونك عنب
وأزرع خدودك أساور
انتظرتك
وانتظاري طال
كنت لما
أسكب عيوني على رفوف الدراسة
كان صوتك
يغزل دروبي , ويهمس لي : تعال
أرتمى فوق المخدة
ألعن سنين الدراسة
وأحضن أطراف الفراش
كنت أسولف لك , وأقول
كل جوال فــ حياتي
أشتريه
ما يجيني فيه صوتك
ما أبيه
ورحت ماشي
والزمن فيني تمدد
والمسا ما عاد يكتبني سنابل
والقمر ما عاد يتسلل عيونك
آآآآآه يا ضمة عيونك
والمراكب في شواطيها تسافر
كنّها مصر القديمة
أو سميراميس تمشي
وهي ترقى عرش بابل
ورحت ماشي
أقطع الشاعر وفي يدّي " منار " (1)
أجمل أزهار الطبيعة
وأصفى من ضوّ النهار








(1) ... منار , هذه بنتي

الثلاثاء
3 / 7 / 1428 هـ
17 / 7 / 2007 مـ

 

[محمد مهاوش الظفيري]

هذيان الحمى ... أو ,,, ثورة الأسئلة في زمن العبيد

ليه تسأل عـن الـلـيـلـة وترحــل بـعـيـد
تـوّه الـلـيـل ظـلّـم...والـسـهـر بـأولــه

لا تخاف وتضيـق من الظلام المــديـد
المسا لا تمدد....يــتـضـح مـا أجـمـلـه

دونك الليل غنى...والقمر بــك ســعـيـد
والنجوم السواري تـرتـجـيـك بــولــه

آه...فيك العـجايب يا ضـعـيـف وعــنـيـد
الـبـكـا والـتـبـاكـي والـعـقـل والـبـلـــه

المشاعر تباع وتـشـتـري مـن جــديــــد
يا نقيّ المشاعر في ضحى المــهـزلـه

يا لك الله صبرت وصبر مــثـلـك فــريـد
صبر حتى الجبال السمر ما تـحـمـلـه


فرحة الجيل غيمة في عـيـونـك تـزيــــــد
ترتفع للـنـجـوم,,,وترجــع مــحـمـلـه

والمسافات تبكي من جحيم الــجــلـيــــــد
والمفاهيم تلهث مـن ظـمـا الأســئــلـه

والشوارع تضج ورملها يــســتــزيــــــد
والتراب إن تـدافـع يكسر الـسـلـسـلــه

منزل النجم عالي يطلبه مــن يــريـــــــد
بس يقرا الرموز ويــفــهــم الـمـشـكـله

وإن بكيت وبكى مثلك يــفــل الـحـديـــــد
يا فـريـد المواقـف...والسما مــنـزلــه

رغبة العـيـش ثورة في عيون العــبـيـــــد
تحرق الكـون كـلـه يــوم ما تـــقــبــلــه

إيه يا حروف شعـري ما بقى بك قصيـــد
والمطر يـوم هـمّـل ماتت الــســنــبلـــه

الخميس
18 / 12 / 1997 مـ

 

[محمد مهاوش الظفيري]

حمام البنفسج

الشعر في دفتـري عالـم حزيـن وكبيـر
تعبـت أمشـي وراه، ولا مدانـي أجـي
نسيت نفسي هناااك، وضعت مثل الأسيـر
والليل عـاف الظـلام، وللفجـر يرتجـي
نفسي تصيح وتزوم، وبالشفـق تستجيـر
يالله يا كاشـف الأسـرار منـك فرجـي
تكسر الوقـت فينـي والمعانـي حصيـر
يدوسها العابـرون، ومـن وراهـم يجـي
ضيعت شكل القلم والشعر عـاف المسيـر
لا الليل ليلي، ولانـي عـارف ٍمخرجـي
أبا أرسم الشعر في عين اليتيـم الصغيـر
بسمة تفـوق الـورود، ولونهـا بنفسجـي
وأبا أنسل الشعر من قلبي حمـام ويطيـر
يلوّن الكون شعر وصوت بوحـه شجـي
أهيم أكتب شعر، وأمـلا جيوبـي عبيـر
يفوح مثل الكـرز فـي حانـة القهوجـي
وأكحل رموش شعـري والهـدب يستثيـر
وأطرّز البوح في دربـي، وفـي منهجـي
الشعر مثل الفرح، مثـل السـلام العسيـر
في عيون من خاضوا الإعصار ذبح وهجي
وللشعر في دفتري إعصار جـداًً خطيـر
يشلّ أقصى العروق، ولـو دعانـي أجـي

الجمعة
22 / 5 / 1428 هـ
8 / 6 / 2007 مـ

 

[محمد مهاوش الظفيري]

مساء خارج الزمن

يصهل الليل بكيان الأسئلة
ينفث الدّخان خلف النافذة شعر وسنين
بعثريني يا حروفي مزهريّة
واتركيني في هجير الأمكنة
أشرب نهايات الحنين
كنت جالس
خلف شباك السوالف
أنتظر شكل المسا لما يمر
في الشارع اللي ما غفى
من طنين الصمت , أو صمت الطنين
كان شارعنا سنابل
يسترق همس , وبلابل
كان سهران , يغني
ينفض غبار الكلام اللي علق في خاطرة
مثل الخيول النافرة
لما تروضها السنين
كان في الشارع بنات
رايحات ... وراجعات
والشباب ,
خلفهن مثل النذور
في سنين القحط لما الناس تستجدي الغياب
أرفع التوت , وأقول
وتختفي كل النهايات بخيول العاصفة
أنتظر طيفه يجول
في خيالي
في تفاصيل السنين اللي تناستها السنين
في فضاءات العمر
يا ليل يا ليل السهر
نامت عيون الناس إلا ساعتي
ما زال عقربها يدور
أنتظر...
أكتب قصايد
والليل مسترخي على كتف الظلام
سهران ما ودّه ينام
وتستثير الأسئلة فيني نهايات الحنين
أنتظرها , من ثقوب الأمس
تطوي الأزمنة شعر وأنين
طال انتظاري
والمسا سكران يترنح على جنب الرصيف
أشرب التوت ... وأقول
أشتعل شعر وأغاريد وضفاير
أتعب اجمعني , وأقول
ممكن تجول
في خيالي
في مسامات السنين اللي توطتها الخيول
... وأشعر الفجر , بشعاعه
يلسع عيوني من الشباك , وأستجدي رموشي
تحضن عيوني , وأغمض
أرتمي فوق السرير
والفجر والغرفة وشباك السوالف
تنغرس فيني ... وأغيييب
أحس راسي , ما هو راسي
والكون من حولي يطير
وأنا أحلم
بالفضاء المكتنز شعر ... وعصافير ... وحرير
وأسحب الشرشف على صدري , وانام
أتدلى ...
مثل خيوط الليل لما الشمس تمتص الظلام
وأتْجمّع بصمت , وانام
وأنااااااااااام

السبت
28 / 7 / 1428 هـ
11 / 8 / 2007 مـ

عمّان

 

[محمد مهاوش الظفيري]

محاولة للبحث والتجلي

الضجيج
ملا المكان
وانتشر
وشق صدر الأرصفة
آه يا كثر القرى المتساقطة
تحت الحصار
في جحيم الشمس ...
وجروح الجدار
... وبكت المواويل
وعادت مسافات العمر للبداية
في عتمة الليل
والسوالف
ما بقى منها سوالف
تاه منها اللون
وإحساس العواطف
والبشر ...
ما عاد تحفل بالبشر
والثواني
غادرت كل المواني
مهاجرة رغم انكسار الريح
صوب الحياة اللي أبد
ما يوم يمكن ينتشر فيها الأمان
وظلت بنايات المدن متحجرة
بالخوف ...
وهموم الشوارع
والقرى
عافت حديث السندباد
بعد ما عمّ البلاد
برد القصور النرجسي الملعون
وغبار المصانع
يا فراغ الشارع المنتهي لأقصى مصير
اشتعل فيني الحنين
وانتفض مثل الحصير
لا طوته الريح
واستسلم يطير
أحفر الذاكرة
بالشعر
والشعر يتطاير
مثل العصافير الحزينة
و إلا قرية مهاجرة
عكس تيار المدينة
أمسك البحر ...
وترتج السفينة


وقت احتضار الليل
وأسمع الشاعر يصيح
مثل طفل
آخر الليل ....
جريح

أمشي شمال وكل ما أمشي وأنا أحيد
ويوم التفت مار الخطـى مبعدينـه
يا دارنا ما أنتي لنا كل مـا أريـد
ولا أنتي لنا يا دار جـدي وطينـه
اللي تفرق بـك ظعـون المواديـد
لـو هـم جميـع رايهـم تخلفينـه


وأعود مرة ثانية
أبحث عن الذات
في دهاليز السنين
وأسمع الشاعر يصيح
من بعيد
مثل دمعة مسافرة
من ألف ليلة وليلة
ظلت تدور
وتدور .....
وتدور .....
والنهايات البعيدة
تفترق قبل اتجمع
وصممت في لحظة جنون
بلا شعور
أرسم مدينة مسوّرة
بالتين والزيتون وأصناف الزهور
جدرانها من عاج
ترابها بلّور
وأعيش فيها عن جميع الناس منفي
أكتب الشعر الجديد
ما أبي نفسي تجيني
ولا أبي مني أجيها
إلا من يحمل معاي الشعر
وهموم الشوارع
وابتهالات الرصيف
وطفل يحلم
آخر الليل ... برغيف














أبيات للشاعر سند الحشار ــ رحمه الله ــ .

 

[محمد مهاوش الظفيري]

صمت المحبرة

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يا طاري البارحة .... ضج البكا والأنين=وتجمع العمر في دربي .. وضاع أكثره
وتبعثرت في مدارات المدى والسنين= مشاعري .. والورق .. والشعر .. والمحبرة
يا سيدي .. والقصايد كلها كلمتين=هذي تروح ... وتجي هذي مع المقدرة
بأكتب ... ألين الشعر في داخلي يستكين=بأكتب .. ألين الشعر يعكس مدار الكره
ما دام ما تشبه الأشعار وجه الجنين=بأدفن قوافي الشعر في خافقي ...... وأقبره
وما دام ما قيلت الأشعار في ناظرين=تذوب من سحرها الألحان والحنجرة
يصير شكل الشعر ناقص عيون ويدين=طفل مشوّه ..... ولا له ساترٍ يستره
يا مسافرة في عروقي قبل ما تولدين=لأجلك كتبت الشعر ..... و أظل دوم أذكره
ويا .. مسافرة ..للشفق .. لليل .. للياسمين=كل النسا لو تجمّع.... ما تساوي مره
الله .... يا زين هالطاري .. وما أحلى الجبين=يوم ضحكت لي شفاهٍ كلبوها ثمرة
أقول ... وإلا ترى بعض لحكي ما يبين=بأسكت ... لأن السكوت ... أصدق من لمحبرة [/poem]

الخميس
17 / 11 / 1422 هـ
13 / 1 / 2002 مـ