تعال واكتب حالتك/لحظتك شعراً ..!

[صالح العرجان]

ايـه شفت الحــب بعيونـك وشفتـك
وأذكر انك جيت ضيـف ورحـت غــالي ..

وأذكـرك مثل الـورود ولا قطفتـك
وأذكـر ان المـر دونـك وانت حـالي ..

واتخيـل كـل مـا مني وصفتـك
كيــف أخـذت الملـح كلـه وانت حـالي ..

 

[منتهى القريش]

طريق يطول
اتبعثر انا وصبري
فتحت الهم
ثلاث ابواب وشباكين
جهات اربع
فتحت الخامسه صدري

 

[صالح العرجان]

/

سلام يا وجه السحاب الممتلي ضيقـه سـلام
تسليمةٍ تسبـق زواريـق البحـور وشطهـا

جيتك وفي صدري غلا وأقفيت في صدري كلام
هاك السنه يوم أن روحي حب غيرك شطهـا

واليوم لا والله ما جيتك علـى سلـك الغـرام
الا أن روحي خطك الماشـي موافـق خطهـا

تعـال والدنيـا معاذيـر ومطاليـب ووئـام
ورسالةٍ يامـا تعبـت أقـول : لبـا خطهـا

تعال صبحٍ ما يفوقه صبح .. مليـت الظـلام
رجل الامل على رقبة اليـأس تكفـى وطهـا

خذ جاك قلبي يا بعد قلبي ويـا مـال الرحـام
حقوق غيرك شيلها .. وحقوق حبـك حطهـا

فداك برد الظل وأسـراب القمـاري والحمـام
وبحيـرةٍ نسمـة شجاريهـا تداعـب بطهـا

المنظر اللي يا مسولف به علي من كم عـام
فالذاكـره والذاكـره عنـدك بحلمـك غطهـا

لاياخذك ما ياخذ السارق على المـال الحـرام
تجـارب الايـام خطـوه فوضويـه نطـهـا

خل السوالف يا مطر قلبي على ظهر الغمـام
قلوبنا ضميّا ولحم الحب جاهـز لـالطهـى !

/

للشاعر : خالد العتيبي

 

[نورة القحطاني]

زحمة سكوت !
وأنفاس يكسرها الحكي
واللي بدا فينا يموت
لاشك صمته يشتكي !

 

[صالح العرجان]

هواء الغربي ملاعبه عنا ..؟!

 

[عبدالله صلال العساف]

لو آتكلّم يجرح اعذارك الصوت
واليا سكت الصمت يجرح حنيني

عبدالله العساف

 

[منتهى القريش]

مو ألم اللي أحسه
شي أكبر
لا ولا لحظة ندم
يمكن اخطر
الـ أحسه
يشبه الموت البطيء
شي فيني
يطيح من قلبي لـ عيني
وايتكسر

 

[إبراهيم بن نزّال]

المشاركة الأصلية كتبت بواسطة منتهى القريش

مو ألم اللي أحسه
شي أكبر
لا ولا لحظة ندم
يمكن اخطر
الـ أحسه
يشبه الموت البطيء
شي فيني
يطيح من قلبي لـ عيني
وايتكسر

الله على رقة التعبير يامنتهى الشعر..