صهوة جواد الريح

[عبدالعزيز سحل]

[POEM="font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]على صهوة جواد الريح ومعانق شموخ الجـال =على لعنة زمان الخوف ومصافح يميـن الريـب
على غفوة ألم مّـره لمحـت بناضـري خيـال =يسدد في متاهـات الرمـل ويوجـه التصويـب
لمحته سـدد بصـدري اصيـح مقيّـد بحبـال =تبسم ضحكته صفرا جبـان وهـاوي التعذيـب
نظرت اللي على جنبي لقيت اللـي يغـث البـال =بقايا شبه انسانه مع الصرخـه تشـق الجيـب
تنوح لفقد غاليها صغير مـن اجمـل الاطفـال =وحيـد مالهـا غيـره وادّبهـا الزمـن تأديـب
جروحٍ تطعن الخافـق ودمعـه شـارده تغتـال= آخر حلـم بعيـون بكـت يـوم الامـان يغيـب
تحـدّي للزمـان اللـي بتغريبـه يشـل رجـال =بشر مجنون من حاول يفكر في علـوم الغيـب
يقول اللي من الماضي شرب مر الزمن فنجـال =تقهوى وأرتوى دمّه وشب من الليالـي شيـب
لبس ظيم الزمن مجنـد كفـاح ومرجلـه ودلال =تهقوى وانتسب ينوي رعيل الملحمـه والطيـب
انا لو عشت بالصحراء اعاني مـن لهيـب ألآل =بشر ماقـاوم الواقـع مثـل ماقاومتـه النيـب
علام الوقـت يصفعنـا دمـوع تخالـط المّـوال=تبعثرنـا مواجعنـا ضيـاع ونجهـل الترتيـب
تركنا عصرنا الحاضر ونبكي ماضـي الأطـلال =عشقنا دمعة الزيـر ونسينـا عزتـك ياكليـب
فلا عاد الزمـان اول ولا عـاد الرجـال رجـال=ولا عاد المثل يظرب بتمجيـد الصقـر والذيـب
صرخ فيها الصقر واصبح مجرد سلعـة للمـال=عوى ذيب القفص واعلن سكونه بالقفص تغريب
غريبه والرجاء مقفـي ولابـه للجـدار ظـلال=تخاون وأعلنن وحدة تصاريح السنـع والعيـب
[/POEM]

 

[وليد الفالح]

نومان سحل
كان لي شرف الحضور الأول
حضور رائع ونص مميز كالعاده
مودتي

 

[عبدالعزيز سحل]

المشاركة الأصلية كتبت بواسطة وليد الفالح

نومان سحل
كان لي شرف الحضور الأول
حضور رائع ونص مميز كالعاده
مودتي

وليد الفالح

الشرف لي بحضورك الجميل

دمت بخير

 

[شــمــ نـجـد ــس]

:

فلا عاد الزمـان اول ولا عـاد الرجـال رجـال
...................... ولا عاد المثل يضرب بتمجيـد الصقـر والذيـب
صرخ فيها الصقر واصبح مجرد سلعـة للمـال
....................عوى ذيب القفص واعلن سكونه بالقفص تغريب :

للحفظ

هي محملة بالصدق وأكثر

الشاعر نومان سحل

سلمت

 

[عبدالعزيز سحل]

المشاركة الأصلية كتبت بواسطة شــمــ نـجـد ــس

:

فلا عاد الزمـان اول ولا عـاد الرجـال رجـال
...................... ولا عاد المثل يضرب بتمجيـد الصقـر والذيـب
صرخ فيها الصقر واصبح مجرد سلعـة للمـال
....................عوى ذيب القفص واعلن سكونه بالقفص تغريب :

للحفظ

هي محملة بالصدق وأكثر

الشاعر نومان سحل

سلمت

شمس نجد

شكرا للحضور الاكثر من رائع

شهادة اعتز بها

دمتي بخير

 

[السندريلا]

نَصٌّ مُوْجِعٌ غَارِقٌ ..
احْرفهُ تَوَشَحَّتْ سَوادَ الْزَمَان وَ مَرَارَتهِ ..
وَ 00 ابْدَعْتَ حَقاً بِـ تَجْسِيِدهِ

♦.
♦.

طَابَ بَيَانكَ ..
وَ 00 دَامَ قَلمكَ يَكْتُبُ بِـ جَزَالَةٍ مُفْرِطَة [ .. .. ]

 

[عبدالعزيز سحل]

المشاركة الأصلية كتبت بواسطة السندريلا

نَصٌّ مُوْجِعٌ غَارِقٌ ..
احْرفهُ تَوَشَحَّتْ سَوادَ الْزَمَان وَ مَرَارَتهِ ..
وَ 00 ابْدَعْتَ حَقاً بِـ تَجْسِيِدهِ

♦.
♦.

طَابَ بَيَانكَ ..
وَ 00 دَامَ قَلمكَ يَكْتُبُ بِـ جَزَالَةٍ مُفْرِطَة [ .. .. ]

السندرلا

حضور راقي اضفى على النص جلباب الروعه

دتي بخير

 

[ريم علي]

اخي نومان
وقصيدة جزلة في كل شي

صح لسانك يامبدع