سليلة الكلمة الفارسة
. رهب الشعر وأميرته...
(بـرقٍ تلالا)فـي سمـاء الكتابـة
قلنا :ابشري يارض الشعور المحيلة
وشمس تجلت في عيـون الغلابـة
يشتاقهـا منهـو غشتـه الظليلـة
ياحظ قلبـي يـوم قلتـي :هلابـه
في ملتقاك اللـي عيونـي تشيلـه
طاير بفرحي في جـواب لجوابـه
شاعر ويفرح في جواب الجميلـة
بنت الفهيم اللـي بحرفـه ذرابـه
الفرقـد اللـي للعـوالـم دليـلـه
ياالنخلة الشمـة وعالـي رطابـه
تردين من عين السحاب الفضيلـة
واذا انحنيتي في شمـوخ ومهابـه
كالسنبلة تعطيـن جـود الحصيلـة
بنت الشعر وأختـه ودون القرابـة
جزلـه وماتهويـن إلا الجزيـلـة
بنت العظيم اللـي عظيـم جنابـه
للـيـوم والله مالقيـنـا بديـلـه
راع الكفوف اللي تماري السحابـة
لا مدها تشفـي وتـروي العليلـة
ذاك أبوزيـد المسمـى ضـرابـه
ياشين حظ اللـي يلاقـي سبيلـه
تبكـي عليـه أقلامهـا والكتابـه
والسيف والدلة وسـرج الأصيلـة
انتي من عروقـه ولابـه غرابـه
حيثك مـع كـل المواقـف سليلـة
ولله فلانـي مجاملـك بالآدابه
تسوين يام الشعر ميـة .. وقبيلـة
حماك ربي مـن عيـون الكلابـه
وجنب عيالك عن دروب الرذيلـة
عبدالكريم العفيدلي
دمشق 22-08-2008
آخر المشاركات
09-02-2008, 02:29 AM
تسوين يام الشعر مية ..وقبيلة
العرض الشجري