صالــح العرجان ... و أنواع الشرهات ..

[ناصر حطاب الدهمشي]

المشاركة الأصلية كتبت بواسطة صالح العرجان

القصيده بك بك

حتى مبروك ما قلتها يا حافظ هوووو






صباحك يوم عز به الدهامشة تحدد جمالها

هذي رسالة خاصة من صالح العرجان
أبلشني يبي قصيدة بمناسبة تولِّيه الإشراف ..
لا ويقول ليش ما قلت لي مبروك بعد ..
أنواع الشرهات عن طريق الخاص والجوّال ما من فكّة:p
تراها كيبورديّة لا تدققون بها حيل

]مبروك يا صالـح من القلب مبروك
عقبال ماشوفك على أبعاد ريّس

نويت أبارك لكن الخط مصكوك
كنه يقول: إمن المراسيل أيّـس

حد إئتماني الفين و الحال مزنوك
و الراتب .. أقرش و المديّن إخسيّـس

لامن نطحنـي بس عينه على البوك
يضحك معاي وعينه تقول : كيّـس

محكوك..! لا والله فلاني بـمحكوك
إلّا منـتّـف .. يحسبوني كويّـس

معلوك بالدنيا ومن الناس معلوك
ماغير اًصـبِّغ في ظروفي واليّس

ياخي عرفت الحين .. وش حالة آخوك
لرموش عينه .. بالضياع إمتليّـس

أبلشتني .. ماتدري الحال مضكوك
هذي همومي جبتها لك و قيّـس

مبروك يا صالح من القلب مبروك
وعقبال ماشوفك على أبعاد ريّـس

ملاحظة
كل ما كُتِب بالأعلى للمداعبة لا أكثر ..

شكرا ً تدفعُها حُبـَّـا ً لكل من قرأ ..
والــف مبروك لك يابو صلوح على الإشراف ..


.
.
ناصر الدهمشي

 

[صالح العرجان]

تو جاء لها طعم

ناس ما تجي إلا بالحصار ( العشوائي )

أبو حطاب

وقصيده عن 100 ( صك إعسار )

نجيز مباركتك مع التعهد بعدم العوده لمثل ذاك الحضور الخالي من ( الشعر )


ودي و وردي

 

[فيصل الفهد الحنيان]

المشاركة الأصلية كتبت بواسطة ناصر حطاب الدهمشي

هذي رسالة خاصة من صالح العرجان
أبلشني يبي قصيدة بمناسبة تولِّيه الإشراف ..
لا ويقول ليش ما قلت لي مبروك بعد ..
أنواع الشرهات عن طريق الخاص والجوّال ما من فكّة:p
تراها كيبورديّة لا تدققون بها حيل

[poem="font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]مبروك يا صالـح من القلب مبروك=عقبال ماشوفك على أبعاد ريّس
نويت أبارك لكن الخط مصكوك=كنه يقول: إمن المراسيل أيّـس
حد إئتماني الفين و الحال مزنوك=و الراتب .. أقرش و المديّن إخسيّـس
لامن نطحنـي بس عينه على البوك=يضحك معاي وعينه تقول : كيّـس
محكوك..! لا والله فلاني بـمحكوك=إلّا منـتّـف .. يحسبوني كويّـس
معلوك بالدنيا ومن الناس معلوك=ماغير اًصـبِّغ في ظروفي واليّس
ياخي عرفت الحين .. وش حالة آخوك=لرموش عينه .. بالضياع إمتليّـس
أبلشتني .. ماتدري الحال مضكوك=هذي همومي جبتها لك و قيّـس
مبروك يا صالح من القلب مبروك= وعقبال ماشوفك على أبعاد ريّـس[/poem]

ملاحظة : كل ما كُتِب بالأعلى للمداعبة لا أكثر ..

شكرا ً تدفعُها حُبـَّـا ً لكل من قرأ ..
[ والــف مبروك لك يابو صلوح على الإشراف ..
والف مبروك للـكاتبة الجميلة : ورد عسيري
وللكاتبة الجميلة : منال عبدالرحمن على الإشراف أيضا ً
نعم الإختيار و بالتوفيق للجميع ]

.
.
ناصر الدهمشي

الله الله عليكم بس .

يازين هالحظات هذي ماتنسي تذكاريه

ابو حطاب بيض الله وجهك .

وصح لسانك من النسيم للقصيم .

محنك يالبناخي

والف مبروك للكتاب والشعراء


يستاهلون كل خير.

تحياتي للجميع

 

[العنود العساف]

غيم غيم غيم يا الدهمشي

مجنوووووووووون شعر الله لا يضرك
متابعتي القلبية لك

إختك

 

[ناصر حطاب الدهمشي]

المشاركة الأصلية كتبت بواسطة صالح العرجان

تو جاء لها طعم

ناس ما تجي إلا بالحصار ( العشوائي )

أبو حطاب

وقصيده عن 100 ( صك إعسار )

نجيز مباركتك مع التعهد بعدم العوده لمثل ذاك الحضور الخالي من ( الشعر )


ودي و وردي

وش رايك فيني وأنا اكسر الخاطر..

الوكاد ... احبــك يا مدير

دمّك
.
.
ناصر الدهمشي

 

[عبدالمجيد العنزي]

بيض الله وجهك ياناصر كـفيت ووفيت


صح لساااااااااااانك



ياحبك للقوافي الصعبه

لاكن انت لها



بس منين جاك الفقر وانت هامـــور ياناصر



خل الفقر لاهله




دمت بود

 

[ذعار بن سحاب]

لامن نطحنـي بس عينه على البوك
,,,,,,,,,,, يضحك معاي وعينه تقــول : كيّـس
معلوك بالدنيا ومن الناس معلوك
,,,,,,,,,,, ماغيـــر اًصـبِّغ في ظروفي واليّس

أنت حووووووووووت يا مجرم
والله يا ناصر إن القصيدة هي سبب دخولي

يستاهل أخونا صالح التهنئة و المباركة

الف مبـــــروك

وبعدين على قولت عبدالمجيد

هو أنت من وين جاك الفقر ودي اعرف ..؟

فقير وما تركب إلا جيب و بي ام دبيلو ..!

بس عن جد كسرت خاطري :p

 

[عائشه المعمري]

يستاهل صالح العرجان والله ..


لكن يا صالح .. لو خليت القصيدة تجي من دون طلب ..
كان بيكون لها طعم ..


ناصر .. مو حلو اللون الأخضر في القسم العام تحت صح ..

كـ أنه لما كانت حنين بروحها أحلى :d


ولو إني ما أفهم ف الشعر ..
لكن القافية قوية ..
بالرغم من إرتجالية الأبيات ..





ومع السلامة