تفداج العين يا بحرين

[زين]

تفنن يا القصيد وزخرف الدنيا شعر وألحان
ولا خير بقصيدٍ ما يهـزّ الـروح بألحانـه

سلام الله على دار الحضارة دار أبو سلمـان
سلام الله على شعب البلاد وكـل سكانـه

على أرض المملكة نفرح وننثر للعروس ألوان
على البحرين يا درّة قلوب الشعب يا دانـه

تبارك يا وطننا جعل جوّك بالفرح عمـران
ما دام أن القلوب تذوب في حبّك وفرحانـه


تبارك يا المليك اللي عيونه للجميع أحضان
حضن شعبه بعينه وامتلا قلبـه و وجدانـه

حمد هذا حمد عز البلد له في المعالـي شـان
مكانه فوق هام السحب والله رافع ٍ شانـه


تبارك يا وطنّا يا وطن يـا غالـي الأثمـان
تربينا على حبّه وضـم الكـل باحضانـه

على حب ومحبة ضمّنا بأرضه أهل وأخـوان
تحت ميثاق من حبّ الوطن صانه وما خانـه

تفنن يا القصيد وزخرف الدنيا شعر وألحان
ولا خير بقصيدٍ ما يهـزّ الـروح بألحانـه

سلام الله على دار الحضارة دار أبو سلمـان
سلام الله على شعب البلاد وكـل سكانـه

من كلمات سمو الشيخ ناصر بن حمد آل خليفة نجل ملك مملكة البحرين

احتفلت مملكة البحرين أمس بعيدها الوطني المجيد واليوم تحتفل بعيد الجلوس لحضرة صاحب الجلالة الملك حمد بن عيسى بن سلمان آل خليفة

كل عام وأنتي أحلى ديرة يا بحرين

 

[ريم علي]

كل عام ومملكة البحرين في أزدهار ونماء
مبروك لكل أهل البحرين الطيبين

دامت افراحكم

 

[نور]

كل عام والبحرين بخير ونعمه يارب,,


والله يعيده عليكم اعوام مديده وانتم في رخاء ,,



نور..

 

[عائشه المعمري]

الخليج هذا الشهر يعيش عرس موحد ..


/

كل عام والبحرين وأهلها في آمن وأمان ..
كل عام وإنتوا بخير يا زين ..

 

[أصيله المعمري]

فديت البحرين والله


شكرا يا زين
نحبكم كثير

 

[مَنَالْ أحْمَد]

حين يتحدثُ الانتماء..
وتنطقُ الحروف ... وطن..!

لـ الاتجاه هنا هدف آخر.. وغاية لا تعرف التعثر..

وكما تأتي الكلمات .. تأخذ مكانها بعفويتها وتلقائيتها..

دعوّتني كما أنا ..
وهكذا أريد : )













أنا هنا ..

وكل ما فيني
(يقول إني ...بحرييييني)

يا دانة حب..
وشمس الأمس واليوم.. وباجر
يحق لها بيني ..تتدلل بعد أكثر..,


(تبين عيني..؟ لج عيوني .. أنا وكل ما أملك..)

حُب..
لا
عشق..
لا..
غرام..
لا
هياااااام...

(فدا أرضج ..يا شوقي اللي إذا بعّدت يناديني..)

وجوه الناس .. طيبة مالها أبد .. احدود..
وصوت الصبح .. معزوفة حب توارثناها من لجدود..
وكل فرح فيها..نخل.. فرعه.. للسما ممدود..


(يا ريحة هلّي الطيبين ..أشمج طيب كل عمري .. يا أغلى من نظير العين )


حضن صوتي يا صدر أمي..
وبلسم جرح.. لكل همي..
وحب أول.. جرى بدمي..


(يا داير كل مداينها ..إهي منّي وانا منها )


فديت العيد.. لا أقبل ..
وعطر الليل من أول..
وعصرية على ترابج عمر يطوّل ويطوّل..



(إذا غرّبت أو شرّقت.. أشيلج حرز يا الدانة )


أحبك يا وطن عمري..
وأمد الحلم .. بأنفاسج..

يا أطهر حب ..من صغري..
خطاوي المطر ..خطواتج..


(يا مركب في بحور الحب ..خفّقْ في صدري ربانه )



لج بيني..
عشق يسقيّ ابّحورج..
ولي بينج..
فيّ ممدود من نورج..!



ويا شوقي اللي اذا بعّدتْ ينادييييني ..


ويقول أنتَ بحريييني ..

وكل يوم مملكتنا تعانق الأمان..
وتزيد إشراقتها في أعيننا..
وكل يوم وأنا (بحريني) : )

همسة :
الخربشة لي..
وما بين الاقواس مقاطع من إغنية (تبين عيني لـ إبراهيم حبيب)


شكراً زين وسبّاقة لـ الجمال

 

[عبدالله العويمر]

كل عام والبحرين واهلها بخير


امنياتي ودعواتي للبحرين برغد العيش والأمان

 

[قايـد الحربي]

:

[ كلّ عامٍ وَ مملكة البحرين - ملكاً و شعباً - ،
بخيرٍ وارف و وافر ]

:

زين
شكراً لكِ .