.. مــــأتم الصــــبـــح ..

[نايف الروقي]

.
:
بسم الله الرحمن الرحيم

للسادسه الأخرى وتداعياتها الماثله امامنا
لم اجد سوى هذا التماسك في زمن الانهيار

للصباح خلف لجات السواد

:

يالصبح لالا تعجل حزن صاحبك ليل
في مقلتينه بياض من السواد انقتل
:
ياصبح صاحبك مما صار يحيا عليل
من يوم نجم السعد في الليل نوره أفل
:
ياصبح في ما مضى له في الغداري دليل
انار دربه وحصل مطلبه واستدل
:
ياصبح هالنجم كم شب الدياجي فتيل
كيًف غموضه شموس وثار حوله جدل
:
ياصبح هالنجم لا والله ماله مثيل
اسطوره اليا رحل واعجوبه اليا نزل
:
يهز غصن الرجا حتى بياسه يميل
واليا انتصب هلت الغيمه فرحها وبل
:
تمكن من المحال ولو بدا مستحيل
لاقال ممكن وممكن بس صابه وجل
:
ياصبح بعده قبيح اللي اساسه جميل
ياصبح لاتقول انا مدري وش اللي حصل
:
ياصبح مد الكرم من فقده ابخل بخيل
ياصبح صرح العسل بعده جفاه النحل
:
حتى الاصايل حزينه ماتطيق الصهيل
حتى الجمادات حست بالمصاب الجلل
:
بلابل الروح تعزف صمت حزن الهديل
من غيبته صاب خفاق البلابل شلل
:
الضحك وينه بعد فرقاه شد الرحيل
في رجعته مابقالك ياشفايف امل
:
واللي بقا من مشاعر شعر هذا القليل
الشعر وان خلده فعلاً فلا له فضل
:
ابسط صفاته ملاحم جيل تبقى لجيل
العلم وش قيمته لولا دروس الجهل
:
ياصبح اظنك عرفت الآن اوفى خليل
لاتحسد الحزن طيحة دمعتي وارتحل
:
ولا من تشرب سواد الحزن عيد الرحيل
يكفيك عن ضيعتي دمعة فراق الشمل

:
الــــــــروقي .. ن ..