مدينة احزاني

[عبدالعزيز الروابة]

[poem="font="simplified arabic,4,silver,normal,normal" bkcolor="black" bkimage="" border="double,9,sienna" type=2 line=0 align=center use=ex num="0,black""]

مشيت وعيّت الخطوة تساعدني على فرقاك=وقفت وملّت السكة تصيح ابعد تعداني

صفنت وصاحت العبرة تبي لدموعها يمناك=شهقت وطاحت الدمعة وطاح القلب واعياني

صرخت واّخر اللي أذكره ياصاحبي عيناك=صحيت ولا لقيتك وانلجم من خوفي لساني

ناديتك أحسب انك تبّسم لي بعيد هناك=وعرفت انك سراب ومااصعبك ي فراق خلاني

وحلفت بصدت عيونك ولو طال البعد ماانساك=أنا وشلون أنسى اّللي ربى مع نبض وجداني

تغيب الشمس بعيوني تهذري الروح في طرياك=وتشرق هالشمس والقلب يبكي خاف تنساني

سواليف الشجر للريح تسافر بي على ذكراك=واطرد بالصحاري وحشتك وتشح غدراني

تخّيلني اليا هبت عواصف وافتقدت اخطاك=وحيد{ن}والرعد وغيوم سودا برقها اعماني

وتمنيتك قصيدة نرجسية غرّها لاماك=أسايرها وعصافير القصيد بلادها اغصاني

عسى هاك الشفق يللي أخذ من وجنته واعطاك=يسافرلك...يحكيلك طريقي وين ودّاني

أنا وشلون باكر أنتخيك بغربتي وماالقاك=وانا مسافر بلا عيونك على مدينة احزاني[/poem]