:: صباح الخير ::

[بدر الحنيف]

::



صباح الخير لا والله معاك الوقت كله خير
يـا خير الوقت وأحساس القصيد وضحكة أيامي

هلا يا الرايق العذب الرقيق المترف الشرير
هلا يا رميت الحظ العقيم أللي بلا رامي

هلا يا الباهي الذرب الجذوب الشاطر بـ تنفير
أحس أنك رجل للغير وأنثى بس قدامي

أحبك أيه أحبك والغلا دبّره بلا تدبير
يا عين القلب وانفاس الغرام ورحلة احلامي

ضميت ولا رويت إلا بعد ما جيتني تنوير
ومن فارقت شف قلبي ألين الحين لك ضامي

وجيتك لأني أذكر بك عن وجيه الشقا تغيير
يزيل الحزن و تزين الأمور وتذبح آلامي

وأنا بـالضيق واحكام البعاد ولوعة التهجير
أعـد من الجروح بـ شرهة أيامي على أوهامي

تصدق من كثر شوقي على قربك بديت أطير
يا أعذب حس يعزفني شعور بنظرة ألهامي

تقود الصبح في ضحكة محياك وكلامك غير
يشع النور في عين الظلام بـ شوق متنامي

ويزهر درب له فترة طويله خالي التشجير
بـ أفضفض لك عن هموم الغياب وجرحي الدامي

بعد سقط الوئام بـ غيبتك سقطت حصاة فـ بـيـر
تعال وجدد آمال الغلا وأستلحق أهيامي

تعال لي متى مقفي وانا قلبي على التجمير
وانا من وين ماهبّت هبوبك سارت أقدامي

صباح الخير وين الخير؟! .. يا مقفي بلا تبرير
مـ تدري .. بـ غيبتك عني يصير الهم مترامي

لو ان الطير يزعل عن سماه شلون ؟! وين ؟!! يطير
تعال وضـم نشوات الغرام بـ قدرك السامي





تقديري للجميع ،،

 

[صالح العرجان]

المشاركة الأصلية كتبت بواسطة بدر الحنيف

وأنا بـالضيق واحكام البعاد ولوعة التهجير
أعـد من الجروح بـ شرهة أيامي على أوهامي

صباح الخير يا خير الصباح

البدر بدر

[ هدوء دافي يلون بالخجل خد الغيمه مطر ]

للشعر بك حظ وينتمي لك ولاء

صح فكرك وصح لسانك

برايفت /
( مبروك وفالك الولد الـ صالح )

 

[محمد الغشام]

:
:
هذا الصباح يعرف بتغريد البلابل
على عشة الحُب ليرفرف على أغضان الوله والعذوبه
حتى في شيطنته عذبه ورقيقه على الأغصان
لتؤرق لنا نسمه دافئه كدفء الصباح
وياصباح الخير يابدر

عاطِر التحايا

 

[ماجد الذويبي]

المشاركة الأصلية كتبت بواسطة بدر الحنيف

::



صباح الخير وين الخير؟! .. يا مقفي بلا تبرير
مـ تدري .. بـ غيبتك عني يصير الهم مترامي

لو ان الطير يزعل عن سماه شلون ؟! وين ؟!! يطير
تعال وضـم نشوات الغرام بـ قدرك السامي





تقديري للجميع ،،

بدر الحنيف


صح اللسانك ولاهنت
جميل التصوير في الأبيات ....راقت لي جداً تلك الأبيات سلمت يمينك

 

[عبدالله العويمر]

يُشْرَب ُ الحُب زُلاَلا ً مِن هَذَا النّص العَذْب

الغَالي
بَدْر

لازِلْت ُ أقُول:
لَك َ مِن اسْمِك نصيْب

جَمِيْل وأكْثر

 

[ميــرال]

ضميت ولا رويت إلا بعد ما جيتني تنوير
ــــ ومن فارقت شف قلبي ألين الحين لك ضامي



بعض الصباحات مبهجه كــ هذا النص الــ جذاب
وكأن بكل بيت عصفوره
اعجبني هذا الشعور الــ شعر
وراقي

 

[جُمان]

وتَقود أنت الصُّبح .. بهذا النَّص المُشبَعِ عذوبة
وببحره الطويل والمُمتد بين قلوبِنا والسماء
تفتحُ لنا جهاتِه كـ شُرفةٍ ينسَدِلُ مِنها الفَجر
و تُصادِقها عصافيرُ البَهجة

بدر الحنيف
مرحباً بِك بعد غياب
وأهلاً وسهلاً بِك

.

.

 

[عبدالعزيز سحل]

هلا يا الرايق العذب الرقيق المترف الشرير
...........................هلا يا رميت الحظ العقيم أللي بلا رامي

هلا يا الباهي الذرب الجذوب الشاطر بـ تنفير
...........................أحس أنك رجل للغير وأنثى بس قدامي

بدر الحنيف

نص اكثر من رائع يدل على شاعريه فذه

مودتي