ابوعدها

عوض احمد · 05-22-2009, 03:24 PM

ابوعدها
جيت قبل الساعة لا تحين ابوعدها
جيت في نفس الطريق اللي اوصفتها
وعيني في كل اتجاه

هذي الحواري والدكاكين العتيقة
هذي المباني القايمه وسور الحديقة
كل شي ٍ لي وصفتيه
قد وصلته وقد عرفته
إلا وجهك ما عرفته
إلا صوتك ما اخترقته
ويا ترى إنتي سراب ٍ أو حقيقة

اظهري لي
وفي عتيم الحب قومي واسهري لي
انثري شعرك على أكتافي وغني
وخلي إحساسك يغني
خلي أنفاسك ترّقص كل نسمه بداخلي
وتغمسني فـ الحب العفيف من أولي لين أخري

خليني أنسى بك
عذابي واكتئابي وحيرتي
يا كل حظي
بدنيتي وبقصتي وبسيرتي

يا نور عيني وظلمتي
يا صمت صوتي وكلمتي
يا شعري المسكوب في كاس الهوى
لو ني شربتك ما ارتويت
ولو ني تركتك بك ظميت
قلبي بحبك أنكوى في كل لحظه وكل دقيقه

اظهري لي
ما أبي بعدك مواعيد
غيرك إنتي ما أبي
لا تحبي وتكذبي

الشوق فـ عيوني كثير
ويكفيني منك نظرتك
وإحساس فيني برغبتك

يا إنتي يا طوق النجاة
أنا عيني في كل اتجاه
هذي الحواري والدكاكين العتيقة
هذي المباني القايمه وسور الحديقة
كل شي ٍ لي وصفتيه
قد وصلته وقد عرفته
إلا وجهك ما عرفته
إلا صوتك ما اخترقته
ويا ترى إنتي سراب ٍ أو حقيقة