غزل غزل

[فايز بن جبيل]

نهاية اول الدربين !


حظيظ اللي نسى ولا حظيظ اللي ذكر عينك ؟

انا اقول الحظيظ اللي ابد ماشافكم بالعين

انا احيانا" اقول اني حظيظ" بلــمس ايدينك

وانا احيانا" اقول اني حظيظ" مالمستك زين

مدام انك حبيب" لي انا ما اقوى على زينك

وانا ماقوى على فرقاك ولاني راضي الحلين

دخيلك كان لي عنك طلب لاتبذر ســـــــنينك

قبل لا تنبت اجروحك دخــــــــيلك لاتبل الطين

ابي اضمى ولا ينبت غلاك ويرتوي طينك

دخيلك ما بقى خله خــــــــيار وكلهن جرحين

لو يطول بي اغـــــيابك انا مابي عناوينك

اضيع ولا قـدرت اصــــــل نهاية اول الدربين

حظيظ اللي اذا شــــافك تعوذ من شياطينك

ذكر ربه على ماشاف جمال" ما انخلق لثنين

حظيظ اللي ذكر ولا حظيظ اللي نسا لينك

انا اقول الحظيظ اللي ابد ما شــافكم بالعين


وســــــــــــلامتكم

 

[صالح الحريري]

ونحن في مدارات الحظ ...
حين نقرأ هذا الشعر المنسكب من شلالات الغزل ...!


دمت بألف خير

 

[عبدالله العويمر]

فايز
صَحْ لسَانك
دُمت بخير

 

[فايز بن جبيل]

المشاركة الأصلية كتبت بواسطة صالح الحريري

ونحن في مدارات الحظ ...
حين نقرأ هذا الشعر المنسكب من شلالات الغزل ...!


دمت بألف خير

ياهلا ويامبرحبا وانا الاسعد بمرورك وسرورك
لاهنت

ولا خلا ولاعدم

تقبل كل الموده

ودامك الله بالرضى

 

[فايز بن جبيل]

المشاركة الأصلية كتبت بواسطة عبدالله العويمر

فايز
صَحْ لسَانك
دُمت بخير

صح بدنك وهلا بعبدالله

ودمت بخير ورضى

كل المووده

 

[فاطمة ناصر]

السلام عليكم ورحمة الله وبركاته
* *
مساء الوردْ /

ابي اضمى ولا ينبت غلاك ويرتوي طينك
دخيلك ما بقى خله خـــيار وكلهن جرحين

لو يطول بي اغــيابك انا مابي عناوينك
اضيع ولا قدرت اصـل نهاية اول الدربين

ابدعت وامتعت صح قلبك وفكرك
ودي وتقديري ..

 

[نايف السميري]

.
.
جميل / يافاير ..
نص اتى شعر ..!
.
.
كن بخير ..



تحاياي

 

[ماجد العيد]

جميل و مبهر و حضور الكلمة فاتنٌ جداً يا فايز

و أؤمن أني قرأت شعراً له من الزهر باقة فشكراً يا فايز