رحلة الى عالم الأشجان !

[فهد الماجدي]

.

.

ياسيّد جروحي ..
ومناي ..وغربتي ..
ياطعنتي ..و ياخنجري..
تعال شف ناظر عيوني ..
ماسكنها .حد غيرك..
من امانيها تعاني..
وانت ياسيّد ..دموعي .. ومحجري..!!

*

*

ياسيدي ..
ياسيد الليل..ياجنح الظلام..
يافاتك ستار الجروح..
وسيدها..
يامدينه مابها سكان وانوار وسلام .!!
منها .. جالي ..
على الاقدام حافي ..
خنجري غربه ..وطعنات اللئام.!!

*

*

ياسيدي ..
انت الغريب اللي ينوح بغربته شوق وحنين..!
ومن سنين .!
وانا على جور المدينه.. باكي بصوتي انين..!
وانا احدد خنجرك ..ياسيد جروحي ..
ياصباح ٍ ماتمرّه شمس ..في اضحى صباح..!
لاصباحه ليل.. ولا ليله صباح..!
يشتتني ..
يبعثرني ..
ويجمعّني ..!!
ويكسرني..
ويجبرني..
وينثرّني..!!
وانا جالي غريبٍ مستباح .. !
اصرخ اّلمّ واقف عزيز ونازف ٍ بجراح..!
وجع وانوح..!
والدمع بحداقي ..!
لِين انثنت ساقي ..!!
..وانا مجروح....!

.

.

غنا الحمام الـورّق بيـن البساتيـن
...............وباحت دموع العين ..تذرف حزينـه

اخلاقهـم لصحـاب واقرابنـا شيـن
...............وخواطر احبابي علـي حيـل شينـه

وانا اكثر جروحي ..من اسباب غالين
...............وجرح الحبايـب ملتهـب ..داملينـه

ياعيـن لاتبكيـن ياعيـن تكفـيـن
...............يادمعة النفس العزيـزه وعينـه..!!

.

.

ياسيدي ..
والله تعب .. ليت الاماني.. صادقه.
تنفع ولو هي ثانيه..
مثل الخواطر والمشاعر.. والنثر ..!
لا شافها المهموم غناها.. ودمعه منتثر ..!
.. والحزن عشقه كل قلب ٍ داخله نوح وصياح ..!
والرياح العاتيه ... هبت مع ترب.. الرياح .. !
ماتشوف العين لو شمسك شروق..
.. الله يعين قلوبهم لامن هدى ليله سرى .!
عاني وطاهر قلبهم ... وابيض من البرق ان سرى.!
ماباقي الا منه شويه ..وضيّ ....ْيعيش به ..
وهي وحدها ماتختلف ..!!
قلوبهم..!
..كل الجروح ..!
الوافيه الي بهم ....؟!
لو تفترق .....اقلوبهم
..متشابهه..!
صدورهم متشابهه .. وجروحهم..
.. نفس..الجروح ..!
ماله ولا له غير ربه يرحمه ..
وحده ولا غيره شريك ..

.
.

نامـن ببعثـه اِلـى متـنـى
...............في يـوم والنـاس عريانـه

في رحمته... نلقـى .. راحتنـى
...............وبصـدق.. توحيـد.. وايمانـه

هـو غافـر الذنـب لا ذنبنى
...............الـهــادي الله سبـحـانـه

*

*

ياسيدي ..
ياحارس الليل البهيم..
ياعنفوان الجرح ..
ياجرحي الدامي سقيم ..!!
لاجيت تغرس خنجرك ..
في جرحي الدامي ..على مهلك اهيم.. !!

*

*

ياسيدي ..
والله اهيم ..
والله يعين . المغترب في ديرة ٍ ماله قريب ..!!
وما لجرحه.. لاحبيب ولاطبيب .!!
ايوا نعم..
. هو ليه انا لوحدي هنا ..
واروي القلوب الوافيه كاسين من دمعي ..وفا ..
:
وهو لييييييه نكران القريب .!!

*

*

ياسيدي .
ليه العنا .!!

ليه اللقا اصعب من الجرح ان شقا .!!

ليه المسى عاف اللقا..!!

اوكيه لي من كم سنا

ابكي بوفى
ودموع عيني محرّقا..

وابكي شقا..

هو لييه طعناتي قريب.!!

او ليه هجران الحبيب.!!

*

*

ياطير لي قصه ..وحكايه.. مـع الـدوح
..................مادري على خبري ..مكانـي .. مكانـي
اشتقت له ياطير ..في ..خاطري . بوح
..................عيني بها عبرّه .. وقلبـي ... يعانـي
ضاقت بي الدنيا ..وانا حيل .. مجـروح
..................يغيب جرح .. ويندمل..جـرح ..ثانـي
والوقت كنـه لااق ..مـاوالله ..يـروح
..................حتـى الدقايـق .. ثابتـه .. والثوانـي
احيان .. صدري يقتل ..الصمت. ويبوح
..................واحيان . صمتي .. يشتعل .. بالمحاني
طعن القرابه.. كنها.. نزعـت ..الـروح
..................وطعن الصداقه .. هم بعد .. مـا.خلاني
ياطير انا..مليت ..من قول ..مسمـوح
..................وانا ادري . ان اللي ..رماني .. رمانـي
طير الوفى ..شفته..على الدرب ..مذبوح
..................وفاقت ..دموع العين .. حد ..المبانـي
مثل السراب اللي ..على طارف.. الصوح
..................صوح ..وخلا ..قفرّه .. سمومه..كلاني
ياطير وّصل.. اعذب الشوق .. للـدوح
..................واحجز..مكاني ..لاحد ..ايـجي ..مكاني
ونات ..صدري ..تنـتهد ..لحّنها ..نوح
..................اي من جميع ..الناس.. قلبي..يعاني !!

.

.

ياسيدي .

احيان احس .. اني

محلق بالسما ..!

بين السحاب الممطره.

ابكي مطر ..!

حر ونثر .!

واحيان احس ..اني

انا.؟

ماني انا ..!!

*

*

عزيـز نفـس وخاطـري مابعـد طـاب
....................... لـو انجـرح مالـي مـكـان بحيـاتـي
لي ماضي ٍ يشعف خفوق اللذي خاب
....................... بينـي وبينـه عـهـد يجـمـع شتـاتـي
لـو التفـت يمـه وانـا حيـل منـصـاب
....................... لـه عـبـرت ٍ تمـلـي زوايــا جهـاتـي
يكفيني ان بقلبـي احبـاب وصحـاب
....................... دوّنـتـهــم بـعـمـاقـي وذكـريـاتــي
من دونهم عيني وهـم فوقـه حجـاب
....................... لو ضقت .ضاقو.واِدمعو وسـط ذاتـي
عـدت سنينـي والقمـر مابعـد غــاب
....................... عـدت وهـي عبـره تـزلـزل شفـاتـي
لي هاجـس ٍ لاضـاق عشـاه مخـلاب
....................... ولاجيـت ابرهـن للضغيـنـه صفـاتـي
عزيـز نفـس وخاطـري مابعـد طـاب
....................... لـو انجـرح مالـي مـكـان بحيـاتـي

.

.

ياسيدي..

هذا الحنين ..!
:
اللي شطبني من سنين ..!!

احس به ..

وابكي انين..!!

وشعاد لو باقي ..!

من دمعة احداقي .!

.

.

 

[فهد الماجدي]

,

لك الله مابقا شـي ٍ ليـا ضقنـا نرجـه رج
ماغير اكتب لي بيوت ٍ على الطاروق واهرجها

وحيد ٍ مامعي الا.. قلـم ساكـن بـأول درج
اجاريـه ويجارينـي .. اِليـن الله يفرجـهـا

نهيض بليلة ٍ دلجـا سمـوم ٍ كلبوهـا عـج
واذا بان الشروق ..ادموعنا بالحيل ندرجهـا

يقولون الورق ماعاد هو وافي بوقت الصـج
وانا اقول السبب ناس ٍ من الكتـاب هججهـا

يقولون ويّكبون الحقيقه لـوّ دروبـه صـج
وفي لحظة غضب والا هوى ضاعت مفالجهـا

يعين الله لياضاع الأمن بيـن الشطـور ودج
ويعين الله لياّمـن الامانـه ضـاع منهجهـا

لك الله مايطوفوني وانا ماشي علـى منهـج
سليمٍ وناضج ٍ فكري علـى الملـه مبرمجهـا

انا عنده وانا رده وانـا حـده /ولالـه فـج
وانا لده وانا ضـده \وذالاشكـال نحرجهـا

وعلى الخلان رديه سلامـي للعيـون الدعـج
حبيبي وصاحبي وافـي ترفرفلـي بيارجهـا

نعم وافي وهو غالي حبيبي بالحشى لك بـرج
على بعد الثريّه,, سكانن جوفـي ومبهجهـا

وختام المسك والعنبر عدد من طاف مكه حـج
ومـن لبـا لوجـه الله بداخلهـا وخارجهـا

,

 

[فهد الماجدي]

’


على شاني ..على غْصانه.. تغنّـا بلبـل الـوادي,
وانـا لـولاي ..ماغـارد .. بأشجانـه ..ولا غنّـا,,


,

 

[فهد الماجدي]

 

[فهد الماجدي]

.
.
هيّضت الاشجان يالوافي لماضينـا
ذكـرى جميلـه وللايـام.. دوامـة

دارت بنـا وابعدتنـا عـن غالينـا
محلا مرابع بهـا ذكـراك وايامـة

والحين ياصاحبي كثـرّت خطاوينـا
شاعر ومن كثر حزنه كسّر اقلامة !

,,

 

[فهد الماجدي]

,,




من على شاطي مدن .. غنيت والقريه حزينه
واِنـشدن كل الطيور اللي بها / حزن وأغاني


بلل الدمع المناظر .. واِدمعت عيـن المدينـه
واِنـغشا بعيونهم لين .. انتثر بحر وموانـي


(اواه ياحزن المدينه) ..والمراكب والسفينـه
والشراع اللي يرفرف من عنا الفرقـا بكانـي


مابخل نهاّمها.. يسحب بها المغنى .. وعينه
تذرف \ وحامل من اوجاعه الّم للموج عانـي


اشـيصبّر مرهف الاحساس والعمران شينـه
مايبي غير الطيور .. وشاطي ٍ ريحه جنانـي


في غروب الشمس .. والامواج يغشاه السكينه
منظر ٍ يسوى المتاجر.. من ذهبها والاوانـي


قرية ٍ ماعاش فيها الزور.. كلن مـن يمينـه
يكتسب \ رب ٍ رزقها / يوم للغـواص شانـي


سبع بحر ٍ مايهاب البحر والقـرش وقرينـه
مايهاب الموت بيّاع العمـر \ والعمـر فانـي


واعذاب القلب لامنه.. رحـل .. شـدّه انينـه
كل ماهو حل طاري .. شاطي القريـه يعانـي


من يلوم العين .. والدمعه لها ذكرى حنينـه
من يلوم القلب لا صار المفـارق مايدانـي !





,,

 

[فهد الماجدي]

.

يامدينة !
علميهم كيف كانت..؟
غربتي بين المدينه !
علميهم كيف كانت ..؟
زحمتي بين الميادين الحزينه..!
كيف كان الشاعر المغبون ؟
بعيون الضغينه ..!
علميهم يامدينه !


كيف كان ؟
الذل بعيون العزيز..!
وكيف كان ؟
العز بعيون الذليل..!
وكيف
الاحزاب ْتوالف لجل عينه ..!
علميهم يامدينه..!


شاعر ٍ
ماقد تسوّل
في حياته قصيده..!
ماتسوّل من
شيوخ الدار ..بابيات وقصيده..!
عزته ماقد ثناها ..؟
لجل مال من الرزايا..!
لا ولا يطرد وراها..؟
للدراهم والعطايا !
علميهم شاعر ٍ
هو كل مافي ..
داخله هم ٍ دفين..!
ويرسم زعاجه
على شعِره حزين..!
وينصر احساس اليتيمه..والحزينه ..!
لابكت ماحد رحمها ..!
لاشكت ماحد سمعها ..!
ياكلون حقوقها قدامها ..!!
ويتغاضون وتموت من الغبينه ..!؟
والغريب
اللي انزعج
من ظلم
جور اهل المدينه..!
علميهم يامدينة !



.
.

 

[فهد الماجدي]

كلن توسـد علـى ديبـاج
وراع الهوى والع سراجـه

:

:

لو للهوى منفـذ ومخـراج
ماعاد لي بالهـوى حاجـه !