بعض بعضي

[علي المبرد]

[POEM="font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


بسامحـك لاتضيـق وينشغـل بـالـك=مانـت اول انسـان بالدنيـا يعـذ بنـي
ماني سبب جرح حرمان الغـلا هالـك=عـادي علـى نـار هجرانـك تقلبنـي
راح اكثـري ماتحسـرتـه ويفـدالـك=اللي بقى من بعـض بعضـي متعبنـي
اعمل علـى ماتبـي تعمـل ويحلالـك=تكتبنـي بـد فتـر ايامـك وتشطبنـي
ماكنـت الاول ولاكنـت آخـر امالـك=تقـدر علـى مايبـي قلبـك ترتبـنـي
ماعاد يفرق معي 00هجرانك00اوصالك=انسـاك والا اذكـرك مابيـك تطلبنـي
ذر الرماد بنظـر مـن بالغـلا شالـك=مادمت ماجيـت مـن شانـك تطببنـي
لاصار ماني قريب,ن, لك على حالـك=مابيـك شفقـه علـى حالـي تقربنـي
صوت الغـلا ماسمعتـه يـوم نادالـك=تشـوف حالـي ونظراتـك تجنبـنـي
صحيـح قلبـي نزعتـه راح يبـرالـك=يومنك اقفيـت وجروحـك تصاحبنـي
ارقص على نغمـة اشعـاري هنيالـك=قـدرت قبـل اكتشـف زيفـك تذوبنـي
عندي رجا واحد وغيـر الرجـا مالـك=لامـن رثيـت الامانـي لاتحاسبـنـي


[/POEM]