جناحـين الغـراب

[عبدالرحمن السمين]

السلام عليكم ورحمة الله وبركاته ,
وأسعد الله أوقاتكم متواضعه جداً أتمنى لها القبول ....
.
.
.





[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لا تعاتبنـي علـى الصـد وأسبـاب الغيـاب=شمت عن فـرط العلاقـه ونوخّـت البعيـر
أتسيجـج عنـك وأحـث للفرقـا الـركـاب=وأتغانم فرصة العمـر فـي الوقـت الأخيـر
وأتخيّل وحشـة الليـل ف/ عيـون الذيـاب=وأتسـاوى للمسـاري وانـا مانـي بخيـر
وأتغافل عـن ظـروفٍ لهـا مليـون بـاب=مثل من ثلّمت سيوفه ضحـى اليـوم الكبيـر
راحت أحلام الليالـي علـى متـن السحـاب=وأنتهى وقـت التسلّـي بعـد صـاح النذيـر
الصبر ماعـاد يمديـه عقـب العـزم شـاب=والله أعلم وش بعدهـا مـع الدنيـا يصيـر
وهييه ياللي فـي محاويـكِ مـا لـذَ وطـاب=آه لو تدري وش اللي قطـع سلـك الحريـر
المحبـه فالخفـا مـا وراهـا الأ الـعـذاب=والتصـادم فـي المفاهيـم شـرٍ مستطـيـر
داريٍ والله يسامحـك يـا دمـث الجـنـاب=لو خفت صوت الهوى ما خفت صوت الضمير
كيف تروى وأنت عينك لضحضاح السـرآب=ما قنعَـت مـن الحقيقـه وتحديـد المصيـر
مانشدتـك لجـل أبـرّر وأدور لـي جـواب=الزمـان يطيّـر اللـي جناحـه مـا يطـيـر
أحسـب حسـاب المقابيـل لا قـل الزهـاب=وأوصّد أبواب المشاهـي وفكّـر وأستخيـر
من غـدر مبـداه وشلـون تستّـره الثيـاب=ومن زهد لله ما يطمـع ف/ بشـت الأميـر
خلهـا نقطـة حبـر فـي جناحيـن الغـراب=وأذكر أن اللبْ يغنـي عـن الشـيء الكثيـر
الخطا مايستـر العقـل لا ضـاع الصـوآب=ورجل ما يتعب على الطيّبه ما فيه خيـر ...! [/poem]




.
.
.


وسلامتكم

 

[احمد بن سارح]

اخوي عبد الرحمن

واذكر ان اللب يغني عن الشي الكثير

كل بيت منها يكفي عن قصيده


امتعتني فلك ودي

 

[أنثى جموح]

[poem=font=",5,indigo,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الـصـبــر مــاعــاد يـمـديــه عــقــب الــعــزم شـــــاب=والله أعــلــم وش بـعــدهــا مـــــع الـدنــيــا يـصــيــر
داريٍ والله يـســامــحــك يــــــــا دمــــــــث الــجـــنـــاب=لو خفت صوت الهوى ما خفت صوت الضمير
مــــن غــــدر مــبــداه وشــلـــون تـســتّــره الـثــيــاب=ومـــن زهـــد لله مـــا يـطـمـع ف/ بــشــت الأمــيــر[/poem]

,

صح لسانك أخوي عبدالرحمن
صور صور صور = جناحين الغراب

احترامي

 

[عبدالرحمن السمين]

احمد ,
صح قلبك ولا هنت ,
كن بخير يا غالي ,

 

[منتهى القريش]

عبدالرحمن السمين

يكتبه الشعر بأحلى الصور ..

شكرا لهذا الصباح الشاعري وأنت ..

ودي ووردي ..

 

[عبدالعزيز الرميحي]

من غـدر مبـداه وشلـون تستّـره الثيـاب
ومن زهد لله ما يطمـع ف/ بشـت الأميـر

خلهـا نقطـة حبـر فـي جناحيـن الغـراب
وأذكر أن اللبْ يغنـي عـن الشـيء الكثيـر

الخطا مايستـر العقـل لا ضـاع الصـوآب
ورجل ما يتعب على الطيّبه ما فيه خيـر ...!

لله درك يا عبدالرحمن

دائما راقي

 

[كريمه السالمي]

راحت أحلام الليالـي علـى متـن السحـاب
وأنتهى وقـت التسلّـي بعـد صـاح النذيـر
الصبر ماعـاد يمديـه عقـب العـزم شـاب
والله أعلم وش بعدهـا مـع الدنيـا يصيـر



دائماً أنيق وقصيدك يحمل بين طياته الحكم

صح لسانك ملايين

 

[ميسون الرملاوي]

المحبـه فالخفـا مـا وراهـا الأ الـعـذاب والتصـادم فـي المفاهيـم شـرٍ مستطـيـر

أمل مذبوح داخل ألم

والمسمى //

هكذا الحياة

الألق / عبد الرحمن

تشرفتُ بمعانقة أحاسيسك