!!..( الحلم القتيل )..!! صوتيـة ..

[عبدالعزيز الدهمشي]

بسم الله الذي لايضر مع اسمه شيء ..

أحبتي ..
عمتم صباحا/مساءا .. ودوما بخير ..

جديده .. لها شرف مروركم واطلاعكم ..

صلوا على النبي ..

بالصــوت:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
يابندر الليل همّ .. وكل همّ إغتراب = وانا لي سنين متغرّب .. وليلي طويل
رحلْ بي الليل لين اني ولفت الغياب = وصار بعيوني حياة.. ودرب عمر.. وسبيل
مشيت بين الدروب السود .. حزن وعذاب = وصلت .. لكن عرفت ان النهاية رحيل
نسيت كل الوجيه .. الا وجيه العتاب = وعرفت بالضبط وش معنى الحضور البخيل
وايقنت بأن السؤال اللي بليّا جواب: = " ليه الحزن دوم بقلوب الخلايق .. اصيل؟ "
يابندر سنين .. وضلوعي هشيم وخراب = ماكنّ فيها ثرا غالي .. وقلبٍ نبيل ..
لو يفتح الصبح في صدري من النور .. باب = مارحت ادوّر تحت نور الشوارع مقيل
عجزت اردّ الاماني .. عن متون السحاب = لين رجَعَتْ لي وهي حُبلى بحلمٍ قتيل
يابندر الوقت صوبني بحلمي .. واصاب = وتركني آهيم بجروحي بليا دليل
وألبس من احلام غيري كل ليله ثياب = واقول ذا حلمي لبكره .. ويطلع هزيل
تعبت اكذّب واقول ان الخطايا صواب = واشرب هماج الزمن واقول ذا سلسبيل
نعم كسير وتعبت من الصبر والسراب = وفقدت حلم.. ورفيق.. وشلت حملٍ ثقيل
لاتحسب إنّ إنكسارك في حبيب وغاب = مثل انكسارك بحلمٍ كنت ترجيه حيل
كنه طفل انولد توّه .. وفي يوم شاب = ماعاد هو مثله البارح .. وجهه جميل
يابندر انت القريب .. وكلنا من تراب = لاتشغلك كثرة جروحي .. وهاك الحصيل:
لاتحلم بأي شي الا وحاسب حساب = ولا ترخص احلامك لغيرك ولو هي قليل
وأعرف بأن الصديق كتاب .. واصدق كتاب.. = اللي حروفه بياض .. وفهرسه مستحيل
ولا تجافي وفيّ .. ولا تسنّ الحراب = ولا تبيّن عطاك .. ولا تشيل الغليل
ولا ترجّى من اليمنى الشحيحه ثواب = ولا تحقر المشاعر لو تجي من هبيل
واحذر ترى اقسى الطعون .. من اليدين العِذاب = ولا تسوق الغرام لكل طرف كحيل
هذي نتيجة سنين.. وتجربه.. وإغتراب = ماهي نتيجة فراغ .. ولا سواليف ليل
خذها نصيحة محب .. وخلني للغياب = اعيش به مابقالي من رحيل لرحيل ..[/poem]

محبـكم ..
عبدالعـزيز ..
الثلاثاء 5 ربيع الأول 1432

 

[وليد الفالح]

وأعرف بأن الصديق كتاب .. واصدق كتاب..

اللي حروفه بياض .. وفهرسه مستحيل

عبدالعزيز الدهمشي

كان لي شرف الحضور الأول
مبدع ياعبدالعزيز

مودتي

 

[همس الحنين]

احتجت للحظات حتى أفيق من اثر القصيدة
و أدون ردي المتواضع
هنا
كنت حرفاً أشبه بالمستحيل
مرور متواضع

 

[بندر الصقر]

الله الله الله ياعبدالعزيز .. !

هذا النص مختلف جدا وهذا النبض موجع جدا ,
كل بيت هنا حكاية من وجع ..
جميل جدا ولا أملك من الكلمات مايصل الى إعجابي ..

شكرا يا عبدالعزيز ..

 

[فاطمة ناصر]

الْلَّه الْلَّه الْلَّه
هَكَذَا شَعُر يَغْسِل الْرُّوْح مِن وَجَعِهَا ...
لِقَلْبِك / الْوَرْد مُعَطَّرَا وَأُمْنِيَات جَمِيْلَة

 

[عبدالعزيز الدهمشي]

وليد الفالح ..

بل الشرف لي ولقصيدتي مرورك الكريم ..

من الاعماق شكرا لك ..

 

[فيْصَل الصَقّار]

عبْدالعَزِيْز وكَأن ..
الحَال فِي وَجْه الفَرَح يَصْرُخ مِنْ أنْت ..!

كِلّك شعِر ..

 

[عبدالعزيز الدهمشي]

همس الحنين ..

اسعدني مروركِ الكريم بلا شك ..

من الاعماق شكرا لكِ ..


ودمتي بخير