قبل لاتروح ...

[بندر الصقر]

[poem=font="mudir mt,5,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
قبل لاتروح أخذ الجمل وأخذ معه الشور=من اللي زهد خاطرك في قلّه وكثره
وفالك جبلّة لا تصنّع ولا مجبور=ولاينتظر تأييد قلبك ولا شكره
حَدَيْتِه على درب القطيعة وهو محذور=ومشى الدرب تدفعه الكرامه وهو يكره
تعلّم ترى بكره يجيك ويجيك الدور=وتصحي بعد سكرتك وتزورك الفَكرَه
تعلّم من أخطائي بعد ما انكشف مستور=تراي استويت من الليالي وخذ فكره :
انا الحزْن في عين ارملة قلبها مكسور=ملكها الحنين لأمس والخوف من بكره
رحل من يمنّيها فـ بكره ( ذهب وقصور )=واذا زاد جور الوقت يشرح لها عذره
رحل تاركٍ في حضنها طفل ( ست شهور )=تضمّه ويرضع حزن من صدرها صدره
تنادي يجاوبها الخوا اللي سكن بالدُور=تلفّت تشوف اللي يحرّض على ذكره
مكانه , كتابه , مكتبه , صدمته للسور=حنينه , جنونه , وانفعالاته وكسره
ووعده يعوّضها قلم كحلها المكسور=فساتينها , المكياج كلّش على خبره
هذا الفقد يهديك الظلام ويكفّ النور=وهذا الحزْن مثل الموت له نزعه وسكره
[/poem]

 

[هـيـفـااللاّفـي]

,’
{.. بندر الصقر
وشعر مع مرتبة الغيم

.
.
دمت جميل

 

[ميــرال]

حزينه يابندر وموجعه والله
عميقه ببساطتها ومؤثره جداً
تقديري لقلبك وللشعر

 

[نوف سعود]

هـــــــذا الــفــقـــد يــهـــديـــك الــــظــــلام ويــــكــــفّ الــــنــــور
وهـــذا الــحــزْن مــثــل الــمــوت لــــه نــزعــه وســكـــــــــره
.
.
الله عليك ..
وخالقي بيت يكفي عن ألف قصيدة ..!
عميييق جداً بيد انه يحوي الحكمة ..
صح الله لسانك الاخ القدير / بندر الصقر ..
تقديري وتحيه ..

 

[خالد الداودي]

الانيق بندر الصقر

بإختصار هذه القصيده تقول :- انت شاعر يحترم القصيده
وقلة من يحترمها ويضعها في تلك المكانه العالية التي تجعل الكل يحدق فيها بإعجاب

شكرا لك هذا الماء

خ

 

[نايف السميري]

وفــالــك جـبـلّــة لا تـصــنّــع ولا مـجــبــور
.................. ولايـنـتـظــر تـأيــيــد قـلــبــك ولا شــكـــره
حَدَيْتِـه علـى درب القطيعـة وهـو محـذور
................... ومشى الـدرب تدفعـه الكرامـه وهـو يكـره
-------
وهنا كان الشعر عميق وباهي ويأخذك
لمساحات ارحب من الشعور ..!

رائع/ يابندر ..


كن بخير ..



تحاياي

 

[ماجد العيد]

هدوء هذا الحرف ثقة في بلوغه المراد من اخضرار ..
و أنت حين تكتب يا بندر يكون للحرف معك ومضة أخرى ..
و يكون للشعر كساء ربيع ..
أشكرك جداً يا بندر ..

 

[بندر الصقر]

المشاركة الأصلية كتبت بواسطة هـيـفـااللاّفـي

,’
{.. بندر الصقر
وشعر مع مرتبة الغيم

.
.
دمت جميل

هيفا , ومرور ينثر الجمال

شكرا لكِ .