دلعك وتغليك !

[نواف الغريّب]

[poem=font=",6,royalblue,bold,italic" bkcolor="transparent" bkimage="http://www.ab33ad.com/vb/mwaextraedit4/backgrounds/48.gif" border="double,4," type=1 line=1 align=center use=ex num="0,black""]

نعم أحبك يا حياتي واداريك = ما هو غلط ... والمبتلى تعذرينه
نعم أنا في كل وقتي مصافيك = بلي تحبينه وما تكرهينه
أجاملك واهوى دلعك وتغليك = واحزن .. ولا في يوم اشوفك حزينه
جيتك وانا بايع زماني وشاريك = جيتك وانا روحي من أجلك رهينه
ما فيه لا مثلك ولا من يحاليك = وين الذي يقدر يحاليك ... وينه
الله يحبك يا حياتي ومعطيك = ومن يستطيع يحول بينك وبينه
سعادتي وياك... يسعد لياليك = روفي بحال النوخذة ياسفينه
جوارحي تحفظ نداك وتناديك = بالله هذا الصوت ما تسمعينه
ينده من الأعماق بإسمك وطاريك = هو يعرفك .. وانتي بعد تعرفينه
ترخص مدينه كاملة لأجل عينيك = ترخص لوحده من عيونك مدينه
تدرين... لاحبيت اشوفك ألاقيك = الصوره اللي في عيوني دفينه
تدرين... احس إن الغلا ما يكفيك = واحرقت نفسي بالغرام وسنينه
تدرين... أحب أزعلك لأجل أراضيك = وأحب اجيب العذر ما تقبلينه
ارجع واجيب اصدق تعابير واهديك = تعبير واحساس الغلا... تذكرينه
اجمع شعوري وانثره بين اياديك = ومن طيب قلبك... قلبي تسامحينه
دنياي في قربك ما هي في تجافيك = ما فيه دنيا في غيابك ثمينه
يوم الرحيل إن كنت ابرحل واخليك =للي يجي دايم بوقته وحينه
ذاك الفراق ... الله يجيرك ويحميك = إلا فراق الموت .. ما تقدرينه
خليني ابحر في عيونك وما فيك = وانتي بعد سوي على ما تبينه
هذا الهوى وأظن ما هو بخافيك =ما تمسكينه في يدك... تشعرينه

[/poem]

 

[فهد الغبين]

الغالي نواف


صح السانك ولاهنت


دمت بود

 

[غنى طارق]

،*

الجميل نواف .. صح كلك و سلم قلبك
أبيات بقمة الروعة

 

[عبدالإله المالك]

الشاعر / نواف الغريّب

قصيدة ذات أبعاد شجونية وجماليات آخاذة

سلمت ودام صوتك شعرا

 

[ناصر العلي]

الله الله يانواف
رائع هذا النص

 

[تفاصيل منسيه]

نواف الغريب
و
صح لسانك ملايين
على هذه اللأبيات العذبه
تقبل مروري
أيها الشاعر
دمت بود

 

[نواف الغريّب]

فهد الغبين ..
صح بدنك ومرورك اسعدني كثيرا ..
شكرا من القلب ..

 

[نواف الغريّب]

غنى طارق ..
تحياتي لسوك الكريم وصح بدنك والاروع كان مرورك اختي الكريمه ..