خليل أنا عندي حكي

[سليمان المانع]

[poem=font=",6,,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
خليل انا عندي حكي يفضـح نهايـات الرحيـل =بس القدر مد الضيـاع وخـان الجـواد بفارسـه
لايخدعك وهج الطموح طريقنـا مضلـم طويـل=مثل القمر وجهه قريب لاكن صعيـب تلامسـه.!
نزرع مواسم من امل وتحصد مناجـل مستحيـل=والبيدر الحلـم النبيـل اللـي يبوقـه حارسـه .
هذا هو الواقع مـرار لاتحسـب الشاعـر ذليـل=الموعد الوهم بمطر من قبـل نظمـه دارسـه .
زيف ملك ربعي سنين , جيل عطا الكذبة لجيـل=نستودع الغيمة عجـوز وبكـرة تجينـا آنسـة .
شف ضحكتي ماهي فـرح لا ولا صبـر جميـل=اضحك قهر مجبور ابوس خد السنين العابسـة .
في عصرنا باصطبلها مايطرب الخيـل الصهيـل=وانـا وبعـض الخيـول اهمومنـا متجانسـة .
لبست بشت حكايتي عن نسمـة الفجـر العليـل=مليت ادور عن ربيع بارض الجفـاف اليابسـة .
يعني فهمت اش مقصدي , مالي بهالرمضا مقيـل=لوما شعور في رجاي باقصى ضلوعي حابسـه .
احبها وين الهـروب ياعضـدي الايمـن خليـل=دام المكان اربع جهات وعيون قمـرا خامسـة .
هنت وتغربت وغديت شعر وهوى وجسم نحيـل=وصرت احسد الطفل الصغير اللي تحب تجالسه .
بعيونها زناد الغموض اشعل ضمااحساسي فتيـل=مرة اتأمل خافقـي ومـرة بصـدي تحامسـه .
صارت هي الرمز الوجود لامالت الدنيـا تميـل=صارت هي الصوت الحياة حتى القصيد تنافسه .
ترسم لي اليمنى نهر تزرع لي اليسـرى نخيـل=تبحر بنظراتي شمـال دور الحكيـم تمارسـه .
وانـا قنعـت بمدهـا دام الزمـن معنـا دخيـل =ولازلت اهيم من الوله لاجل ... بضحكة هامسة .
[/poem]

 

[فهد الماجدي]

اهلا بالشاعر الجميل المركز بالاحساس المعتّق وطويل القامه الشعريه.!

,

صح السانك ولاهنت يالغالي سليمان.

التحيه والاحترام

,

 

[نادرة عبدالحي]

ترسـم*لـي*اليمنـى*نهـر*تـزرع*لـي*اليـسـرى*نخـيـل تبحر*بنـظـراتـي*شـمــال*دور*الحـكـيـم*تـمـارسـه*.
......
......
.......
......
.....
كل سطر في القصيدة له إتجاه يلتقي بالسطر التالي
شقيقه يخاف عليه يضمه ويصير البوح واحات تريح المسافر والقلق من هم دنيا
يصير البوح واحات مرتع الطير والمهاجر والعليل
يصير البوح وطن كل مغترب يتوق لمولده
الشاعر ذو البوح الرشيد سليمان المانع
أسال الله يديم صاحب البوح واللي ملهمه

 

[خلف المهيلان]

قلت لك يابومانع تكتبني القريب من القلب والنبض الصادق بشعوره الشاعرالحقيقي:
سليمان مازال ديوان الغربه عندي وبعض دواوين الانقياء ولكن ديوان الغربه وجدت نفسي فيه وياشينهالاصرت بني اختيارين مستقبلك ولا حبيبن توده القريب من القلوب النابض بالصدق وتضاريس الغربه وجع المعناة كل الشكرلتواجدك هنا ومنحنا قراءتك هنا كن بخيرياجاري العزيز وإذا سمحة الظروف بتشرف بزيارتك واسمع مطر روحك عن قرب

 

[أمجاد محمد]

شاعرنا الجميل كل ماقرات لك نص تزداد دهشتي واعجابي بحرفك
شكرآ لك قد السماء

 

[زكيّة سلمان]

شـف ضحكـتـي مـاهـي فــرح لا ولا صـبـر جمـيـل أضحك قهر مجبور ابوس خـد السنيـن العابسـة .


قصيدة جميلة جداً ..

 

[عبدالإله المالك]

هنا الشعر يتجلى كمدرسة مستقلة متفردة بكل ذاتها وذواتها وأدواتها

تحية لا تليق إلا بمثل صاحب المقام الشعري الأعلى

سليمان .. أنت أنت!

 

[فايز بن جبيل]

شكرا لك لتواضع تواجدك بيننا فانت الجمال المتجدد بقلوب عشاقك كبير في شعرك وكبير في خلقك

محبتي وكل التقدير