غيمة مطر

[عبدالعزيز الرميحي]

اقبح من التقصير مع قصرالنظر
ان الذي يقدر على الواجب يغيب

الحر يبقى حر والبقر .. بقر
مايسقي الظامي سراب في لهيب

لاشفت ابن عمك بعد طول السفر
ترحال عمره هده وحاله كئيب

كن له مثل وبل من الغيمه مطر
يطيب من طيب الفعول وتستطيب

ترى البناخي لو يعد من البشر
لازم يكون لوقفته وقفات ذيب

في هالزمن يغلب على الناس البطر
تلقى الصحيب ليا اغتنى ماله صحيب

يجيك كنه مالك بر / وبحر
بعيد خايب وان قرب خايب يخيب

حتى السلام اللي كتب فيه الأجر
ما ياصلك وان جاك صوت المستريب

كنه يوزع شرهة اللي بالقصر
صاحب سمو الغطرسة واللي تجيب

ماله ذكر الا قليل محتقر
ذر الرماد بعين هفوات النصيب

وان جاه ضيف يجيب له واحد نفر
واكثر حلاله يرتع بجال الشعيب !

هذاك لو يقدر على الشيخة طمر
مير انها ابعد عليه من المغيب

ما كل من قال اقدر العليا قدر
تقطع يدين القل '' لو ما الفقر عيب

القل خلا شكل باهين الصور
في مجتمع بائس من الشكل الغريب

تلقى الفقير يموت من غبن وقهر
لامن جلس ماله من المجلس قريب

عن وجهه الابلج يولون الدبر
ولا حسيب لكلمته ولا رقيب

زلة رفيقك دمحها فيه الفخر
وجهك ليا شاح الزمن واصبح مريب

بعض المعاني والجمل مثل الدرر
للغل بقلوب البشر مثل المذيب

وادهى على الجاهل من الخيبه وأمر
قلبه لنصح أهل الوفاء ما يستجيب

وأخبث شياطين البشر يحفر حفر
يغتاب والغيبة بدمه ما تغيب

غيبة لسان النذل ما عنها مفر
أكبر مفوه بالحسد واكبر خطيب

الحمق بلوى والعقل يبغى الشكر
كيف العمى لا حطو الشاره يصيب ؟

آلى بلاك الله بحمق مقفهر
اطلب من الله الصبر والله حسيب

 

[عبدالإله المالك]

ماشاء الله تبارك الله
ماقصرت أجزلت
أبيات كأنها لوحة تصوير كاملة
نصائح متوالية تترى الواحدة تلو الأخرى

يسلم الشعر وتسلم عبدالعزيز

 

[وليد الفالح]

عبدالعزيز الرميحي
شكرا لهذا الشعر والشعور
كم نحن بحاجه الى مثل هذا التذكير
تقديري

 

[نادرة عبدالحي]

إلهام ما شاء الله حكم وموعظة
صحيح كلامك شاعرنا

في هالزمن يغلب على الناس البطر
تلقى الصحيب ليا اغتنى ماله صحيب

يصاحب دنانيره الرنانة ......
نصك يا الشاعر واقع بين البشر مرير
هي حال البشر
ومتى ترجع أحوالهم الرزينه
يا زين الشعر ودياره وأهله
سملت يمناك يا شاعر

 

[عبدالعزيز الرميحي]

المشاركة الأصلية كتبت بواسطة عبدالإله المالك

ماشاء الله تبارك الله
ماقصرت أجزلت
أبيات كأنها لوحة تصوير كاملة
نصائح متوالية تترى الواحدة تلو الأخرى

يسلم الشعر وتسلم عبدالعزيز

كل الشكر لك اخي عبد الاله
دمت بخير

 

[ميــرال]

غيمه ومطر تمامأ كحضورك ياعبدالعزيز
وهذا الشعر بكل تفاصيله بالغة الشعر
مااجملنا بك وبحرفك
كل التقدير

 

[هند الشهري]

ما شاء الله تبارك الله
نص كامل وجميل

صح لسانك اخوي

 

[فهد الغبين]

فكر



حكم



وكفى