حمام الدار / بداح الشويب

[بداح المطيري]

انا ما يّنقض (جرح صدري) حمام الدار
بصوته ينوح وعارفٍ وين مخراجه

ليا ضاق صدره حط ضيقه وراه وطار
واذا مل من حومه .. على الارض مدراجه

ابي استمع منه .. وابي يسمع اللي صار
ب هوّن عليه الضيق وهموم لجاجه

انا لي ثلاث سنين من ضيقتي محتار
سجين الحزن .. ماينظر الا على افراجه

على واحدٍ بيني وبينه مغير اسوار
عطيته وحكّمته على العشق واسراجه

ظروف الزمن تجبرك مابين نار ونار
وصوفه مع فرقاه ... نارٍ على صاجه

ولاني امخيّر في نصيبي عشان اختار !!
( غصيبه ) وما رجلي على الارض دواجه

علامه ينوح ويرفع الصوت وسط الدار !!
وهو خابرٍ لا طار .... وصفه من اعلاجه

#بداح_الشويب

 

[بندر الصقر]

ولاني مخير في نصيبي عشان أختار

لا نملك الخيار في فراقنا ولا في اشتياقنا يا بداح


قصيدة جميلة.. صح لسانك

 

[بلقيس الرشيدي]

الله الله يابدَّاح إبداع مُمتع بِحق يِصح احسَاسك
وكُل التقدِير لروحك .

 

[عبدالإله المالك]

يا بداح

عطه وصفة علاجه
ولا تتردد

أجزلت شعرا

حييت يا عزيزي

 

[نادرة عبدالحي]

سجين الحزن هي ظروف الزمن تجبر الإنسان
على تحمل نار تشتعل في القلب ولا تخبو

ظروف الزمن تجبرك ما بين نار ونار
وصوفه مع فرقاه ... نارٍ على صاجه

 

[بداح المطيري]

المشاركة الأصلية كتبت بواسطة بندر الصقر

ولاني مخير في نصيبي عشان أختار

لا نملك الخيار في فراقنا ولا في اشتياقنا يا بداح


قصيدة جميلة.. صح لسانك

ليس اجمل من طلتك
صح بدنك يابندر

 

[بداح المطيري]

المشاركة الأصلية كتبت بواسطة بَلْقِيسْ الْرَشِيدِي

الله الله يابدَّاح إبداع مُمتع بِحق يِصح احسَاسك
وكُل التقدِير لروحك .

الله عليك
تقبلي مروري وتقديري يابلقيس 💐

 

[بداح المطيري]

المشاركة الأصلية كتبت بواسطة عبدالإله المالك

يا بداح

عطه وصفة علاجه
ولا تتردد

أجزلت شعرا

حييت يا عزيزي

ابشرك حذفته بالعلاج وطار
ابقاك الله 💐