ياموطن الروح

[حسام المجلاد]

يا موطن الروح عنّك دون حول اغتربت
منفي؛ والأحزان في منفاي خاويتها

وفي رحلةٍ هيّبتني من قساها وهبت
جرّبت جور الليالي لارحِم ميتهاا !!

الجرح بالقلب وبصدري من الضيق كبت
وعن حاسدي؛ دمعة الخذلان خبّيتها !!

واحلامي اللي على تحقيقها كم تعبت
في مقبرة صدري مْن اليأس واريتها !!

كم مرةٍ قلت ابغلب هالظروف وغِلبت
وكم ونةٍ من صميم الروح جريتها !!

لاتْلومني لا انعزلت بوحدتي واكتئبت
شيّدتْ؛ "دار المحبة" وانت هديتها !!

يطربك حزني وانا منّه ماعمري طربت
ياللي سكاكينك .. افرح .. لاتلقيتها !!

خابت هقاويّ ياملهم قصيدي وخبت
الخيبة اللي .. بعُمري .. ماتمنيتها !!

قالوا لي الحب ذنب وقلت عاد ارتكبت
أطهر ذنوبي؛ ونفسي بعْده احييتها !!

وعنّيت للجادل اللي تبتعد لا اقتربت
شعري؛ ورجلي على المجهول سرّيتها !!

كذّاب من قال بإنّي عن محبّتك تبت
ياللي محبّتك؛ وسْط الرّوح ربيتهاا !!

وكذاب من قالك طابت جروحي وطِبْت
ما والله تطيب غير إن جيت داويتها !!

سقى الله ايّام؛ لامِن جيتك وقلت جبت
قصايدٍ فيك تطربني .. وغنّيتها !!

واطربتك ليا قصدت؛ وْلا حكيت إنطربت
حلوه سوالفك .. وبنبرتك حليتها !!

ياحلوك ليا رضيت وحلوك ليا غضبت
ياللي بهالجوف نار الوجد ، شبيتها !!

ماكنت شاعر؛ ولكن يوم لأجلك كتبت
زعّلت شعّار منّي؛ وإنخرب بيتها !!

ويوم الليالي خذتك وقَدّر الله وغبت
كتبت ما أبكاني؛ وخلق الله ابكيتها

وين انت ياللي تساهلت الغياب وهربت
يا الأزمة اللي بموت ولا تعدّيتها !!

ظامي مواصل؛ ولأذكر يوم 1 شربت
والعين ذابت؛ تبي ترواك واظميتها !!

حبّيتك بصدق؛ يشهد خالقي ماكذبت
حتى طعونك ورَبّ الناس؛ حبّيتها !!

ولو ماتربّع غلاك بْداخلي .. ماسكبت
دمعي؛ وانا مِن رجالٍ ذايعٍ صيتها !!

 

[رشا عرابي]

لله أنت!

هو الشعر إن صيغَ من ضوء الشّجن
فـ كيف بالله يكون

ترانيم شجوٍ لملمت قطاف الإنصات في بُردة الآن

هكذا يكون للقصيد روح
وأيّ روح

لا أُلجم في يراعك الحرف شِعرا

 

[نورة القحطاني]

الله !
ابداااع تبارك الله
حقق لك المولى الخير كله

 

[بلقيس الرشيدي]

..

سَيبقى الشَوقُ لهُم يُعانِق الغَيم لِحين يُمطرنا بِهم وِصال !
رائِع ياحُسام سلِم احسَاسك والبَنان

.

 

[صبري القاسم]

الشاعر حسام عبدالله

أفق تحليقك سامق

صح لسانك ودام بيانك

 

[نادرة عبدالحي]

رحلة طويلة ممتعة وبعضا من مسافاتها شاقا هي نصوص الشّعر التي تجعل القارئ
يُسافر عبر حياة لم يعيشها وربما شاهد بعض منها مُشابه في من حوله ....
لا إخفي عليكَ شاعرنا كل بيت لهُ جماليته الخاصة بهِ .وله حضوره وقوة تأثيره بالنفس القارئة
أبدعتَ وأكثر .

 

[حسام المجلاد]

ربي يحفظك يارشا؛ دائما مايسعدني مرورك

 

[حسام المجلاد]

المشاركة الأصلية كتبت بواسطة نورة القحطاني

الله !
ابداااع تبارك الله
حقق لك المولى الخير كله

شكرا لك الله يحفظك