منْ قَرَاشِع بريدِي ..

[شهيق ورده]

السلام عليكم ورحمة الله وبركاته

يالله حي كل أبعادي كلٍ باسمه

حلفت والله ما تقومون الدعوة أبعاديَّه <-يعني فرِي : )




المهم ما أطوِّل عليكم بهرجٍ خنفشاري

من شَان تِسَذا

قررت بيني وبين بريدي إنِّي بدل ما أزوُّد سِعته الإستيعابيه

وراهـ ما أشْقِل منه كااااام قرْشُوعَه وأرزِّهِن هنيَّا <--يعني ترى مهوب حبٍ فيكم أصلحكم ربِّي (كاتبة مشطوبه عضويتها )

لا الصدز والله إنِّ أعِز كل نَفَر ونَفَره هُونيَّا وأبيكم مبسوطين وع الخير دوم ضمن أبعادنا ..

المهم <-كل شوي والمهم والله لو إنه تقرير القمَّه العربيه عن انفلونزا الطيور


عندي قرشُوعَه ياني ضحكت عليها بالحيل ..


صورة بني أمريكان في الربع الخالي




<---مسويه مُؤدبة ومصغره الصوره ..ارعصوا عليها وتشوفون زين : )


ذكريات الزبيريَّه الي لابستها الامريكيه على أقصى اليسار

وإلا العبايه شامِرْتِن عليها غاسلتها في طشت نانسي همن انكمشتْ مثل ما هو موضَّح فالصوره أعلاهـ ( ما يمديكم على الفُصحى


قسم تذكِّرني فأول ما قالت لنا مديرة الإبتدائي أبلا منيرهـ إنا نلبس عبايه في سادس ابتدائي ,وإلا شكلنا كان مثل هالأمريكانيات هذلِّي ..يالله أثر شكلنا عذااب والله ..




نجي للقرشُوعه نمبر تُو (دارين تعرفين عنقليزي اخلصي على العرب وراهم قيلولة !)








يااااا حلااااوهـ ..

هذا كُوتُو مُوتُو تاااج

الي في شاعر المليون إلي أزعجنا بن ساقان كل شوي تاج حبيبي ومعاك حبيبي! لا حوول ما لقى يحب إلا تاج حبيبه (وجه مطيِّر عويناته )


بس ياخوفي هالشكلاطه تثير ذكريات بعض مشافيح ( ما تقصد عبدالعزيز أبد) تجاه الحنين لدنيا الشقاوة وكيكاتنا المتكتكه أيام الطفره





القرشوعه الثالثه




<<تهو هذول الموزات أقرب لحال بعضنا هذه الأيام..

على الحديييده ويشحدون ويتزحلقون بقصايد ومعلَّقات للمهدي المُنْتَظَر (وجه متنِّح ما قال شيء)




بريكْ قصير وراجعين (إن بقى فالعمر باقي وما طارت رقاب )


والي عنده قرشُوعَه يرزَّها هنيَّا ع بال ما أرجع



ملحوظه هامةٍ بالحيل واجد كتير :

والله إلي يرز قرشوعات إرهابيه مثل بتاعت حنان لنْ أطلب من حنين تحذف قراشيعي كل أبوها الي فالعام احتجاجاً واستنكاراً يا جليلين الرحمه (للحين أتحلم بصورة حنان الله لا يعيده من يوم الي فتحتها فيه !)





<<برب ..

 

[نـــجد]

شهيق ياأم القراشيع
أعاني بترجمة مصطلحاتك القح وأحاول فهمها من سياق الحديث
وأظنك تتعمدين عشان الرداد يستعصي عليه إلتقاط خنفشارياتس
لكن فيه كلمة مانفع فيها لا السياق ولا النياق

المشاركة الأصلية كتبت بواسطة شهيق وردهـ

<<تهو هذول الموزات أقرب لحال بعضنا هذه الأيام..



..

اما الصور فحالفه يمين ماأشوفها

<< إيميلي أنظف من الصحن الصيني بعد غسيله

 

[شهيق ورده]

المشاركة الأصلية كتبت بواسطة نـــجد

شهيق ياأم القراشيع
أعاني بترجمة مصطلحاتك القح وأحاول فهمها من سياق الحديث
وأظنك تتعمدين عشان الرداد يستعصي عليه إلتقاط خنفشارياتس
لكن فيه كلمة مانفع فيها لا السياق ولا النياق




اما الصور فحالفه يمين ماأشوفها

<< إيميلي أنظف من الصحن الصيني بعد غسيله

يا هلا بأم الشر والشرير كل أبوه وجدِّه بعد : (

الحين يا مال المَصْع أنا أقول تهو = بُكاااء باللغة الكيبورديَّه يعني أندب حال بعض المُرتَزَقَه في الساحة الشعبيه والي يستخدمون "رِفَاقَة إبليس" حتى يظفرون بحفنة دارهم ! <--هذا ما يستحق إني أعيَّط يا بعد نجد


ليه ما تشوفينها ياوخيتي ! تراها مُصَدَّقه من هيئة المواصفات والمقاييس

مهيب مثل صور حنااان عسيري ياااع دم وقٍطًاعِين لحم متناثره يالله لا بليتنا بس


زاد قولي منتيب شايفتهن عشان ما تعودتي تشوفين حاجات وقراشيع حلوةٍ بالحيل لأن ما أحد يرسلِّتس

بعدين مصطلحاتي الخنفشاريَّه نابعة كـ يوم خلقني ربي..

يمكن هه فالنثر والشعر أتدوزَن بحتسي خنفشاري ..لكن فالعام اسمحيلي أبهرج باللي ربِّي واهبني من لهجتن تنحط على الكيبورد يبرى


يسعد قليبتس والله فرحتيني بهالطلَّه المتكتكه ..

وكوني معنا ستنهلين من القراشع لين ما تقولين آميييين

برايفت نجد:

ثاني مره اضبطي هوائيات رادارتس على علمٍ وكاد مهوب فِشِنْق (ضحكه شريره)

أجل رداد هاه؟ متأثره الأخت بمسلسل راس غليص (ميته ضحك)

نجد يا أحلى قرْشُوعَه في قلبي <-غَزَل حَدَاثِي : )

يالله يكفي لحد هون تمصَّع كيبوردي ..

<<برب

 

[شهيق ورده]

الحين قَلَّتْ الأسامي يوم يحطون تحفيظ القرآن للخدمات البتروليَّه ؟!

أمحق ثقافة بتروليَّه نزخر فيها بس (فيس أبو دموع تحالق )

 

[شهيق ورده]

هُو لو ركزتوا فالورقه..الهيئه كانتْ كاتبه "مُغْلَق نهائياً" .

بس إدارة المجمع خافت على جمهورها وشطبت الكلمتين سدَّاً للذرائِعْ..

 

[شهيق ورده]

عاد هالقرشُوعَه يقولون إنها تشاكيل خشبيَّه..

وأنا ما أقول إلا يالله صلاح العطا!

طيِّب رتَّبُوهن تسذا وشلون لا بغينا نرسم نقْشَع منها قلم ؟!

يبيلها نِشْدَة شِيخ فالتصاميم هذي

 

[شهيق ورده]

يا سلام !

والله بعض القراشع إنها حِكَم بس من يسمع !




<--أويلي من مؤيدي التِتِنْ فأبعاد

 

[شهيق ورده]

شف شف أبو البراءة الي تعرفها لينا بس "لا تمْصَعْ يدِّي" <-أحس إنها تقرب لي مدري ليه نفسي أصوِّت لها


بس راداري لقط مخالفه هنيَّا فأعلى الصفحه يقول "بعودة لينا الية"

يالله الحين من يعطي صاحب هالقرشوعه خبر يسدِّد المخالفه