"أوْشَكْ/تِكْ"

[شيخه الجابري]

.
.
.

[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تعال اقرب هنا واسمع حديثي فِزّ يا بختك = تعال اندردش شويه ونطوي حزننا طيّا
تعال أعَلّمك عنّي،وأخبرك كيف أمّنتك =على سد الجليد اللي نطق من فرحته شيّا
تعال وجس نبضاتي،تعال وحرّك أمْ/كِنتك =تجوّل كيف ما يَمدي ،مادامك نابضٍ فيّا
تعال وشوفني ارسم خيالك كيف شخبط/تك =وجدران الشقوق تْفر،كلما أوغل الضيّا!
تعال النّد لـ..شعورٍ يطاول سجن شيطنتك= وسوط الوقت يتمادى : وَلَعْ .. من ظلمنا هيّا !
وأدمنتك سِحِر مِدهش وتعرف ليه أدمنتك؟=لأنْكْ الروح واحساس السنين اللي لي تهيّا
ترتبني؟سبقتك حلم نايم لين: رتّبتك =حنين ضلوع تشهق بك رمى يا اا ها.. السما :مَيّا
عطش يسقي العيون اللي مداها إن تلفّ/تِك= رمش حتى المنام بداخلي وانْســـَــاق مَرميّا
وأسمع ساعتي تجهش تَك.تَك.تَك.تِك = كأنْ نأمة زمن أرخَت ب/شالٍ كان منسيّا
تقاسمنا رغيف الحب مزجت أمواجي بوقتك=دقايق فاصلة والحلم يتبع همس أثاريّا
تلخبطني؟يا قَلْبْ اهدا تلخبطتك و لخبط/تك =ربيع أجمل من إعصارٍ جنونيٍّ مداريّــا
وسلطنّي التمام اللي نما في ضَوْ مكتبتك=على رف الزوايا هنا،،،قريتك شي مزويّا
وأوّلتك على العالم على الدنيا وصادقتك=وعشتك بسْ لعيونك ولا يدخل مَعكْ حيّا
من الله يوم كافأني،،بحبك،قبل معرفتك=من الله كل عطاياك،،ورؤاياي السماويّا
يا أعمق حلم أبْحر بي على تيجان مملكتك=وعرش الرّشْ خّله لي أنا قلب انتهازيا!
كثير الطهر في روحي تمدد لين أوْشَكْ/تِك= تسلل داخل عروقي،يِفكْفِك صمت ماضيّا
أضيع ف.. سلهمة عينك وأجزع إن تشتّ/تك=وانت الأرض لشعوري وانت العازف ا..رَيّــا
يا أغلا من خلق ربي يا حلمٍ عند لملمتك=ملكت الليل بضلوعه وعِشتك كل أمانيّا![/POEM]

ذاكرة النص :
10/6/2007