الــمــقــــــــــــا هـــــــــــي !!!

حماد النومسي · 07-09-2007, 08:16 AM

السلام عليكم ورحمة الله وبركاته

اولا شكرا لاخي الشاعر الرائع \ عبدالله ثويني المانع

على دعوته الكريمه التي اسعدتني جدا

ثانيا حبا مني بالتواصل مع هذا الجمع المبارك

يشرفني ان اهديكم بعض هذا الالم والنزف

.....................................

..

[POEM="font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]
وسط الملاهي شعبنا لاهي = بين الغبا والمهزله ممسي

واهل المقاهي تشرب الشاهي = بجلسة عرب والا على كرسي

طبخه وزيّن طبخها الطاهي = اللي حمسها بدمها حمسي

الـ(وضع) متهاوي ومتواهي = ساع ابتدا عداده العكسي

وانا تعبت احرّك اشفاهي = درّست لكن مانفع درسي

مليت من سيل الغوى الراهي = يومي يشابه بالاسى امسي

عجزت الملم واجمع اشباهي = وجهي من اهوال الظما يبسي

بعض العقل ماهي على ماهي = لو سمّرت بالراس ماترسي

و الراعي اللي بالهوى ساهي = سجّل عليه اللوم ياطرسي

ياحيف يانجم السما الزاهي = وش مخلفٍ نظامك الشمسي

ياللي بمرايا الليل متباهي = يطلع عليك النور وتعمسي

العذر وقت المشكله واهي = لو قلت مهما قلت ماينسي

عينك تدير وخافقك لاهي = الهم تصبح به وبه تمسي[/POEM]..