الغربــــة

[عقيل المنيس]

الغربة
اعزائي اقدم لكم اخر الانتاج مع شديد الاعتذار عن الانقطاع

[POEM="font="Simplified Arabic,5,blue,bold,normal" bkcolor="transparent" bkimage="./images/backgrounds/40.gif" border="double,4,darkblue" type=1 line=1 align=center use=ex num="0,black""]قضّيت بالغربة ثلاثة عشر يوم = لاجل إعتزل بعض العلوم المقيته
وأصبحت لا معطى ولا أني بمحروم = زرعت حب وناتجه ما خذيته
حبٍ مهو من صافي الخد مختوم = حب الصديق اللي بصده بكيته
وأنا أدري إن اللي حصل شئ مقسوم = لا وأخساره ظنّي اللي هقيته
مع صاحبٍ معه الغلا شئ محسوم = مافيه شيٍ يطلبه ماعطيته
من واجبات إرجال وعلوم وعلوم = وأنا بعد حقي مربع خذيته
لكن تغيّر منهجه وأرخص السوم = الوضع غامض والأحاسيس ميته
باع الصداقه دون تفسيرت إكموم = وبيع الرخا لأهل الرخا ما بغيته
وانا عن اصحاب الرخا لازم اشوم = وكفي لو إيداهن حديهم كويته
وإن طحت معهم بالردى مأقدر اقوم = وينهد كل جداري اللي بنيته
وصحيح كلّ عارفٍ لأم كلثوم = لكن ولدها ظايعٍ ما لقيته
وحنا لنا عادات وأهداف وسلوم = وانا الصديق اليا شراني شريته
واليا تنحى قلت له يبعد الحوم = لكن وربي بظهره ما قفيته
والله يلو ان السما كله أغيوم = عيب الصديق إن ما تبين كميته
والرجل ماتستره لو يلبس إهدوم = ستر الرجل ربعه وفعله وصيته
ونخل الحناكيه كثيرٍ به الدوم = ولو مت جوع الدوم انا ما جنيته
لان التمر من نخلة الدوم معدوم = خسران من يزرع فسيله ببيته
وأعوّد القلب المشقى على الصوم = وإن شفت شمعٍ به عسل ما كليته
ودرب السفر دربين مقفين وقدوم = ودرب الخروج الظاهر إني مشيته
شبرٍ من البيدا ولا خوّت إخصوم = أخير من بعض العلوم المغيته[/POEM]

عقيل المنيس

 

[عبدالله ثويني المانع]

..

عقيل المنيس

أهلاً بحضورك ونورك

قصيدة أكثر من رائعة ..
تصور تجربة وحكمة لـبصير أدرك أحوال الزمان
سلم فكرك ودام تواصلك المبهج ..


أرق التحايا لقلبك

..

 

[خالد العقيل]

وانا عن اصحاب الرخا لازم اشوم = وكفي لو إيداهن حديهم كويته

عقيل المنيس
اهلا بــ عودتك
سعيد بـــ مصافحة
هذه الرائعة
تقديري

 

[سعد مسهوج]

والله يلو ان السما كله أغيوم

......................... عيب الصديق إن ما تبين كميته

والرجل ماتستره لو يلبس إهدوم

.......................ستر الرجل ربعه وفعله وصيته


الشاعر الكبير


عقيل


صح لساااااااانك


رااااائع


سجل اعجاابي




احترامي


اخوك

سعد العلاطي

 

[عبدالعزيز رشيد]

اخي
عقيل المنيس ومالغربة إلا ملاذا للبشر
كـ دأب ابي ذر - رضي الله عنه - وابن الريب
ألف شكر لك

 

[العـنود ناصر بن حميد]

وحنا لنا عـادات وأهـداف وسلـوم
وانا الصديق اليـا شرانـي شريتـه

**
واليا تنحى قلـت لـه يبعـد الحـوم
لكـن وربـي بظهـره مـا قفيتـه

**
والله يلـو ان السمـا كلـه أغيـوم
عيب الصديق إن ما تبيـن كميتـه

**
والرجل ماتستره لو يلبـس إهـدوم
ستر الرجل ربعـه وفعلـه وصيتـه

الكريم .. عقيل المنيس

كل الغياب يُعذر

وأنت تكرمنا بقصيدة راقيه

ليس لنا سوى مصافحتك ومصافحتها بالبياض

صح قلبك

ودام تواجدك بيننا

 

[أحمد حجاج]

.
.

صح نبضك ياعقيل


نص جزل .. وصل الى عنان السما سمواً وشموخا


سجل اعجابي بما سطرت هنا ..


ولاتحرمنا منك



تقبل تحياتي

 

[عقيل المنيس]

الاخ العزيز عبدالله ثويني المانع

الف شكر على المرور والمنتدى منور بالطيبين شرواك

واتمنى ان اسجل ما ينال اعجابك

تقبل تقديري واعتزازي بمرورك ... ابو جمال