الـغــلا الأغــــرب

[عبدالرحمن الرشود]

[POEM="font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]خلـي السوالـف كـذا يـا فاتـنـه اذرب = بعـض المعانـي مفسـرهـا يعسـرهـا

دام الامانـي ثـوانـي مالـهـا عـقـرب = تبـقـى الاغـانـي تكـدرنـا نكـررهـا

يا الحلم الاجمل يا الاصعب يا الغلا الاغرب = يا الصفحـه اللـي صفـاة المـا تكدرهـا

غنيت بك تيه صرتـي للحسـن مضـرب = شحيت بـك غيـرة مـا اقـدر اصورهـا

و لقيت في اسمى الهموم الخامـده مهـرب = من سيرتك و اصعـب الغايـات ابررهـا

و اطلقت سرب الحمام لصاحـب عـذرب = و الحاجـه اللـي يـوردهـا يصـدرهـا

اسرف بي الوقـت يبعدنـي اليـن اقـرب = احترت انـا كيـف ذا الحالـه بفسرهـا ؟

استصـرخ الهـم الاول يلعـب و اطـرب = اهيـم تسجـنـي اللحـظـه و احـررهـا

اطرب ولا اعذب من الهاجس الين اضرب = و ان ردنـي الهـم لأغلالـك مقـدرهـا

يـا فاتنـه تمتمـات الحلـم لـو تعـرب = او ليتـهـا الآه تفـهـم لـيـه احسـرهـا

او ليته الدرب صـد خطـاي و استغـرب = او ليتـك الـدرب و الخطـوة ميسـرهـا

ما كان في العمـر يـوم كـن مالـه رب = و لا اشقتني الضحكة اللـي دوم ازورهـا

يـا الله بلاهـا امانـي و السكـوت اذرب = للكلـمـة الـلـي تكـدرنـا نـكـررهـا



[/POEM]

 

[عبدالعزيز رشيد]

استاذي الجميل \ عبدالرحمن الرشود
الجميل في نصوصك الصوت الصارخ للمنطقيّة بـ لغة شعريّة مما تجعلها قريبة للوجدان
تعيد ترتيب الأشياء وصياغتها على شكلها الأصحّ بـ يد من شعر
هنا بالذات أجدك جميلا جدا
وأبسط مثال على ماذكرت
"والاماني ثواني مالها عقرب "
أي لاشيء إلا الوهم !
ألف باقة ودّ لك استاذي

شكرا لأنك هنا

 

[العـنود ناصر بن حميد]

عبدالرحمن الرشود
قصيدتك تتسلل بهدوء
لتستوطن وجداننا
صح قلبك
ودمت بخير

 

[خالد صالح الحربي]

:
عبدالرحمن الرشود ،
يكفيك من هذه السّاعَة / الوقت المُستقطع لكتابة مثل هذا النّص .
أعجبتني كثيراً الروح التي كتبت من خلالها ،
وَ جَوّ النّص العام والذي يوحي بأنّك كتبت ما كتبت
في زمانٍ واحد ومكانٍ واحد ..
_ ألف شُكر وتقدير لك _

 

[ناصر القريشي]

عبدالرحمن الرشود



جزل بلاشك ومتمكن لابعد الحدود



لاهنت على الابداع ولك تحياتي طال عمرك



دمت بسلام

 

[عون القحطاني]

عبدالرحمن الرشود


فعلاً قصيدة من عاج

كتبت بروح الشعر وعذوبتها

اعجبتني كثيراً بقافيتها وبحرها الممتع


شكراً ياعبدالرحمن


مودتي

 

[شوق]

صح نبضك

على هذه القصيدة الرائعة

كل الود

أختكـ/شووق

 

[قايـد الحربي]

عبدالرحمن الرشود
ـــــــــــــــــــ
* * *

" دام الأماني ثواني مالها عقرب "
" دام الأماني ثواني مالها عقرب "
" دام الأماني ثواني مالها عقرب "

شعرٌ شعرْ
شاعرٌ شاعرْ .

شكراً بحب .