إهداءْ : [ غلطة العاقل بــ عشر ]

[تركي الحربي]

المشاركة الأصلية كتبت بواسطة .....

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يانديبي فوق من لونس لهيـب الصالـي=سرعته سرعة قذايـف مدفعـن روسيـه
وارد اليابان جيب من الموديـل التالـي=ماتمـده يـاعـرب هـاذيـه لهـاذيـه
كن شكله مع جراهيـد الحمـاد الخالـي=شبه وضحـاً ربعـت فالديـره الحدريـه
ولانطحك وشفت صدامه مـع التمثالـي=كنها خمسة بشوت شيوخ فـي جاهيـه
ولاعقبني فيـه توصيفـن يـدور ببالـي=ردف ليلـى علـوي الفنانـه المصريـه
ابيضاً غرنوق من كل الشوايـب خالـي=مير عذروبه وعيبه فـي امهـات الميـه
لادعست اسليتره كـن الهـوى يبرالـي=ويـوم ادقـق كنـه يقـول الله الله فيـه
ولاكبست النور من نوراً قصيـر لعالـي=برق سحبـاً ماطلـع فالنشـره الجويـه
ورده عبداللطيـف منـافـس الجفـالـي=مير عجزت لاتحوشـه فالزمـان ايديـه
لاركبته وانت مستانـس وبالـك سالـي=ماتغبـط الراجحـي فاعمالـه الخيريـه
ولامشـا مـع عثعثـاً ماطقـه الهمالـي=التوايـر كنـه تمشـي علـى زولـيـه
والمراتب كنهـا جلسـة وزيـراً حالـي=خص لاصار الوزيـر بجلستـن رسميـه
داخليـه بيـج والديكـور فيـه يحالـي=لون كشناته مـع الطبلـون والارضيـه
لاشتغـل فـزة امباراتـه معـك طوالـي=فزة اللـي واطيـاً بالرجـل راس الحيـه
ولامشا ثم قـام يطـوي نايـد الاميالـي=طية رشا دلو بيرن فـي يديـن ارعيـه
غالي القيمـه منصيـه الرفيـق الغالـي=وغير ناصر لابغيته رحـت لـه رجليـه
صاحبي وهو خيرة اصحابي وراس المالي=نسل من تشفي ضميرك في نهار الهيـه
ربعتاً يومن للمـاص الحمـر زلزالي=فـي نهـار مــاش لارحـمـه ولامـاويـه
تشهـد الافعـال لاستشهـدت بالافعالـي=نارهـم حيـه ورث النـار نـاراً حيـه
بلغه منـي سـلام وخبـره عـن حالـي=وقله انـي يانديبـي ناويـن لـي نيـه
ودام مالك يافلسطيـن الجريحـه والـي=لاترجيـن الفـرج يالضـفـه الغربـيـه
حستاً حست على قلبي وانا ادنـى مالـي=ميـر ياناصـر نبـا العانيـه العانـيـه
بعد صار الشعر مايشـرا بربـع ريالـي=كنه أوضـاع الـدول بالفتـره الحاليـه
شفت ابن قضعان ينقـد مرشـد البذالـي=سيـةً ماتنتكـفـر نعنبـوهـا سـيـه
غلطة العاقل بعشـر وغلطـة الجهالـي=غلطةً لو هـي كبيـره ماعتبرهـا شيـه
بعد صار المر طعمه مثل طعـم الحالـي=اقمحي ثـم اقمحـي يالساحـه الشعبيـه
وضعنا مزري وبعض الهـرج ماينقالـي=والمجامل صار موضة وقتنـا العصريـه
بعد شعار ٍ ياناصـر مضـرب الامثالـي=كيف ابا استبدل سيوف الهنـد بالجنبيـه
الله اكبـر يازمـانٍ تبحـث الرجـالـي=باحثٍ خاف العرب وانـا بحـث خافيـه
كثرت انواع القصيـد وكثـرت الازوالـي=شلةٍ صاروا على اتلـى وقتنـا هلاليـه
كل واحد سبحته تومـي وعقلـه خالـي=لين عفت المسبحـه والشعـر والقافيـه
ضيق الشعر وغدا ولـد الحـلال هلالـي=ضيق الله في نحـره الكـوره الارضيـه
[/poem]

نصْ جميل جدا ً !
إقتبسته من أحَدَهُم وهُوَ منقول ولا يعرف صاحِبُهْ أيضا ً !