أبن زيدون

[سلطان الدوسري]

.
.
قاتل الله " الأنا " .. و .. الشلليّة .. و .. عدم الوفاء .
.
متواضعة أملها الإرتقاء لتلك الذوائق ..
.
.
[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]أحس إن " الأنا " تذبح وصعبه ذبّحتي هاللّون=انا مانيب من ناس(ن) تقول : إنّي على إنّي
انا شاعر ولي طرقي وأسلوبي على قانون=واحب اتفلّسف بحرفي لأن الفلسفه منّي
وانا منها شربت اشيا كثيره من قبل يدرون=شربت القاف من غيري واحبّه من صِغر سنّي
وكان الغير مايطرب على قافي انا الممنون=اقدّر ذائقة غيري ولا افرض حرف ياهنّي
وفيه قلوب تحسدني وعلى هذي كذا يبطون=لأن " الران " يعميهم وانا باني حِسن ظنّي
وكلمة حقّ ابنطقها ولا أسكت على شمشون=واذا جبّار في حرفه انا للحقّ وذا لنّي
ارمّزها على التهذيب وطبعاً غصب هيك تكون=واطيّر بوهة القاري يقول: حروف يعمنّي
وانا مانيب اشعرهم ولكن بالوسط مضمون=وفيه ابداع من غيري على سلوى مع المَنّي
لأني جِدّ متذوّق ومنصف لاحمد وحمدون=واقدّر كل فنجال(ن) يصبّه شاعره بِنّي
احبّ اشعار مختلفه وخاطر ذائقه مفتون=واذوق اشعار بالفصحى عناقيد الأدب جَنّي
واحبّ اشعار بالشعبي واموت بمفردة زيتون=حمامتها تغنّي لي سلام الحرف من فنّي
أجيب ابكار هالصوره وافضّ غشاءها بالهون=واخلّي صورة الثيّب على التكرار مااغنّي
حرام اني ألمّعها واصوّرها على الشّيفون=قماش القاف يستوعب كذا الرسمات تزبنّي
واذا هالحرف يعطيني فهو كلّه لجل مسكون=واذا عاقل انا عاقل واذا مجنون يقطنّي
وانا كلّي لجل جنّي يسولف عن أبن زيدون=واذا للتغلبي عمروُ كذا الأوضاع تفتنّي
افضّل وضع يستدرك خبايا "توت عنخ آمون"=وافكّ رموز تعويذه على تابوت مع جِنّي
ونفرتيتي أدلّعها واقول : الآنسه خاتون=واذا ايقنْت موت الحبّ أوصّيها وتدفنّي
واعاندها على "إلاّ" واطاوعها على "وشلون"=وافسّرها على قولت: انا بالعين وش كنّي ؟
هنا ارمز واتحدّى واقول العين وسط عيون=وننّ العين تاكلها على هقوات يوذنّي
واعلّمها بأن الكون مايستوعب المزيون=ولكن داخلي يقدر على استيعاب وتسكنّي
وانا ساكن دواخلها وكلّي صاير(ن) مسجون=عساها ماتفكّ اسري واذا انفكّيت مااثنّي
وببقى دوم اتفلسف وانا بالفلسفه مجنون=وقاف الغير احترمه ولا أبني على " إنّي "[/POEM]
.
.
.
احتراماتي

 

[فهد مفلح]

صــــــــــــــح لساااااااانك

تقبل مروري من امام هذه الباذخه يامبدع

لاهنت

 

[عبدالحميد بن ناحي]

لازلت تتحفني بتفردك العجيب

بكتابة النص وفلسفتك الخاصة بداخله

كم أنا أشكرك أيها المبدع

 

[عادل بدر]

صح لسانك وقلبك وكلك ياسلطان
على هذه الشامخة / الشامخة .

 

[نافع التيمان]

سلطان الدوسري ,,

شاعر يجبرك على قراءة الشعر بطريقته ,, بكل إعجاب ,,

رائع ياسلطان ,,

 

[فيصل الحلبوص]

فلسفه رائعه وجميله من شاعر


عرف كيف يصوغها



ويكتبها



سلطان الدوسري



صح لسانك


وسلم بنانك ولا تحرمنا فيضك




لك كل الود والتقدير



وتقبل مروري

 

[أحمد الكميان]

الدوسري

فلسفه رائعه

انا شاعر ولي طرقي وأسلوبي على قانـون
واحب اتفلّسف بحرفـي لأن الفلسفـه منّـي

واذا هذا نمطك من قلب احييك لان لكل شخص ذاته واسلوبه الخاص

وببقى دوم اتفلسف وانا بالفلسفـه مجنـون
وقاف الغير احترمه ولا أبني علـى " إنّـي "

وهذا منهج الرجال الاجاويد يحترم شعر وفكر غيره

والمبدع يفرض نفسه

صح قلبك

الى القمم دوماا

 

[سلطان الدوسري]

.
.
فهد مفلح ................

صح بدنك يابعدي ..
مرورك شرفٌ لي وحروفي ..
شاكراً لك هذا ..
وسلملي عليك ..
.
.
احتراماتي