تسجيل الدخول

مشاهدة النسخة كاملة : .. وشوشة

الصفحات : 1 [2] 3 4 5 6 7 8 9 10 11 12 13 14 15 16 17 18 19 20 21 22 23
ناديه المطيري
10-29-2008, 04:45 AM
سألت الليل جاوبني صباحك=كأن الصبح معقود بجبينك
.


.
ناديه المطيري
10-29-2008, 01:51 PM
واتمدد بين كفّينك قصيدة

إكتب ,, اشطب

إكتب ,, اشطب

مايهم اللي يهم إني عنيدة
ناديه المطيري
10-30-2008, 11:57 AM
شباك هذا المسا مفتوح= والبرد/ دمعٍ يدثرني
ناديه المطيري
10-30-2008, 01:52 PM
http://www.kaiaal.com/up/uploads/7ec95b42db.jpg




غيّاب / تلويحة وداع / انهياري=دمع / اختناقات وذهول وكآبه
عادي كذا ترحل بدون اختياري؟!!=على الاقل ابغي لسؤالي اجابه
وان كان ماهمك عناي وقراري=إرحل وانا برثي غيابك / كتابه
وان كان شِعري يعجز انه يجاري=حزني ,, تأكد ما لِشِعري مهابه
ناديه المطيري
10-31-2008, 04:43 PM
http://www3.0zz0.com/2008/05/09/14/634222453.jpg



ماكنت ارتّبْلِكْ من العام أشياي؟؟!!=ماكنّي الاّ الصبح في كف ظلمه
ماكنت تصْغي لي / ولا كنت ويّاي=مثل الذي يكتب على صفحة الما
ماهمّني درْبك يسولف عن خْطاي=دام ارتوائي بين كفّيك يِظما
ليتك تجي هالْحين وتْبعثر اشياي=يمكن يعيش الصبح



وتْموت ظلمه

وتْموت ظلمه

وتْموت ظلمه

وتْموت ظلمه

وتْموت ظلمه

وتْموت ظلمه




منتال
ناديه المطيري
10-31-2008, 05:03 PM
http://gallery.johina.net/up/9432/1157329658.jpg





هذا الحزن
مايعرف انصاف الحلول
إما مزن
إما ذبول

..


.
ناديه المطيري
10-31-2008, 05:37 PM
عاري القصيد




المكان: غرفة شاعرة ترتق احلامها

الزمان: ذات مساء موغل بالشعر / والعنفوان




بين الشبابيك والابواب = أجمل قصاصاتِ منسيه
خبّيتها بين حزن كتاب = يبكي الورق في محانيّه
لو الدفاتر تضج عتاب =ماكانت حروفِ منفيّه
لدّيت انادي الورق/غيّاب = واجسّد الضحك ,,مرثيّه
ماجيت اهوجس واسد الباب = جيت ازرع الريح بيديه
جيت اتوجس واشق عْباب = بحـور شعري وقافيّه
لو كان فيني الحكي مرتاب = اقْطَعْه بالشّك لو عيّـه
ماهمني حاسد وكذاب = مادام صدقي دمـح سيّه
لو احكي الصدق او اغتاب = ماهمّنـي كذبـهم فِيّـه
ماهمني حكْيهم لو عاب = في شِعري يكفيني بنيّه
لو استفز الحضور غياب = فـزّيت لهنـاك وهنيّـه
لو هز فيني النهار اعناب = شربت من صبحه وضّيه
لو اني ذنب الشعر ماتاب = يخطيني واغفـر بـلاويّه
لبست عاري القصيد ثياب = وازهاني الشـعر في غيّه
"هوّه صحيح (الشعر) غلاّب؟!" = تبّت يدا ميـته وحيّـه
الشعر تخضع له الارقاب = ياحظ شعرٍ خضـع ليّـه
اما يجيني الشعر طلاّب = او الجمـه واعلن الجيّـه






مجلة وضوح
العدد 27
فبراير/مارس 2008
ناديه المطيري
10-31-2008, 05:40 PM
مدخل

قصيدة كتبتها قبل نشرها بأشهر

غيّرتُ انفاسها / كلماتها عشرات الزفرات

حذفت البعض من نبضاتها / ابياتها والتي ربما كانت ستحدث فرقاً ,, فقط لـ ارضاء تلك القافية الغبية

فـ كانت ( فوضى الحكاية )






فـ النهار ارتّب احداث الحكايه=وفـ المسا اغويت فوضى هالكلام

يستبيح الليـل صمته للغوايه=عـذرةٍ قـدّت فسـاتين الظلام

انْ بديته طِهْرْ يِتساقط خطايه=ولاندمتـه زمّلونــي بالملام

إن لِزَمْتَهْ صمت باطراف الوشايه=ثرثرت اسراري بـ كفوف الغمام

وامطرتني كره واحقاد ونكايه=واغرقتني بين (غين) وبين ( لام)

يمّمت وجهي شطر هاك المرايه=وانكـسر وجهٍ توارى في الزحام

جيت المّه باغِتْتْني هـ الشظايه=وانْبِتَتْ اطرافي الغضّـة حمام

جيت ادوّرني عِجزت الْقى سِوايه=غـادرو..الآي وحـدي و الحطام

كان بعضي للاسف ماهو معايه=ليـن كلّـي غادر ارجائي وهام

موحشٍ هذا المدى مُخزي بُكايه=غـادرٍ ليــلٍ تِغافلـني ونام

كنت اشرّع للملا بيض النوايا=مادريت ان السواد احكم زمام

كنت اشوف البعض يتخبّى ورايه=مادريت بْطعنـهم قاسـي وسام

يغزلون النور في عتم الزوايا=يستبيحون الدموع بابتسام

جيت ابَسْدِلْ ليل صبري و النهايه=جيت اسلّـم وارفـع الرايـه امام

كان ودي اتمادى بالحكايه=لكــن اللحظـه تِثَنّـتْ لِلسّلام



مخرج : تباً للقافية



نُشرت في يوم الجمعة 25 يناير /2008 م في صحيفة ( الراي) بـ اشراف الشاعر ( فرج صباح )

بـ اسم ( لامار)